اكتب وانا ابكي تعامل اهل زوجي مع اهلي ومع اهل سلفتي

زي ما قالت دبه سمينه والله انها صادقه يسلم لسانها.......من جد شي متعب انك تلاحقين ورا ناس ما تعرف الاصول....والله اني في بداية زواجي تعبت وانا افهم في زوجي الاشياء اللي تعودتها من اهلي مثل التقدير والواجب والعزايم والكرم .......عرفت طبع اهل زوجي من اول ما تزوجت ولا وحده فيهم اهدت لي لو قشرة بصله.........ولا يعرفون يعني ايش تقدير........ولدت بنت اخوه قلت له ابغى اهديها قالي ما له داعي اخوه سكن بيت ملك قلت اخوك ما بيسوي نزالة بيت يعني عزومه......قالي لا لا ما عندنا كذا.........يا ربي بموت ما عندهم زيارات ولا هدايا ولا واجب عايله غريبه من جد ........انا متعوده انه لازم نهدي نوجب نزور المريض نعزي نحضر لفرح غيرنا نساعد المحتاج..........بالنهايه صرت اسوي زي ما قالت دبه سمينه ريحي نفسك والباقي في ستين داهيه ..............لا تزعلين من اسلوبي والله مقهوره انه في ناس ما عندها دم وذوق

والله حبيبتي لااااااااايضيق صدرك ولا شي ناظري مصيبه غيرك تهون مصيبتك
انا ادري انها والله تحز بالخاطر بس اللي يبي يعيش لازم يطنش مره ويتنازل ثانيه ويتعامى عن اخطاء اللي حوله
اذا هم معاملتهم معك زينه فخلاص اهلك ان شاء الله مو على حاجتهم ولا على جداهم
اخوك بيعرف من نفسه ولاعادهو مكلف على نفسه اذا الناس مابادلوه الحشيمه او طنشوه
وزوجك اذا مايقدر يعلم ابوه المراجل خلاص هو رجاال واذا جا يوم يعزم اهلك واهله سوى هو ويحطها في مكان محايد استراحه مثلا اذا مايبي يحطها ببيت ابوه عشان مايضغط على ابوه

من جدك زعلانه ؟؟؟
و انهم مسوين العزيمه في الرياض وماعزموا اخوك اقول لك حق
لكن مسوينها في جده وزعلااانه ؟؟؟
طيب وش دراك يمكن الرجال عازم نفسه عليهم ؟؟؟؟ طب عليهم فجأه واضطروا يغدوه ؟؟؟ ايو يمكن حماك زوج سلفتك هو الي عازمهم في بيت ابوه

معليش حبيبتي ابقولك شي انت غلطانة يااختي والله ماتسوى تضيقين صدرك عشانهم قلعتهم هم وعزايمهم لو يحطون سلفتك فوق انت تحت ماعليك منهم لانه امرك ماهو بيدهم اصلا والله على هالحالة بتتعبين
انت خليك قوية معاهم واللي لك ماعليك منهم وبعدين ادا هم كدا ليش اهلك مدلعينهم الا اسحبي عليهم ودقي فيهم بالكلام مثثلا قولي لهم والله اخواني يقولون اعود بالله ودنا ننقل الجيران مافيهم خير ولا نشوف منهم احد ومن هالكلام خليهم مايسوووون