بسم الله الرحمن الرحيم
شلونكم خواتي يشهد الله اني احبكم بالله وكنت متصفحه وزائره دائمه للمنتدى الرائع واللحين ياعقيل الله:):) عضوه
المهم انا مادخلت اشارك الا بعد ماضاعت كل السبل قدامي بنات ادري بتضحكون ويمكن تنصدمون بس هاذا الواقع واقسم بالله اني صادقه بكل كلمه ابدء معاكم
انا وجهي مملوح ماامدح نفسي بس بشهادة الكل ملامحي حلوه عيوني وسيعه وخشمي ضعيف وشفايفي متفوخه شوي ويشبهوني بالفنانه نورمان اسعد السوريه بس الملامح
طبعا الكلام هاذا بالمكياج والله مابالغ والله والله والله لي سنه وشي متزوجه اقسم بالله ماشافني زوجي ولا مره بدون مكياج دايما اتمكيج ماعندي ثقه بنفسي والسبب الهالات اللي تحت عيوني والله مسببتلي احراج حيل حيل حيل انا سمره والهالات بني غامق والله يابنات جربت اغلب الخلطات باغلب المنتديات ولاشفت نتيجه سويت تقشير عند دكتوره معروفه عندنا بالكويت ومانفع المهم صدمني زوجي بنروح عمره ومعانا خالتي وحمواتي وطبعا العمره بدون ميك آب وادري انهم راح ينصدمون من وجهي مرات اقول ودي اكنسل واتعذر باي عذر بس والله محتاجه العمره لي سنه ونص ماحملت
تكفون اللي عنها شي مضمون ومجربته شخصيا لاتبخل علي الله يرزقها باللي تتمناه
والله محتاره ولاتقولون خليج واثقه من نفسج والله ماتدرو الهالات والسما لاعب بوجهي لعب السفره بعد 10 ايام تكفون طلبتكم يابنات ابومتعب لاتبخلون على اختكم الكويتيه من ام سعوديه يعني انتو خوالي:26:
ناطره نصائكم وآسفه على الاطاله
شاركي في النقاش
سجلي الدخول لإضافة تعليق.
التعليقات
14- احس انك تبالغين بينصدمون ومافيه شي ب10ايام يختفي
الا اذا ككنتي تحطين كيلو مكياج
الله يزينك بزينة الإيمان ويجملك بعيونهم بدون مكياج
واعتمري وادعي ربك ولا تنسينا من دعواتك - بالعمره ادعي ربك انها تخف :)
بس انتي كثري من المويه ..ريحي نفسك ونامي بدري واتركي السهر والارهاق
حطي كمادات شاي ..اهتمي بمرطبات محيط العين مثلا فيتامين e من ذآ بودي شوب ..
والله يجملك بعيون زوجك واهله .. - حبيبتي الهالات السوداء لها اسبابها ومشكلتنا انا نجهلها ونروح نحط بها الكريمات وماتجيب نتيجه بس ودي انصحك انك تنامين بشكل كافي وتشربين مويه وعصيرات كثييييييييييييييييييييييييير وممكن تاكلين فيتامينات يعني باختصار اهتمي بصحتك
وعمره مقبوله ان شاء الله والله يرزقك الذريه الصالحة المعافاة
وماوصيك في موية زمزم اشربي منها من تروحين لين ترجعين - ياحبييبتي مررررهـ عاادي
حطي المرطب وميك اب خفيف بوقت قعدتك معاهم
وانصحك استخدمي زيت اللوز يوميا بس يبغاله مده عشان يخف....
والحين يقولون في أبر تشيل الهالات بس مدري وييييين لسه ابحث لان كلنا نعاني من هالمشكله - شوفي حبيبتي وش المانع تعتمرين وحاطه مك اب لا حرام ولا شي وين الاشكال هذا اول شي الثاني ممكن تحطين مخفي العيوب اللي يجي على شكل روج تحت العين بس اساس هو للمنطقه هذي ومن بعده حطي كريم اولاي للي يجي اساس مكياج وبكذا بتكون بشرتك اقرب للطبيعيه مع شويت روج ومسكره خفيفه وانتهت السالفه وليش مكبره الموضوع عيشي حياتك بكل تفاصيلها ولا تخلين مشكله بسيطه زي كذا تحرمك روحه لاطهر مكان على وجه الارض استمتعي والله يوفقك
مواضيع مشابهة
تابعي تجارب أخرى من هذا القسم.