والله احنا لسه ما عطلنا الاولاد في المدارس الى 2/7/2005 بس الحمدلله احس اني في اجازه لاني انا خلصت , ايامنا مريحه اكثر من قبل لانه القلق والدراسه والمحاتاة اخلصوا , بالعاده غير حوسة البيت والترتيب والتعزيل والشغل نطلع نتمشى في الحدايق القريبه اسوي قهوتي واخد تمرتي ( صار لي 3 ايام موقفه الحلو والشوكولا لان صحيت من غفوتي واكتشفت 5 كيلو زياده وهاليومين يقالكم باديه ادير بالي على الوزن) ومدتي ويالله من فضلك بهالبراد الاولاد يلعبون اما في العاب الحديقه او في كوره او سياكل هدا في ايام الاسبوع
وفي نهاية الاسبوع نجتمع مع 2 او 3 عوايل من اخوانا العرب ونطلع الغابه والا على مجرى نهر او اي بقعه هاديه ورايقه نتشاوف ونتحدث ونشوي وتعرفون شغل النزهات
وبعد هاليومين قاعده تصير اجتماعاتنا الدينيه الاخيره قبل ما العالم تروح اجازات حسافه ما طحت عليها الا من قريب سبحان الله جلسه بسيطه واحيانا تقولين كل هالشغلات الي تنقال ما تعطيني زود بس الله يا كبرها عند غيرنا
(اقصد بعععععض العرب الي عايشين هنا وما يعرفون شئ عن ابسط امورهم الدينية)
انا رحت كم مره وشفتهم شلون يهجون الحروف علشان يقرون القرآن قلت سبحان الله عندنا في البلد بعضنا مو حاسين بنعمة هاللغه والدين وهنا ناس تكافح علشان يرجعون لهويتهم الاصليه , للعلم ما شاء الله فيه بينهم فرنسيات
لما اشوف المجموعات احس بالفخر واقول الحمدلله على نعمة الاسلام والعروبه والي الله يقدرنا علشان ننميها ونحافظ عليها فيما يرضي الله
وما شاء الله على تمسكهم بالتعلم والرجوع للدين , لنا سهل ادا بغينا وادا الله هدانا بس للباقي تري صعب وسبحان الله يتفوقون علينا
الله يقدرنا علشان نساعدهم ونساعد غيرهم
كيف تمضين أوقات فراغك .......؟؟؟؟؟
متابعة النقاش، صفحة 3