شاركي في النقاش

سجلي الدخول لإضافة تعليق.

التعليقات

3,327
  1. @alf_lela

    ازيكم كلكم يا بنات
    معلش بتاخر عليكم بس علشان انا لسه جديده مليش غير 3 اشتركات في اليوم
    ام اياد شكرا على الترحيب وانا زي ما رمال قالتلك كتبت الحكايه فى الاول بس علشان عيونك ومتعبكيش احكيلك تانى
    بصي يا ستي انا اول ماتجوزت حملت على طول بس في الشهر الثالث الدكتوره مالقتش نبض فاعملت تنظيف وبعدها ب ثلاث شهور كتبتلى على الكلوميد لمده ثلاث شهور هصل حمل في الشهر الرابع بس في الاسبوع الثانى من الحمل حسيت بالم فظيييييع في جنبي رحت عملت تحليل الدم العددي وكان نص الرقم الاول بعدها رحت عملت سونار وطلع الحمل في القناه وللاسف فجر القناه وعملت عمليه زي القيصري وشلت القناه

    رمال حبيبتي هو دمتور عادل ده في اسكندريه ؟؟ و انت مجرباه ولا لا ؟
    اصل الكلام اللى دكتور عثمان قالهولى سمعته من دكتورتين قبله وهو قاللى لومحصلش حمل 3 شهور اروحله تاني
    ربنا يسهل ويكرمني ويكرمكم كلكم عاجلا ليس اجلا قولو امين

    معلش طولت عليكم بس مدام مليش غير ثلاث مشركات اخد حقي بقي مش كده ولا ايه
  2. @dodaaa_1

    MIKOMIKO
    توتا: ربنا يوفقك و ان شاء الله ربنا يكرمك المرة الجاية. فيه واحدة مرات صاحب جوزي عملت العملية كام مرة و نجحت بس مش فاكرة في انهي محاولة و الحمد لله ربنا رزقها يتؤام ولاد. الف سلامة علي بابا. رمال: انا فعلا مشتاقة للبيبي جدا. انا باخد حديد …
    أخيراااااااااا
    وبعد طول انتظاااااااار
    رحت جبت نتيجة التحليل
    والحمد لله اني مجبتوش الايام اللي فاتت عشان افرحلي يومين
    والحمدلله علي كل حال
    النتيجة للاسف
    066.ng\ml
    يعني ستة وستين من ميه والنورمال من 2 الي 28
  3. @neevooo

    د.وداع
    أخيراااااااااا وبعد طول انتظاااااااار رحت جبت نتيجة التحليل والحمد لله اني مجبتوش الايام اللي فاتت عشان افرحلي يومين والحمدلله علي كل حال النتيجة للاسف 066.ng\ml يعني ستة وستين من ميه والنورمال من 2 الي 28

    دة البروجستيرون يا دوعة صح ؟
    عادي جدا و لا يهمك
    انا اخر مرة عملته كان 0.36
    و الله العظيم بيختلف من شهر للتاني و بعدين بالعلاج بيتظبط جدا
    و زي ما بنقول كدة الحمد لله اننا عرفنا سبب التأخير فين عشان نبتدي خطوات العلاج الصح و على نور
    بدل ما نلطش في الضلمة
    و لا ايه يا جميل ؟
    اقسمت عليكي بالله ما تزعلي نفسك و الله يا قلبي ممكن تعيديه الشهر الجاي تلاقيه عالى و ممتاز و اللي بعده ينزل تاني
    الهورمونات دي حاجة متغيرة و بتحصلها طفرات كتير تبعا لعوامل كتير اهمها الحالة النفسية او حتى نو دواء تكوني بتاخديه و من السايد افيكتس بتاعته غير الظاهرة انه بينزل البروجيستيرون
    فرفشي بأة يا دوعة
    شوفتيني و انا دكتورة و بنقط فصحى ؟
    اجنن مش كدة؟
  4. @neevooo

    alf lela
    ازيكم كلكم يا بنات معلش بتاخر عليكم بس علشان انا لسه جديده مليش غير 3 اشتركات في اليوم ام اياد شكرا على الترحيب وانا زي ما رمال قالتلك كتبت الحكايه فى الاول بس علشان عيونك ومتعبكيش احكيلك تانى بصي يا ستي انا اول ماتجوزت حملت على طول بس …
    لولووو
    حبيبة قلبي
    اولا دكتور عادل فاروق عيادته في الدقي
    عمارة عبد الرحيم عمرو
    اللي بيروحوله انا و رمال ( كانت ) و شوشو و مها
    اما باقي البنات خارج مصر بيتابعوا معاه بالايميلات
    ( ام انس و شيمو و مشمشة و بوبا و زوزو )
    المهم
    هتلاقي كل حاجة عنه بالتفصيل في الصفحة الاولى
    و كمان بيروح يوم في الشهر مركز الشرق الاوسط في الاسكندرية
    انا فهمت انك من القاهرة
    انت عاوزة تروحي تشتي في اسكندرية و تكشفي بالمرة و لا ايه ؟
    ما علينا
    عندي سؤال بيهرشني
    اول حمل طلع مش فيه نبض في التالت لييييييييييييييه ؟
    انا مش فكيكة و لا حاجة بس دة حصل مع زوزو مرتين و دة كان بسبب التكيسات لانه ممكن يحصل حمل مع التكيس ( بس ميكملش )
    و حصل مع طمطومة و لسة مش عرفنا السبب ( الله سبحانه و تعالى اعلى و اعلم )
    تاني حمل خارج الرحم
    اعتقد برضو له سبب منطقي
    مع كل احترامي لدكتور عثمان على عيني و على راسي
    ازاي دكتور كبير زيه و بخبرته و شهرته و يسيب المريضة بتاعته كدة بكل علامات الاستفهام دي
    ازاي ميديكيش و لو تفسير وهمي للي حصل ؟
    ازاي انت مش نكشتي ورا اللي حصل ؟
    ازاي مش كان عندك فضول تعرفي مالك و فيكي ايه ؟
    و برضو مع احترامي للدكتورين التانيين حتى لو كان كلامهم زي كلام دكتور عثمان
    طيب فين التفسيييييييييييييير ؟
    ازاي اروح لدكتور مع تجرتين يقطموا الوسط و امشي من عنده و انا مش فاهمة ؟
    3 دكاترة و 70 علامة استفهام
    سامحيني انا بفكر بصوت عالي
    بس بجد السؤال دة بيهرشني
    يا الهي دة طلع امتحان الترم و انا فاكراه سؤال واحد
    طيب بصي تعالي نبتدي من الاول خاااااااااااااالص
    انت البيريود بتاعتك امتى ؟
    اخر تحاليل هورمونات كانت امتى ؟ ( لو من كتير اكتر من سنة عيديها الله يرضى عليكي )
    الحاجات دي اعمليها قبل ما تروحي لدكتور عادل
    و جهزي نفسك بكل المعلومات اللي عندك و اوراقك
    و ربنا يستررررررر
    و يرزقني و اياكي و كل البنات بالذرية الصالحة السليمة المعافاة بغير زيادة او نقصان
    عاجلا غير اجلا ان شاء الله تعالى
    سؤال اخير يا ميث لو سمحتىهو ايه موضوع 3 مشاركات دي ؟
    انا مش فاكرة انه حصل معانا كدة
    انت بتتكلمي جد و لا بتهزري ؟
  5. @neevooo

    kokar_2001
    صباح الخير يا بنات يا رب تكونو بخير انا داخلة اتطمن عليكم بسرعة معلش انا منمتش طول الليل عشان كريم سخن جدا بالليل توتا انا عاوزة اقولك على حاجة انا مستغرباها انا ليا كام واحدة صاحبتى بدعيلهم بالاسم ان ربنا يكرمهم بالذرية الصالحة على …

    الف مليون سلامة عليك يا كراميلايتي
    طيب يا كوكي اديتيله خافض و لا ايه ؟
    ربنا يسترها و يخليه و يحفظه يااااااااااااااااااارب
    ارجوكي تبقي تيجي تطمنينا عليه
    اما تصحي و عليكي خير

تابعي تجارب أخرى من هذا القسم.