شاركي في النقاش

سجلي الدخول لإضافة تعليق.

التعليقات

3,327
  1. boba boba
    ياربى على التوهان اللى انا فيه ايه ده ياناس بقى النور مالى الملف وانا شغالة اقرا الصفحات وارد على كل واحدة وما اشوفش النور اللى هل مرة واحدة بوجود نيفوووووووووو صباح الفل على عيونك يا نيفوووووو ده انتى اللى وحشانى يابنت الايه قوى …
    بوبتى ... ربنا يارب يوفقك ونسمع خبر حملك قريب آمييييين
  2. @ashtkt_alyk

    رورو...
    أنا دخلت تانى مخصوص علشان افتكرت إنى مردتش عليكى بخصوص سيف و المدرسة......بصى انتى رأيك ممكن يكون فيه شئ من الصواب...و خصوصا إننا كنا نسمع زمان إنه يفضل الطفل ميمسكش قلم قبل 6 سنين.....
    المهم...مفيش مشاكل ...مش لازم تخليه يكتب....بس حاولى يا حبيبتى إنك تشتغلى معاه شفوي كتير وتحفظيه الأرقام و الحروف عربى و انجليزي...وكمان لازم يتعلم لما يشوف شكل الحرف أو الرقم إنه يعرفه لوحده و يعرف ترتيبهم.....الحاجات ديه قد تبدو سهلة بالنسبة لينا.....ولكن تعليمها ليهم للمرة الأولى بياخد وقت و مجهود كتير....
    و أنا باقولك تبدأي معاه من دلوقتى لسبب مهم....و هو إنه لما يدخل المدرسة ...هيلاقى أولاد معاه فى الكلاس خارجين من Kg1 و عارفين حاجات أكتر منه بكتير....و كمان استجابتهم مع المدرسة طبعا بتكون أكبر بكتير.....و ده ممكن يسبب إحباط للطفل....غير إن المدرسين برده مش ملايكة....ممكن يحاولوا يشتغلوا مع الطفل المتأخر شوية....لكن برده اللى بيحوز اهتمامهم أكيد بيكون الطفل النشيط......
    يا رب يا حبيبتى يوفقك معاه و يجعله قرة عين ليكى و يفرحك بيه و يرزقك أخوات ليه عن قريب
  3. mahaadham
    توتا وحشتيني عاملة ايه
    مها ... انتى غطستى تانى .... ربنا يهدى الامور عندك وتخرجى من حالة الكآبة اللى كانت محوطاكى .... ويكرمك بالحمل العاجل غير الآجل يارب ...
    والله مش انت بس الى نفسك تسيبى الشغل ومش انتى بس اللى الشغل واكل كل وقتك ... انا الشغل واكل عمرى كمان ... بس الفرق انى محدده هدفى ... حستمر ان شاء الله لحد مايكرمنى ربنا بالحمل ساعتها يكون ده هدفى الجديد من الحياة انى اخرج النشىء ده نافع لدينه وللأسلام قبل مايكون نافع لنفسه ويبقى ده هو الشغل الجديد بالنسبة لى ...
    ماتسبيش الشغل قبل كده ... اللى بيقولك كده واحدة شغالة 8 ساعات يوميا و+ ساعتين مواصلات = 10 ساعات يوميا بقالها 10 سنين وقبلهم 6 سنين كانت شغالة 4 ساعات يوميا ..
    يعنى مستحييييييييييل تكونى تعبانه اكثر منى ...
    اصبر ياجميل ده الصبر الجميل ... مالك زهقان دايما قلقآن لسة المشوار قدامنا طويل والصبر جميل ( اجمل الزهور )
  4. @ashtkt_alyk

    هيا ننشر الخير
    يا بنات فى حاجة لفتت نظرى فى كلامكم عن تحليل البروجيستيرون بتاع مها فهمت من كلامكم إن البروجيستيرون أقل من 20 يبقى تبويض مش سليم ! طيب إزاى ممكن يكون فى بويضة كبيرة من غير منشطات وبتخرج من المبيض من غير مساعدة خارجية ( زى الإبرة التفجيري…
    بصى يا قمر....
    أولا..وراد جدا ان يكون فيه بويضة حجمها كويس فى السونار.....لكن لما يتعمل البروجسترون يطلع رقم قليل...و ده بيبقى معناه ان البويضة ديه مش تمام و مش ناضجة كفاية.....لإن البويضة الناضجة هى اللى بتفرز هرمون البروجسترون بشكل سليم......و طالما قليل يبقى ده دليل على عدم جودتها بالرغم من حجمها.....(و باقولك ده عن تجربة...لانى الشهر اللى عملت فيه البروجسترون كان فيه بويضة حجمها 21...و اتاكدت انها خرجت..و لما عملته طلع 6.7)

    أما بقى بالنسبة للرقم اللى نقول عليه قليل...فأوكسى أفادت فى الموضوع ده....و برده هاقولك اللى اعرفه...
    تحت 8 معناه مفيش تبويض حصل الشهر ده
    من 8-10 تبويض ضعيف
    أما بقى من فوق 10 ففيه اختلاف...ناس تقولك من 10 ل 15 مش مناسب اوي لحدوث حمل...و فوق 15 كويس....
    و ناس تانية تقولك لا محتاجين الرقم يكون أحسن شوية....يعنى من 20 ل 25

    و طبعا كلامى ده كله من غير تنشيط....أما بتنشيط فمتهيألى الرقم بيكون أكبر من كده بكتير

    و آخر حاجة عايزة أقولهالك....إن البروجسترون ده بيتغير من شهر لشهر....يعنى ممكن تلاقيه حبة فوق و حبه تحت....و طبعا أتمنى إنه يكون عندكم فوق فوق فى العلالى

تابعي تجارب أخرى من هذا القسم.