شاركي في النقاش

سجلي الدخول لإضافة تعليق.

التعليقات

3,327
  1. ماما1983
    الحمد لله الحمد لله انا رجعت من الحج امبارح احلى ايام ربنا يرزقكم بيها كلكم ويعيدها عليا سنين عديده يارب املي بالامومه تضاعف سمعت كم قصه خلتني اتيقن ان الحمل عمروا ماكان بالبويضات او الحيوات المنويه ده خلق الله متى اراده يحصل
    ياااه يا ماما .. الحمدلله انك رجعتى بألف سلامه يا حبيبتى انا كنت قلقانه عليكى اوى وسألت سارة كذا مرة عليكى والبنيه كل شويه تتصل بيكى وانتى مش تردى .. معقول لسه راجعه دلوقتى انا قلت ان كل الحجاج رجعوا من زمان ..
    عموما حمدالله على سلامتك من هناك ويارب يكتب لك كل سنه تحجى او تعتمرى يا ماما .. واحنا معاكى يارب ..
    على فكرة انتى وحشتينى جدااااا :26:
  2. @am_ayad_2009

    مساء الخير عليكم يا اجمل بنات في الدنيا
    والله العظيم وحشتوني وحشتوني وحشتوني
    بجد مفتقداكم بس غصب عني والله
    انا كنت ومازلت تعبانة جدا
    بس مقدرتش اطول الغيبة
    فقلت دخل اطمن عليكو واطمنكو عليا
  3. @am_ayad_2009

    انا بجد بشكركم جدا على سؤالكم عليا ودعائكم ليا
    انتو فعلا ونعم الاخوات
    انا الحمد لله دلوقتي بدأت اتحسن
    بس لسة في الم في جنابي جامد جدا ومش عارفة انام
    بس الحمد لله على كل شيء
    ان شاء الله فترة وتعدي
    وطبعا الكلام اللي اوكسي قالتهلكو عليا هو ده اللي حصل بالضبط معايا
    هو الدكتور لقي كيس في المبيض اليمين وحنحلله
    عشان نعرف ده عبارة عن ايه
    وطبعا حعرف النتيجة يوم الخميس لما اشوف دكتور عادل
    لاني مشفتهوش يوم المنظار نهائي
    فانا مستنية يوم الخميس بفارغ الصبر عشان اعرف رايه ايه في خطة العلاج
    وعندي احساس قوي جدا ان ان شاء الله قربت جدا من تحقيق حلمي
    ونفسي بجد حلمي وحلمكو يتحقق ونحمل كلنا
  4. alf lela
    السلام عليكم جميعا دي اول مشاركه ليا وياريت تقبلوني معاكم وربنا يكرمنا جميعا بالذريه الصالحه انا كنت عايزه اسالكم لو في حد منكم راح لدكتور عثمان في المعادي و جربه انا متجوزه من سنه و نص و اجهض مرتين ياريت ما تتاخروش عليا وعايزه اكون وا…
    وعليكم السلام ورحمه الله وبركاتة
    ازيك يا لولو .. خلاص الاسم بقى رسمى دلوقتى وتمت إضافتة الى ملف الاسماء المفتكسة المخصوصة لصاحبتة نيفو العسولة ..
    عاملة ايه يا لولو .. سلامتك من الاجهاضات يا حبيبتى .. بس معلش اكيد فى سبب للإجهاض ده ولازم تكتشفيه انتى مش بتدلعى ولا مستعجله على الحمل انتى اولا واخيرا وقبل الرغبة فى الحمل بتحافظى على صحتك من الاجهاضات المتكررة دى علشان لما يحصل حمل مرة كمان يبقى فيكى نفس ليه ..
    الدكتور ده على عينى وعلى راسى بس كان لازم يتخذ معاكى اجراء لتحديد سبب الاجهاضات .. اما منظار بقه او اشعه صبغه او اى اجراء اخر المهم مش يسيبك كده تحملى وتجهضى ويقوللك بتتدلعى .. كان لازم يدور فين المشكله ويحلها قبل ما تتكرر المسألة تانى .. لان كل اجهاض بيسحب من صحتك يا قلبى
    وبعدين الحمدلله ياقمر انه حصل حمل مرتين قبل كده لان ده يؤكد ان معندكيش مشكله عويصه انتى او زوجك ان شاء الله وطالما تحاليلك سليمة يبقى كده الاجهاض ده سببه مش التكيس وهيبقى سببه حاجه تانيه بسيطة ان شاء الله بس حاولى تغيرى الدكتور وتشوفى حد من اللى بنعتمدهم فى الملف هنا اسألى انتى بس وهتلاقى الف اسم كويس بنتعامل معاهم ..
    وان شاء الله نسمع اخبار حلوة عنك قريب ..
  5. Neevooo
    ريمو طبعا لو قلتلك متشكرة عى كلامك الجميل هتعمليلي افلامنات المهم طمنيني على انوستي عامل ايه و اخبار الامساك ايه دلوقتي ؟ ربنا يباركلك فيه يا رب و يحفظه من كل شر
    لا شكر على واجب يا ستى ولا افلامنات ولا دياولة ..
    والحمدلله انوس بخير بس واخد دور برد ربنا يستر ما يتطورش انا لحقته ووديته للدكتور النهاردة واديته علاج ربنا يسهل ويبقى دور سهل ويمر بسلام ومن غير حرارة يارب .. دعواتك يا قمر
    وانتى صحتك احسن دلوقتى يا نوفى .. ربنا يتم شفاءك على خير يارب ويشفى كل مرضى المسلمين

تابعي تجارب أخرى من هذا القسم.