ترى اذا منعتيه وعاقبتيه الولد بيلجأ لطرق ثانية يدخل فيها النت وممكن يسوي اشياء من وراك وبيكذب عليك ولا راح يتكلم معك بصراحة
هو بسن مراهقه واكتشاف للجنس الآخر وأكيد يصير بينه وبين الطلاب بالمدرسة سوالف وانا اعرف فلانه وعلانه اذا كانوا يدخلون نفس المنتدى أو نفس القروب
انتي خليه على راحته وجاريه بالسوالف ها وش سويتوا بالمنتدى وش صار بالقروب وش فيه أخبار ومواضيع جديدة وش قال فلان وش قالت فلانه عشان يقولك كل اللي عنده ولا يخبي عنك شي و فهميه إن اللي يسويه كلام الغزل و هالاشياء خطأ وانه مايجوز باسلوب حلو بدون هوش ولا شي
أول شي أحيي فيك غيرتك .. وحدة من أمهات الزمن اليي بنشوفهم تقولك هدا ولد ومايعيبه الا جيبه ..
تاني شي لا تضغطي عليه كتير .. لأنه إذا انت كبستي عليه وخنقتيه ممكن يروح من عند غيرك والا يتمرد عليك ويقولك اعلى مافي خيلك اركبيه .
تالت شي .. روحي مسنجره بنفسك وطيري ايميل البنت والا المدري اش هو اليي مسوي لي فيها نعومة ومشتاقة ..وممكن تسوي لولد ايميل تاني وتقولي له هدا سويته لك عشان لا احطك في مواقف محرجة مع اليي ماتتسماش استعمله وطنش التاني ..ولاتنسي تغير كلمة المرور .
رابع شي حاولي ماترحميه طول الوقت اطلبي منه تصاميم وخرابيط وطباعة وبلاوي تخليه ينشغل عن الكلام الفاضي حق النت والبنات .والا خليه يصمم شي من مناهجه وقرنبعات المدرسة منها ينشغل ويستفيد .
آخر شي لا تتركي الدعاء لهم بالهداية والتقوى واستودعي الله دينهم ونفوسهم ووازعهم ..
والله أنا ساكنة في جدة وسبحان الله سافرت قبل الحج وقبل لا أخرج استودعت الله بيتي ومافيه واقسم بالله السيل مر قريب مرة من عندنا حتى سور الجامعة الطايح على بعد امتار من بيتي . بس الحمد لله ربنا حفظ البيت والشارع كله سبحانه جل في علاه .