شاركي في النقاش

سجلي الدخول لإضافة تعليق.

التعليقات

3,327
  1. @ashtkt_alyk

    توتا....
    فينك يا حبيبتى....مش تيجى تطمنينا على والدك......يا رب تكون عدت عمليته على خير و تكونوا اطمنت عليه.....

    الهدي و النور...
    إيه يا بنتى فينك.....مش تيجى تقوليلنا أخبارك إيه و يا رب تكونى بتتحسنى كويس على جلسات العلاج الطبيعى......تعالى طمنينا عليكى و على تحاليلك و على يوسف.....

    هيا ننشر الخير....
    عاملة إيه النهاردة يا قمر......و هل أخدتى القرار الجملى بزيارة الدكتور و لا لسه....

    دودو...
    غطسانة فين....تعالى فرفشى معانا...و ان شاء الله الشهر الجاي يكون فيه كل الخير...

    أم أنس....
    بجد بدأت أقلق عليكى....أنتى فين.....تعالى طمنينا عليكى....و يا ريت لو تفجري جهاز الكمبيوتر ده خالص....

    شيمو...
    كويس إنك اتكلمتى و فتحتى قلبك....و بعدين هى الأحلام ديه وحشة....ديه حاجة جميلة و كلها خير......ليه أخدتيها بالمحمل السئ و مفكرتيش إنها ممكن تكون بشرة خير ليكى.....فكيها انتى بس و روقى كده و فرجه قريب....و يا ريت بعد كده اي حاجة تخطر فى بالك او تضايقك تبقى تشركينا فيها و متقعديش متضايقة كده لوحدك
  2. @ashtkt_alyk

    أم إياد...
    ألف حمد الله على السلامة يا حبيبة قلبى....
    و ربنا يجازيكى كل خير إنك طمنتينا عليكى لاننا فعلا مكناش هنرتاح الا لما تكلمينا بنفسك و تقوليلنا إنك بخير....
    و ان شاء الله الأوجاع اللى بتحسى بيها ديه تروح عن قريب و تكون الخطوة ديه هى أول خطوة لتحقيق حلمك الغالى....
    ربنا يطمناعليكى يا حبيبتى و يكتبلك كل الخير
  3. @ashtkt_alyk

    وزة...
    إيه يا قطة...بقالك كام يوم مش باينة....
    مش تيجى تقوليلنا على يومياتك فى الجيم...
    و كمان قوليلنا هل الميزان سجل اي تغير و لا لسه....
    يلا يا قمر عايزينك أحلى غزال...

    ميزو...
    واحشانى كتير....

    ميكو...
    مش باينة النهاردة ليه....لعل المانع خير....

    لولو....
    منورانا يا قمر....فعلا انا استشفيت حكايك من كلماتك....يا ريت لو تقوليلنا تفاصيلك ...يمكن نقدر نساعدك بأي رأي...و الحمد لله إنك لقيتينا و لقيناكى....ان شاء الله تتبسطى معانا خالص....

    وداع....
    يا رب تكونى بخير و تكونى اطمنتى على تحليلك....و متشغليش بالك بينا.....انتى فى أجازة و من حقك تستمتعى بوقتك و بأسرتك....و لما ترجعى تانى هتلاقينا موجودين و مستنيينك
  4. @ashtkt_alyk

    ريمو....
    ألف سلامة على أنوس حبيب قلبى.....خلى بالك منه أوي...أنا عارفة إنك مش مقصرة يا حبيبتى....بس زعلانة أوي علشان مناعتة ضد البرد ضعيفة كده.....ربنا يزيح عنه و يطمنك عليه و يبقى زي الفل....
  5. @ashtkt_alyk

    Neevooo
    شوشو من كتير مش كتبتلك مشاركة مش طناش لا سمح الله بس عشان بقولك كل اللي في نفسي لايف مني ليكي على طول بس المرة دي عاوزة اقولك حاجة مهمة اوي انت من اجمل النعم اللي ربنا انعم علىّ بيها ربنا يباركلك في صحتك و ابنك ( سكسكة الرايق ) و جوزو و ب…
    ياااااه يا نوفى....
    أنا خليتك للآخر علشان أكلمك براحتى....
    ربنا يبارك فيكى يا حبيبتى....
    كلمتك ديه من أجمل الكلمات اللى شفتها فى حياتى لوصف علاقة الصداقة اللى بينا....
    ربنا يديمها نعمة.....فعلا تجمعنا ده نعمة و صداقتى ليكى و معرفتى بالبنات هنا نعمة من أجمل النعم....
    ربنا يخليكم و يخليكى و يبارك فيكى و يفرحنا بيكى عن قريب و يمتعك بالصحة و العافية....
    و يجعل دايما صداقتنا ديه سبب فى الخير و فى سعادتنا و زوال همومنا دايما....

تابعي تجارب أخرى من هذا القسم.