شاركي في النقاش

سجلي الدخول لإضافة تعليق.

التعليقات

3,327
  1. زينب ابراهيم
    ربنا يخليكى لينا ياريمو يارب انا مش عايزه اكلمها بقول كلها يومين واروحلها بينى وبينك مش عايزه اشغل بالى انا اصلا واخده منع الحمل عشان اريح بالى ونفسيتى ومش عايزه اقلق نفسى بقول يمكن لغبطه من منع الحمل او الرحم بينضف نفسه الله اعلم كلها يوم…
    ربنا يوفقك يا زوزو فى المقابله وتطمنى على نفسك وتطمنينا يا قمر .. انا مش كنت اعرف انك رايحه لها
    بس خلاص طالما مفيش حاجه ضرورية يبقى ما تشغليش بالك واجلى السؤال لحد ما تروحى لها
    وربنا يكرمك يارب يا زوزو ويرزقك الذرية الصالحة ..
  2. السلام عليكم ورحمة الله وبركاته
    ازيكم يا احلي بنانيت وحشتوني اوي اوي

    انا بابا الحمد لله بقة احسن ولله الحمد وشكرا لكل اللي سأل عليه واللي مسألش

    اما عن اخباري انا بخير والحمد لله وبدأت في حبوب منع الحمل حاليا والباقي يأتي ان شاء الله

    انا بيجيلي هواجس وحشة اوي مع اني والله متفائلة برده جدا بس الشيطان ده عمال يلعب في دماغي وكل شوية افتكر لحظة فشل العملية المرة اللي فاتت واحس اني همر باللحظة دي تاني ، ربنا يستر ويعملي الخير يا رب


  3. أم اياد
    حمدا لله علي سلامتك يا رب يكون الكيس ده هو السبب وانتي خلصتي منه خلاص
    وتحملي في اقرب فرصة بإذن الله

    ريمو وشوشو
    وحشتوني اوي والله انا دايما بحس انك من اعمدة التجمع ده ربنا يخليكو ليا يا رب

    نيفو
    انتي العمود الثالث اللي دمه خفيف مووت دايما يفرحنا ويضحكنا ربنا يخليكي لينا يا رب

    شيمو
    مالك يا قمر زغلانة ليه من الأحلام الحلوة دي ، انتي عارفة انا من ساعة ما اتجوزت لغاية النهاردة وانا كل شوية ناس قريبي او اقارب جوزي يحلمولي بأحلام حلوة كدة وانا كنت بتبسط منها اوي مش بزعل خالص وبقول يمكن بشرة خير

    أم أنس
    انتي فين يا بنتي يعني انا اختفيت ورجعت وانتي لسة مختفية

    بوبا
    ربنا يسمعنا عنك كل خير
    يا رب تيجي تفرحينا بخبر حملك
    انتي تحليلك المفروض يكون يوم ايه ؟؟

    مهاميهو
    عاملة ايه يا سكرة ربنا يهدي بالك ويعملك الخير كلة

    اوكستي
    ربنا يوفقك يوم الأربع ويكون اول طريق الحمل ان شاء الله
    ابقي طمنيني عليكي يا حبيبتي

    ماما
    حمدا لله علي سلامتك
    حج مبروور وذنب مغفور ان شاء الله
    تعالي احكلنا ناوية تعملي ايه بقة الفترة اللي جاية
    يمكن اقابلك في المركز في يوم من الأيام
    ونبقي انا وانتي حاومل ان شاء الله

    سارة وميكو
    ربنا يكملكو علي خير يا رب

    زوزو
    انا مبسوطة منك اوي وغيرانه وكان نفسي اعمل زيك بس جوزي قالي اني مش هلحق اشترك واكمل الشهر لأني تقريبا هبدأ في التنشيط علي أول الشهر كدة ، فقولت خلاص اقضيها تمشية وهي حاجة مفيدة برده
    ربنا يعينك يا رب ويوفقك للي فيه الخير قادر يا كريم

    وداع
    انتي مقلتيلناش علي نتيجة البروجسترون
    يا رب يكون خير يا رب

    كوكر
    معلش يا حبيبتي علي الممرضة دي
    هيا في ناس كدة غريبة
    ربنا يخليلك كوكي ويحميه من كل شر

    دودو
    ربنا يعينك علي جوجو
    وتتوفقي المرة الجاية ان شاء الله

    فاطمة
    ربنا يشفي حملكي يا رب
    ترجعلنا تاني زي الأول وتعملي العملية وتحملي حمل سليم معافي يا رب

    اوشي
    خلي بالك من نفسك يا قمر بلاش ارهاق كتييير

    ام مريم
    يا ريت تتطمنينا عليكي عملتي ايه
    يارب يكون عندك اخبار حلوة

    الهدي
    عملتي ايه هتعبدأي امته ان شاء الله

    رورو
    اسمك جميل اوي ومشركاتك حلوة
    لسة مش اتعرفنا علي بعض بس الأيام جاية وهتلقيني معاكو علطول
    اهلا بيكي يا حبيبتي مرة تانية

تابعي تجارب أخرى من هذا القسم.