ماشاء الله يا مهاميهو .. تحليلك رااااائع يا حبيبتى اللهم بارك .. المفروض ان نتيجة التحليل دى ترفع معنوياتك شويه يا مها
بصى يا قلبى انا قريت كلامك مع ام اياد .. واسمحيلى اقوللك ..
اضربى الدنيا دى بالجذمة
.. عفوا للفظ يا بنات ..
ايوة يا مها الدنيا تستاهل كده ياحبيبتى .. وتستاهل تحطيها تحت جذمتك مش تشيليها وتحطيها فوق راسك وتلفى بيها شرقا وغربا كده ..
وبعدين انتى دلوقتى فى حالة زى ما قولتى والحالة دى مؤقته يعنى مينفعش تاخدى فيها قرار مهم زى الاستقالة يا مها .. اصبرى لحد ما تستردى نفسك شويه وساعتها اتكلمى مع حد يكون عارفك وعارف ظروفك واتناقشى معاه وخدى رأية فى القرار ده علشان يبقى فى حد تانى بيفكر معاكى ويقوللك النصيحة بدون رتوش .. ويفضل ان يكون الشخص ده زوجك لانه يعرفك اكتر من اى حد تانى ..
اما بالنسبه لزوجك اللى مش حاسس بيكى .. معلش هو مش حاسس بيكى .. انتى حسسيه بنفسك وبوجودك .. اعملى له كل حاجه ممكن تتعمل .. وبعد كده كلمية وعرفيه اللى جواكى .. هتقولى لى كلمته كتير وهو مش بيسمع .. هقوللك كلميه تانى اومال المثل بتاع "الزن على الودان .." ينطبق على مين يعنى ما هو عليهم طبعا يا عبيطة ..
وانتى حاولى بس ما تركزيش مع الراجل اوى يمكن هو مش واخد باله انك مدايقة ..
وسيبى بقه قصه استقالك دى على جمب شويه الله يكرمك .. انتى بتقولى قاعدة مع حماتك فى نفس البيت وزوجك مش فى الدنيا والحمل لسه ربنا ما كتبهوش ليكى .. كل ده وعايزة تقعدى فى البيت !!! اقوللك ايه بقه ..
طريق الامل ( خبرات متبادلة حول مراكز العقم فى مصر ) الجزء الثامن
متابعة النقاش، صفحة 259