شاركي في النقاش

سجلي الدخول لإضافة تعليق.

التعليقات

1,944
  1. @hbh_aabd_alaathym

    صباح الخير يا جماعه وحشتونى كلكم دون ونانى مش عارفه اقول ميرسى ازاى بصراحه انتم اكثر من رائعين وانا بطلب ايضا من المشرفات التثبيت. نانى انا اول مره اسمع عن الفايش معلش يعنى الحمص انهو حمص الشام ولا الحمص الى من المقله ولا حمص الطبيخ؟
    ويعنى ايه يتخمر مع اللبن هل بيبقى له رغوه ورائحه زى الخميره البيره؟
    ما عندكيش صوره طيب له

    انا اسفه على الاسئله الكثير وانا عامله رجيم وقعدت اقراء عشان اكمل الملخص فغالبا الله يرحم الرجيم اما اسيب الصفحه بقى.
  2. صاحبة الموضوع
    don
    تسلم ايديكى يا نانى مية مية وياريت لو طريقة الفايش واعتقد مش اى حد يعرفه او اى حد بيحبة لكن هو جميل جدا و طعمه مميز و ماما بتتنشأ على اى حد جاى من الصعيد عشان يجيبلها بس انا حديها طريقتك وانا واثقة انها حتنفزها على طول و تدعيلك
    الفايش دة عامل زى البقسماط الناشفة اللى بنشتريها من الفرن و نحنيها بالجبنة البيضاء بس الفايش بيبقى ناشف اكتر و بيبقى له طعم غريب و مميز وهو اصلا صعيدى

    شكرا يا عواطف و شكرا يا مووتى واية النور اللى هل عالصفحة دة هودهودا بحالها عندنا والله كان نفسنا تدخلى من زمان عموما عايزينك دايما هنا و شوفى برضة لو عاوزة اى حاجة اطلبى وشكرا على مجاملتك الجميلة
    اية ياهبة ؟ مين اللى جاب سيرة الريجيم ما ينفعش الريجيم بعد ما دخلنا فى الكحك و البتيفور :)
  3. @roaaa_alaslam

    don
    تسلم ايديكى يا نانى مية مية وياريت لو طريقة الفايش واعتقد مش اى حد يعرفه او اى حد بيحبة لكن هو جميل جدا و طعمه مميز و ماما بتتنشأ على اى حد جاى من الصعيد عشان يجيبلها بس انا حديها طريقتك وانا واثقة انها حتنفزها على طول و تدعيلك
    بجد بجد تسلم ايديكوا على كل حاجة انا بس كان ليه سؤال هنا في المانيا مفيش ريحة كحك فهل في بديل ليها ممكن يتحط و لا استغنى عنها خالص
  4. @nany5

    أهلا يا هبه .. معاكي حق أنا لم أوضح نوع الحمص
    الحمص المقصود هوه إللي بنشتريه من المقلى .. إللي بيتعمل بيه علب السبوع للمولود
    والتخمير هوه إننا نترك اللبن وفيه الحمص الناعم لمدة 24 ساعه وبس ..
    ومالهوش ريحة خميره خالص .. هوه له ريحه مميزه خاصه ..
    المحلب برضه لازم يكون ناعم
    الكعك كتير بيضعوا له ريحة كعك .. الحقيقه أنا أفضله بدون أي ريحه ..
  5. @pious_heart

    السلام عليكم

    اخباركم ايه وحشتونى كتير كلكم انا باجرى وراكم من مكان لمكان وراك وراك يا دون ( شكرا يا جميل على رسالتك الرقيقه ) ويا ام باسل وكل المشاركين الأكل يفتح النفس والروائح طلعت والناس اتلمت عليكم صحبة خير ان شاء الله
    انا عندى طلبين لو سمحتم
    الطلب الأول انا نفسى فى حل لوجبة العشاء لأن الحكاية محصورة فى الجبن بأنواعها والفول احيانا وان كنت مش باعرف اقاومه هو والطعمية الريحه بتخللينى اتجنن
    والزبادى جايز ( و ده طبعا ده بيبقى لى انا ) بس بصراحه ماما بتصعب عليا جدا لما تقعد قصادى وتسألنى نعمل ايه فى العشاء ويكون الرد عندى معروف حاجه من الثلاثة او سجق او بسطرمة او... المهم الجماعه هنا زهقوا من التكرار ولاجئين لحضراتكم فى مجموعة وجبات خفيفة جديده ها ايه رأيكم ؟؟؟؟؟؟؟؟
    والطلب الثانى .... معلش انا تهت ممكن حد يرجعنى للصفحة بتاعتنا بنات مصر لأنى مش عارفه هى اختفت فين اللينك كان عندى وراح لقيت نفسى فى حيص بيص مش عارفه ارجع حد ياخد بايدى ربنا يكرمكم

تابعي تجارب أخرى من هذا القسم.