قصصي مع الخادمات تكفن يابنات ادعولي

باختصار جتني شغاله سيرلنكية جديدة غير مدربة وخسرت على تقديمها وهربت بعد أربعة شهور وجبت اندنوسية وخسرت الكثير من المال


والوفت ولها سبعة شهور ومأذيتني وتزن على رأسي كل يوم تبي تسافر وأنا معلمة متعاقدة وعندي أربعة أطفال ولاأقدر أستغني عنها


وسببت لي قلق كثير وش الحل تكفون الله يوفق من تعطي رايها

14 تعليق 1,573 مشاهدة

شاركي في النقاش

سجلي الدخول لإضافة تعليق.

التعليقات

14
  1. @klb_yaakl

    السلام عليكم ورحمة الله وبركاته

    اسئل الله ان يعوضك خيرا مما فاتك ومما دفعتي..

    ونصيحه من قلب اقنعي نفسك بعدم ضرورة الخادمه...لأن هناك البدائل المكلفه قليلا لكنها تشعر براحه دائمه بأمر الله اولا واخرا

    اولا تنظيم وقتك ووقت ابنائك
    ثانيا الحضانات والمدارس الخاصه في كل مكان سجلي ابنائك بها
    ثالثا الاجهزه الكهربائيه متوفره ولكل شي
    فقط تديري الجهاز وتنتطري حتى ينهي عمله..
    وانت تفرغي لعملك ولأطفالك
    وتذكري دوما انك مسؤله عن ابنائك امام الله حين تتركينهم لخادمه لا تحسن معاملتهم
    ولا تعلمهم امور دينهم ..
    وبالتوكل على الله حق التوكل سيتسير لك امرك بأمر الله وبفضله
    اسئل الله الكريم المنان ان يفرج همك ويلهمك الصواب ويعينك على مسؤلياتك
    واتمنى ان تكون مداخلتي خفيفة على قلبك
    :26:
  2. الله يعينك والله مريت بنفس تجاربك السيرلانكيه لما وصلت الشهر الثامن بالحمل سافرت وهي لها ثمن شهور جايه بحجه بنتهاا تبي تموت الله يكفينا شرهن ماكثر كذبهن وكانت ولادتي قيصري

    وش سويت ولدت عند اهلي لما طعلت الاربعين ورجعت لبيتي حقيقه مسوؤليه بس انتي

    هونيهاا وهي تهوون

    اما الاندونيسيه اذا عند اهلك شغاله او اختك خليهم يبادلونك بهااا يعني تغيير نفسيه

    والا كلمي المكتب خليهم يكلمونهاا ويقولون لهاا من شروط اندونيسيا اذا ماكملتي السنتين بيأخذ الكفيل منك ست شهور من معاشك له والتذكره على حسابك وتراني صادقه هذي شروط ملزومات بهااا وشوفي اذا ماتراجعت وقامت تشتغل عدل وطيرت فكرت السفر من راسهاا

    انتي اذا طلعتي خوذيها معك واذا رحتي للسوق لا تنسيهاا من ابو ريالين مشط شباصات حجاب شنطه اكسسورات لهاا بس قولي لا تلسيهم الحين هذولاا عند اهلك

    حتى لو تشري لعيالك عصير وحلااو اعملي احسابك تشري لهاا

    وخليها تكلم اهلهاا واذا بالمكالمه تزيد تبي السفر مالها داعي

    او قولي لصديقتك بالمدرسه اللي عندها شغاله اندونيسيه وطيبه خليها تزورك وتجيب شغالتهاا تحكي مع شغالتك وتعلمها وتهديهاا ترى بعضهن يخربن وبعضن يهادن

    انا شغالتي تجنن كل يوم ابس سفر ابي اكلم اهل ابي فلوس كل شهر بشهر لما خليت وحده تكلمها من شغالاات الاهل واشوى هجدت ولو ابو طبيع مايخلي طبعه

    وسلامتك
  3. اذا هي تبي تسافر سفريها الخوف انها تهرب او تسوي لعيالك شي لاسمح الله
    قولي لها اوكي تسافرين لكن هاتي بالاول قيمة التذكرة لان بعضهم يهددون بالسفر على بالهم اننا بنسفرهم على حسلبنا
    فانتبهي لاتسفرينها على حسابك خوذي قيمة التذكرة منها واذا رفضت فمعناها انها غير جازمة واللي تعمله حركات دلع
    حل اخر حتى ماتخسري
    اعرضي عليها تشتغل في بيت ثاني يعني تنازلي عنها كذا تعوضين بعض من خسارتك
    ونصيحه مني قدمي على وحدة جديده من الان اذا شغالتك الحاليه عازمه على السفر
    واذا الجديده وصلت سفري القديمه قبل ماتشوفها انا كذه اسوي
    والله يعينك صراحه الشغالات صارو يجيبون الهم

تابعي تجارب أخرى من هذا القسم.