مشاركتي بمسابقة يومياتي مع اطفالي

@dan_algman

بسم الله الرحمن الرحيم

السلام عليكم ورحمة الله وبركاته

هذي مشاركتي بمسابقه يومياتي مع اطفالي
طبعا انا ماعندي الا بنت وحده الله يخليهالي وعمرها
سنتين و3 شهور
حبيت اشارك معكم باليوميات وافيد مثل ما استفدت
ويومياتي مع طفلتي اسردها لكم وبكل اختصار مع بعض الصور اللي توضح وتحلى الموضوع
اولا:
اصبحنا واصبح الملك لله

طبعا بنتي تصحى على الساعه 10 تقريبا بعد ما انا اصحى اول ما تصحى اسلم عليها وابوسها وعالحمام اشطفها واغير لها البامبرز والبسها لبس البيت


نطلع عالمطبخ اسوي لها الفطور اللي تحبه واغير لها كل يوم واليوم فطرت زبادي وطحينيه وجبنه وربع خبزه واحاول اني اخليها هي اللي تفطر تفسها ومعودتها من كان عمرها سنه ونصف الاعتماد على النفس بالاكل وتفطر عندي بالمطبخ وانا اسوي الغداء


في هالوقت احط الغسيل بالغساله وهذ اليوم يوم غسيلها عشان كذا صورته

بعد الافطار اشغل لها التلفزيون وتجلس عند افلام كرتون تتابع


وهذا المكان اللي تجلس تشاهد التلفزيون فيه وتمارس كل الانشطه من لعب وتلوين وغيره
وماننسى كاس المويه جنبها اخليه وين ما تروح
وطبعا يجي ابوها ونتغدى وبعد الغداء اتفرغ لها ويبداء يومي الصح معها

يتبع

22 تعليق 2,888 مشاهدة

0 0

شاركي في النقاش

سجلي الدخول لإضافة تعليق.

التعليقات

22

  1. @dan_algman

    صاحبة الموضوع

    نطلع برا بالحوش نلعب بالسيكل واحاول اني ارجع طفله معها


    بعد للعب ندخل جوا بالبيت ونريح شوي انا اشرب الشاي والمكسرات اما هي ممنوعه من المكسرات والشبسات اعطيها البديل وهو زبيب مفيد ومغذي للي بسنها


    واوقات الصلاة افرش لها معي سجاده عشان تتعلم الصلاة بالتدريج واحاول اني ما ارغمها هي بنفسها من تشوفني فارشه السجاده على طول تجي وتقول ماما لبسيني والبسها الجلال وتصلي


    ونجلس انا وياها نلون ونرسم شوي عالسبوره المغناطيسيه واعلمها شوي شوي الرقم 1 - 2


    ونلعب شوي بالمكعبات وشوي تعصب وتمل تهد اللي بنيناه الله يصلحها عصبيه شوي
    وهذي المكعبات مره مريحه لي ولها لان القطع كبيره تقريبا بحجم كفي وحلوه للي عندهم اطفال صغار عشان (خطر الاختناق)
    وبكذا يومنا اوشك على النهايه
    يتبع

  2. @dan_algman

    صاحبة الموضوع
    دانة الجمان
    نطلع برا بالحوش نلعب بالسيكل واحاول اني ارجع طفله معها بعد للعب ندخل جوا بالبيت ونريح شوي انا اشرب الشاي والمكسرات اما هي ممنوعه من المكسرات والشبسات اعطيها البديل وهو زبيب مفيد ومغذي للي بسنها واوقات الصلاة افرش لها معي سجاده عشان ت…
    طبعا بين الوجبات احب اعطيها حليب او عصير اوزبادي اودانيت وهكذا

    جاء وقت العشاء اعشيها وبعد العشاء


    عالحمام تتحمم واتفرش اسنانها طبعا مودائما بس احاول قدر الاستطاعه معها


    نلبس واجهز لها رضعه واحطها بفراشها وخذ لي قصه مصوره واقرأها عليها بأسلوب مبسط واحياتا اقص لها قصه عن قطط وحيوانات هي تعرفها من تأليفي وهي تشرب الحليب واقرأعليها واحاول معها بحفظ سوره الحمد وتدوخ وتنام
    وبكذا يكون يومنا انتهى بحمد الله
    :26:

    على فكره شفت وحده ما اذكر اسمها منزله صورة ذكريات ولدها وحبيت انزل صورة صندوق بنتي اللي يحوي اغراضها وهي صغيره
    :26::26::26:

تابعي تجارب أخرى من هذا القسم.