شاركي في النقاش

سجلي الدخول لإضافة تعليق.

التعليقات

65

  1. @ord_ma_ythbl

    فرووحة
    الحمد لله وحده، والصلاة والسلام على من لا نبي بعده، وبعد: فإن الأصل في الزواج التعدد؛ لقوله تعالى: وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَ…
    الله يجزاك خير يا فرووووووحه
    القاعده الصحيحه في نجاح الزواج هو من ترضووون دينه وخلقه فقط ليس من هو شاب ومن هو معدد
    وبالنسبه لايجابيات الزوج المعدد الي ذكرتها فروووحه والله العظيم انها صادقه

    اليوم الي عندي اتعدل واتزين واطبخ الاكل الي يحبه واتفنن فيه واقوم بوجاباتي كزوجه
    اما اليوم الي بعده يا سلااااااام يوم مفتوووح فا ضيه اسوي الاشياء الي احبها وامارس هواياتي اراكض مع اولادي وانطط على السرير خخخ اعزم جاراتي ولا اسير عليهم اصوم واكسب اجر اتصفح النت وادج في عالمه انام اي وقت (علشان عندي اووووف الاستلام بكره )ههههههههه

    يا اخووواتي الحياة الدنياء لا يوجد فيها الكمااااااااال ابدا ابدا والراحه الابديه والكامله في جنة الخلد

    اسئل الله العلي العظيم لي ولكم ان يجعلنا من الشاكرين عند النعماء ومن الصابرين المحتسبين عند الضراااء
    واسئل الله ان يرزق اخواتنا المطلقات والارامل والبنات الي ما تزوجوا بازواج صالحين يخافون الله فيهم .



  2. @alhml_alodyaa100

    طيوووفه الحلوووه
    وعليكم السلام ورحمة الله وبركاته كنت زوجة ثانية وكان وقتها منفصل عن زوجته وأكد لنا ذلك لكن ماكان في عدل نهائيا سبحان الله قال تعالى: { ولن تستطيعوا أن تعدلوا بين النساء ولو حرصتم فلا تميلوا كل الميل } وكفى بقول الله شهيدا ومن وجهة …
    فعلا حرام الوحده تضيع عمرها

    ومابالك اذا الوحده تحت سن العشرين واخذت متزوج فوق الثلاثين اكييييييد دفنت نفسها <<<<<<<<<<<حالي انا:(

  3. @almlayyn

    السلام عليكم ورحمة الله وبركاته
    أول شيء وأهم شيء لازم تتأكدين أن هالرجال شخصيته قوية ولا ضعيفة
    لأن الرجل الي شخصيته قوية ممكن يعدل وممكن يتحمل مسؤلية قرارة
    واللي هو الزواج من ثنتين
    أما الرجل المتردد الضعيف
    ممكن يتزوجك ولما تثقل عليه المسؤولية ويعجز يتحمل مسؤولية بيتين مادياً ومعنوياً وعملياً ممكن يطلق
    وطبعا الثانية اللي عيالها أقل هي ضحية هالطلاق


    الرجل ضعيف الشخصية
    ممكن يميل للأولى بحكم أنها تكسر قلبه بالعيال والشكاوي ولانها تعرف نقاط ضعفه

    الرجل ضعيف الشخصية غير عادل


    -------.
    صلي استخارة
    لاتسوين أي علاقة من زوجته الأولى ولا تشوفينها ولا تزورينها ولا كأنها موجودة لأن مهما حاولتي أنك تكونين لطيفة ولبقة
    بتدخلين بمشاكل
    لو صبغتي شعرك ولا قصيتي ولا لبستي جديد ولا سويتي ريجيم قالت تبي تقهرني وتغيضني

    وتبي تدخلين بكابوس المقارنات
    وخصوصاً انتي ينظن بك ظن السوء
    لأنك الثانية
    وماراح تخلصين من قيلها وقالها له .
    يعني بتقول له قالت وسوت
    لو كلمتك ولا رديتي وكنتي ساهية
    بتقول حقرتني
    ولو حملتي بتقول تبي تثبت رجولها
    ولو ولو
    لذلك اقطعي العلاقة معها من البداية وارتاحي
    ولاتشوفينها ولاتشوفك بترتاحين وهي ترتاح من 90 بالمية من مشاكل التعدد
    في اليوم الي يجيك زوجك
    لاتتكلمين عنها ولاتقارنين بينك وبينها
    ولا كأنها موجودة
    ولاتسمحين لها تشغلة بالاتصالات
    قولي له اسمع
    شرطي الوحيد
    في يوم اذا احتاجت لك ضروري ترسل رسالة وتكتب فيها وش تبي
    ولا ترى مافيه زواج
    ولاترى بتتعب نفسيتك من اتصالاتها

    وقولي له كل مرة تتركني بيومي وتروح لها . .ولما تجتمع خمس مرات تركتني ورحت لها . ابطلع اتعشى برى بمطعم او ابروح للسوق.

    ولا ترى ماراح يصير لك لايوم ولا ليلة.
    بيصير كله لها وانتي يجي ينام عندك ويطلع.

    الله يعينك

    ملاحظة: لاتعلمينه انك تسجلين عليه بورقة هذي بينك وبين نفسك ولايدري بها
    ولاتتشرهين عليه ولاتعاتبينه
    بدال التشره اطلبي طلبات
    ترى الرجل ممكن يعطيك طلبات بس مايحب اللي تتشره


    لاتعطينه كلمات حب ولاتندلقين عليه عزي نفسك
    لان ترى ماتزوج الا طفشان من كلمات الحب


    الرجل مايحب المرأة المدلوقة عليه ترخص عليه

  4. @shms_alaashak

    نصيحة من قلب لا تاخون واحد متزوج ..الا لو ضمنتوا حقوقكم ...لانه ممكن في اي وقت يقول لك باي باي..ومهما كان الريال يميل دايما للاولى حتى لو ما يحبها ..ويميل لعياله من الاولى...

    والثانيه عمرها ما تحس بالاستقرار..فاللي مقبلة على زواج وهي الثانية تفكر مليون مرة ولا يغرها كلام الريال قبل الزواج...لانها بتنصدم من اول يوم

تابعي تجارب أخرى من هذا القسم.