السلام عليكم خواتي
انا من كم يوم بس اكتشفت انه معي سكري حمل والحمدلله على كل شيء
خلوني بالمستشفى يومين تحت المراقبة مع نظام غذائي وقياس السكر والحمدلله كانت النتائج سليمة وما اعطوني انسولين ,واجى اخصائي التغذية واعطاني نظام غذائي لازم امشي عليه واقيس السكر في البيت وارجع عندهم كمان اسبوعين عشان يشوفوا وضعي ...
وبصراحة والله صعبة كتير ممنوع اكل حلويات وشوكولاطة ومشروبات غازية او عادية غير المي والصودا مسموحة ,والتقليل من النشويات وهكذا
وانا من الاصل مش ناصحة ,انا كمان يومين بخلص الشهر السادس وبفوت بالسابع ولحد هلأ من اول حملي ما طلعت غير 2 كيلو ونص ووزني هلأ 59 ... بس الحمدلله وزن البيبي ممتاز ,قبل 4 ايام كان 930 جرام ...
ومع هاد الدايت ما شاء الله جنان :22: عشان اضل سمبتيك ههههههههههههه ..
المهم بدي اعرف من الاخوات المصابات بسكري الحمل شو بتنصحوني بالذات من ناحية الطعام لاني بصراحة مش عم بشبع من هالاكل انا بحب الحلو والشوكولاطة بعطيني طاقة وهلأ مش عم باكل :o ...بدي وصفات
مشكورات سلف حبيباتي الله يهون عليكوا
شاركي في النقاش
سجلي الدخول لإضافة تعليق.
التعليقات
4- دكتوري اعطاني حمية
منعني عن السكر والتمر والعسل
والتين والعنب والموز والمربى
والحلويات بصفة عامة والشكولاتات
وقلى كولى عادي
ونضمي اكلك وخليها خمس وجبات صغيرة في الليوم
وقريت ان البصل الني ينضم السكر
والمشي الخفيف لاننا حوامل
والابتعاد عن الضغوط النفسية والزعل والقلق
وهدا تجمع حوامل السكري
http://forum.hawaaworld.com/showthread.php?t=1999430
فية معلومات من البنات
وفي خضرة بتنظم السكر طبعا مع الحمية
اسمها الخيار المر او القرع المر
ومعروفة في شرق اسياء باسم كيرلا
تشبة الخيار بنوتئات
وادعيلي محتاجة للدعاء - مشكورة اختي ريفال وربي يهون عليكي ويتمم لك على خير يا رب
- اخت ريفال ماقصرت
أكلي أكلك العادي وامتنعي عن الحلويات والعصاير والتمر
وأكلي بر وقليل الدسم وان شالله بينتظم عندك السكر وهانت مادام دخلتي شهورك الإخيره - هلا اختي اتركي السكريات والدهون وقللي جدا من الارز او خبز النخاله
واكثري من السلطات الخضروات ودكتورتي قالتلي اكلي جرجير كتير والفواكه
وحصه لبن او حليب قليل الدسم او زبادي مع كل وجبه والله يعافينا جميعا
مواضيع مشابهة
تابعي تجارب أخرى من هذا القسم.