امي ماتت000000 وسوء الخاتمه؟؟؟؟

7 ديسمبر 2009

اولا وقبل كل شيء أقول ألام هي نبع الحنان هي العطاء هي الحضن الدافي هي كل شيء بهالكون من فقد أمه مابأعزيه بامه لا بأعزيه بنفسه لان اللي ماتت هي روحه ......

أمي مختلفه أيه مختلفه عن كل الناس ذكرهم وأنثاهم من عرفت هالوجود ماعمرها أغتابت أحد أوشتمت أحد أونقلت كلام لالالالا أمي موب من الحريم أصلا عقلها راجح شخصيتها عظيمه أمي شيخه على روس الرجال

ماعرفت مسلسلات ماسمعت موسيقى ماشافت حرام

ماقطعت صلاه ولاتهاونت بوقت

كريمه جسوره وبعد حنونه

وبعد كل ذا مطيعه لزوجها كل ماطلب قالت لبيييييه

أمي أبتلاها ربها بمرض السرطان عانت منه سنين تعبت وتعبنا معها بكينا وبكى أبوي دم بدل الدموع
ومع ألمها ومعاناتها ماخلت ابوي كانت ملازمته وين مايروح
كانت كل شيء بحياته ام واخت واخوا وزوجه ومع كل ذا حبيبته وعشيقته

جتها ساعات الاحتضار وقالت وجهوني عالقبله وبغت تصلي بس ماقدرت كانت متعبه ولقناها الشهاده وتشهدت امام كل اهل بيتها وكانت تتبسم ورددت الشهاده اكثر من مرتين وبعدها خرجت روحها بسلام حتى ماحسينا بنزع الروح ياليت كلنا مثلها
اسال الله لها جنه عرضها السموات والارض

راحت للمغسله وهنا لقينا المصيبه حسبي الله ونعم الوكيل

صديقه لامي كانوا مثل الخوات وبعدها قلبت على امي مدري وش جاها وقبل مانوصل لغرفه الغسيل الا ونلقاها هناك ولما شافتنا طلعت بسرعه مدري وش جابها ولا مدري وش هالخبث فيها ماسمعت خبر الوفاه الاوهي منطلقه عالمغسله

المهم ماعطينا الموضوع بالنا وقبل كم يوم مطلعه كلام ان امي ماتت بسوء خاتمه وقامت توصف شكل امي وهي ميته تخيلوا يابنات تقول انا لو ماكنت حاقده عليها كان مت جنبها من شكلها اللي يروع مع ان المغسله الداعيه كانت تبشرنا بالخير
وذي حسبي الله عليها ونعم الوكيل الله يبلاها بنفسها
يعني فرحانه وعشان تقولون يمكن صادقه ابي اعلمكم ان مرضى السرطان يحترقون من الكيماوي حتى ان صديقتي تعلمني بعمتها وتقول والله ان وجه عمتي كان مسود مرررررره يوم سلموا عليها قرايبها حتى اخوا صديقتي مانام الليل من الروعه مع انه شاب وكبير وعمتها ولاازكيها امراءه صالحه بمعنى كلمه صالحه مصليه صائمه متصدقه والله انها صوامه قوامه وفوق ذا صابره على زوجها وتعرفون المرءاه الصابره على زوجها اجرها اجر المجاهده

المهم انا ابيكم تدعون ان الله يرجع لنا حقنا منها وان الله يبلاها بنفسها ويفضح امرها وخبثها ومثل ماسببت لنا الألم والقهر على أمنا انه يحرق قلبها ويجعله نار ماتنطفي

لاتقولون ليش حاقده كذا أنا اشوف ابوي يبكي لما سمع هالكلام وتعب نفسيا وحنا ماعاد لنا بهالدنيا الا هو

وبعد حنا من شيوخ قبايلنا وهالكلام ماعاد وقف على احد الكل قام يتكلم فيه وهذا اللي يموت قهر نبي ندافع بس مانقدر عشان ماتكبر السالفه

وجزاكم الله الجنه زي ماسمعتوني الى النهايه
ولاتنسون تدعون لامي بالجنه