شاركي في النقاش

سجلي الدخول لإضافة تعليق.

التعليقات

45
  1. @danh_saaodyh

    مافيه الا حل واحد بس وهو ان امهم تشغلهم بأستمرار
    تجيبلهم العاب غريبه ولها اصوات عشان تلفت انتباههم
    ودائما وابدا تضحك معاهم ولا تبكي امامهم ابدا ابدا لان بكاءها راح يحسسهم بالخوف وعدم الامان

    يعني بأختصار تسويلهم جو من المرح مثلا مره تجيب لهم موز وسكاكين البلاستيك الخاصه بالاطفال وصحون وتخليهم يقطعون ويرصونه في الصحن ويوكلون بعض منه

    تسوي عند اهلها حفله صغنونه وقبل الحفله بكم يوم تكلمهم عن الحفله وانها بتجيب وبتجيب وتحمسهم ووقت الحفله تلبسهم فساتين وتحطلهم شريط اناشيد

    تسويلهم في البيت العاب من صنع خيالها زي مثلا بطانيه وتثبت اطرافها في بعض الاثاث وبتصير كأنها خيمه وعلى فكره الاسقف القريبه من الطفل مثل اسفل الطاولات يحسس الطفل بالراحه والامان لانه يحس انها مقاسه وخاصه فيه

    تجيب لهم كراسه كبيره وتخليهم يرسمون بالالوان الفرشه بس تختار النوع الخاص للاطفال بيكون خفيف وبدون رائحه

    تخليهم يستخدمون بعض اواني المطبخ الحقيقيه والآمنه الغير قابله للكسر ويلعبون فيها
    وكل هذي الالعاب تكون تحت رقابتها وامام عينها لأنهم صغار والمراقبه المستمره لهم مهمه جدا جدا
    بالنسبه للاكل خليهم يشربون الحليب دافي شويه لانه يرخي الاعصاب
    وشربيهم النعناع لانه يهدي الاعصاب بس يكون خفيف
    وسمعت ان الشكولاته تزبط مزاج الاطفال بس اعطيهم في النهار عشان ماتسهرهم بالليل

    واهم شي انها تقرا عليهم في الصباح وفي المساء وآية الكرسي والمعوذات والفاتحه والاخلاص


    ولا تنسى ابدا انه لازم ما تبكي قدامهم مهما صار هي الآن بالنسبه لهم مرايه بيشوفون نفسهم فيها لو هي مبسوطه وتضحك وتفرفش هم كمان بيضحكون ويفرفشون والعكس صحيح


    الله يحفظها و يحفظهم من كل شر ويرد لهم ابوهم بالسلامه

تابعي تجارب أخرى من هذا القسم.