شاركي في النقاش

سجلي الدخول لإضافة تعليق.

التعليقات

3,327
  1. @boba_boba

    alf lela
    اوكسي ورمال شكرا على الرد والولكمه كمان يا رمال هو الدكتور قاللى على الحمل خارج الرحم ان ده بيحصل لاحسن العائلات وانا سالته على اشعه الصبغه قاللى لسه بدري علشان انا لسه عامله العمليه من 4 شهور هو قاللى اطمن و مستعجلش ادعولي انتم بس ور…
    الف ليلة
    اولا الملف نور وزاد علينا اخت جديدة
    يلا اعتبرى نفسك لقيتى كنز علاء الدين
    بجد مش هزار وبكرة هتكتشفى ده بنفسك

    انتى يابنتى قولتلى كلام الدكتور من غير ماتحكى الحكاية من الاول معلش احنا بنحب نفهم الاول عشان تكون الردود بتاعتنا والنصايح على اساس سليم

    انتى كده يبقى كلام الدكتور مش بعيد عن الصحة
    انتى تعتبرى مش متاخرة فى موضوع الحمل لان ماشاء الله الحمل تم عندك مرتين حتى لو حصل اجهاض وده بالرغم من ان زوجك شهر موجود وشهر لا يعنى بدل ماتقولى متجوزة بقالى سنة ونص يعتبر متجوزة بقالك سنة الا ربع يعنى 9 شهور
    واذا حسبناها كده يبقى الحمد لله بمنه وفضله انتى حملتى فى التسع شهور مرتين

    وطالما ياقمر الحمد لله كل شئ تمام يبقى بلاش قلق لان ده عامل قوى جدا فى تاخير الحمل

    على فكرة انتى دلوقتى طبعا قلقانة بعد عملية شيل القناة ان الحمل يتاخر بس كتير قوى سمعنا ان ناس بانبوب واحد وبيحملو عادى جدا وممكن الانبوب اللى فاضل يلقط من المبيضين عادى انا سمعت الكلام ده من دكتورة اعرفها

    المهم انتى خليكى معانا واى معلومة عاوزة تعرفيها هتلاقيها عندنا بإذن الله
    وان شاء الله الملف بتاعنا يكون وشه حلو عليكى وتفرحينا بخبر حملك قريب جدا
  2. @boba_boba

    رمال

    الف سلامة على انوس من البرد والله الواد ده محتاج ياخد اجازة شوية من التعب اللى ورا بعضه ده
    خليه يكبر كده ويفرفش

    يارب ياكريم اشفى انس ابن رمال واحفظه من كل شر وابعد عنه كل اذى وقر عين امه وابوه فيه
  3. @boba_boba

    نيفوووووووووووووووووو

    مش عاوزة اقولك طبعا الملف لما بتدخلى وتشاركى بيبقى طعمه عامل ازاى

    بحس ان الجو حلو والزهور مفتحة والطيور مغردة والبيت مرشوش ميه

    ياريت بقى تفضلى منورانا كده على طول
    وماتغيبيش تانى ياقمر

    وبالنسبة بقى للى بيرد عليكى ويقولك الكلام اياه ده

    فقولى لنفسك ( قولت ياواد طنس خالس)
    يعنى كبرى دماغك ولا يهمك ساعات الناس مش بتاخد بالها من كلامها

    وكل شئ فى الاول والاخر بامر ربنا
  4. @boba_boba

    مها

    وحشتينى جدا


    بتانور

    ايه اخبارك طمنينى عليكى


    طمطم

    مختفيه ليه تعالى بقى طمنينا عليكى


    ام انس

    على فكرة انتى بقى متاخدة مخالفات كتيرة جدا
    واضح كده انك اول ماترجعى هتتعلق لك الفنكة بتاعة رمال

تابعي تجارب أخرى من هذا القسم.