شاركي في النقاش

سجلي الدخول لإضافة تعليق.

التعليقات

3,327
  1. MIKOMIKO
    توتا: ربنا يوفقك و ان شاء الله ربنا يكرمك المرة الجاية. فيه واحدة مرات صاحب جوزي عملت العملية كام مرة و نجحت بس مش فاكرة في انهي محاولة و الحمد لله ربنا رزقها يتؤام ولاد. الف سلامة علي بابا. رمال: انا فعلا مشتاقة للبيبي جدا. انا باخد حديد …
    حبيبتى انا حاسة فعلا بشوفك ده ربنا يارب يفرحك بيه وييجى بالسلامه وتشوفيه وتتهنى بيه .. بس واضح انك بتتابعى مع دكتور كويس انا خلاص مش قلقانه عليكى وبقيت مطمنة دلوقتى .. انا كمان كنت باخد العلاج ده بس بدون حديد بسبب الامساك وكمان بيتعب المعدة جداااا .. المهم بقه تعالى طمنينا على البيبى عامل ايه والسونار اخباره ايه وانتى كمان صحتك عامله ايه اوعى تكونى مش بتتغذى كويس .. الدكتور قاللك ايه المرة دى
  2. alf lela
    ازيكم كلكم يا بنات معلش بتاخر عليكم بس علشان انا لسه جديده مليش غير 3 اشتركات في اليوم ام اياد شكرا على الترحيب وانا زي ما رمال قالتلك كتبت الحكايه فى الاول بس علشان عيونك ومتعبكيش احكيلك تانى بصي يا ستي انا اول ماتجوزت حملت على طول بس …
    لولى ياحبيبتى .. ازيك يا قلبى .. نيفو ردت عليكى طبعا ووفت وكفت وكالعادة هى سباقه بالخير بس هوضح حاجه انا فعلا( كنت) بروح له لانى حاليا عندى انس ولله الحمد وربنا جعل دكتور عادل فى طريقى سبب للحمل ده
    وبرده اى سؤال احنا كلنا فى خدمتك يا سكر ..
    وبجد بنصحك طبعا بيه مش بس علشان مميزاته كطبيب لا المميزات دى انتى بكرة تيجى بنفسك وتذكريها .. لكن هقوللك روحى له لانك جربتى دكتور عثمان وجربتى قبله اتنين ومن وجهه نظرى انتى ما اتقدمتيش فى شئ بالعكس فى حاجات فى حالتك لابد ليها تفسير
    وعايزة اقوللك بردة حاجه كنت دايما اسمعها فى البرنامج بتاع دكتور عادل ان مش اى دكتور يعرف يحدد الحمل خارج الرحم للأسف .. وده لان الحمل خارج الرحم بيحتاج دكتور شاطر يميزة ومعنى ان ده حصللك ودكتورك معرفش يحدده ووصلتى للمرحله اللى وصلتى لها يبقى سورى الدكتور ده مش على المستوى الطبى اللى يخليكى تثقى فيه تانى ويبقى تنسى كل اللى كان قايله لك لان اى كلام قاله يبقى مشكوك فيه ..
    جربى حد بقه يكون ثقه على الاقل اكتر من حد فينا جربه .. صدقينى يا لولى ثقى فينا يا حبيبتى ومش هتندمى احنا بقينا خبرة فى التمييز بين الدكاترة الكويسين من اياهم .. انا بقيت اشمهم عن بعد ياماما بعرفهم واطلعهم من وسط ميه ..
    :p
    بس قولى لى انتى عايشه فى القاهرة ولا اسكندرية
  3. د.وداع
    مش فاهمة ايه النو كومنت بتاعك يامها الدكتور طلب مني البروجسترون مين قال مطلبوش انا مش ناقمة ولا حاجة الحمدلله انا بس مخضوضة اني خلاص عملت كونفيرماشن للحجز في رحلة طويلة وعارفة ان المواضيع دي مادام فتحت مبتقفلش كلام زي اللي انتي بتقوليه ده …
    وداااااااااع .. قلبتيها ضلمة ليه يا ودااااع ..
    بصى يا حبيبتى مش هقوللك ان التحليل بيتغير من شهر للتانى لانه لو اتغير عمرة ما هيبقى مثلا الشهر الجاى 15 ولا 20 من نفسه كده بس هقولك المعمل ممكن جداااا انه يغلط طبعاااااااااااا علشان كده عايزة اعرف عملتيه فين ... بس انا هسلم ان النتيجه صح دلوقتى مؤقتا لحد ما اعرف اسم المعمل
    اولا احنا عرفنا ان البروجستيرون بتاعنا قليل .. طب هل باقى التحاليل تمام والبروجستيرون بس هو اللى قليل ؟
    ده سؤال لازم نعرف اجابته يا وداع .. لازم نكمل تحاليلنا اللى انتى عارفاهاLH&FSH والبرولاكتين وكده هيبقى
    عندنا احتمالين ..
    اولا.. ان تحاليلك تطلع سليمه وكده هتكون المشكله كلها فى البروجستيرون وعلاجه انك هتاخدى تنشيط وهتبقى تمام وان شاء الله هيحصل حمل .. وده اللى حصل معايا بالظبط

    ثانيا .. ان يكون فى مشكله فى التحاليل ونكتشف فعلا تكيس ويكون هو سبب ضعف التبويض بالشكل ده وساعتها ما تقلقيش خالص لانك بمنتهى البساطة هتراسلى دكتور عادل بناء على النتايج دى وهو ينصحك بالعلاج اللى كلنا عارفينه وانتى بره مصر ما تقلقيش بس اهم شئ تكون التحاليل اتعملت فى مكان مظبوط يا وداع ...
    يبقى سواء كده او كده احنا الاول محتاجين نعمل التلات تحاليل دول
    وفى كلا الاحتمالين انتى بردو تعتبرى اطمنتى على نفسك بنسبه 70% وصدقينى علاج الهرمونات سهل ومش صعب عايز التزام بس مش اكتر يعنى مش مشكله عويصه بالعكس خاااالص
    تعالى بقه نشوف موضوع السفر بتاعك
    انا بتمنى تكونى حجزتى بعد معاد البيريود لانى عايزاكى تعملى التحاليل بتاع تانى يوم هنا وضرورى جدااا علشان نقدر نثق فى النتيجة لانها هيتبنى عليها حاجات كتير .. يعنى بإختصار هى دى الحاجه الوحيدة اللى تعملى حسابها وتقلقى لاحسن ما تتعملش وانتى فى مصر لكن غير كده مقدور عليه بعون الله
    شوفتى بقه الموضوع بسيط ازاى .... يعنى ما تقوليش
    عارفة ان المواضيع دي مادام فتحت مبتقفلش"
    لا يا حبيبتى بتتقفل وبتتقفل بنهاية سعيدة كمان ان شاء الله
    بس كل اللى بوصيكى فيه انك تعملى التحاليل هنا بقدر الامكان لان هى دى المشكله الوحيدة اللى هتقابلك بره مصر .. لكن اى حاجه تانيه هتقدرى تمشى امورك فيها .. سواء متابعه تبويض او تنشيط او غيرة ..
    ماشى يا قمر .. كشكشيها بقه ما تعرضيهاش وفكيها الله يرضى عليكى
  4. رمـــــال
    وداااااااااع .. قلبتيها ضلمة ليه يا ودااااع .. بصى يا حبيبتى مش هقوللك ان التحليل بيتغير من شهر للتانى لانه لو اتغير عمرة ما هيبقى مثلا الشهر الجاى 15 ولا 20 من نفسه كده بس هقولك المعمل ممكن جداااا انه يغلط طبعاااااااااااا علشان كده عايز…

    أوكســــى ..
    منورانا بالليل يا اوكسى وبجد مش هزار
    وجودك بالليل فااااااارق جداااا وماشاء الله شوشو هى كمان اهيه اتشجعت وبقت تدخل بالليل منورة يا شوشو ..
    المهم انتى بتقولى يا اوكستى متعرفيش البنات القدام ليه مبقوش يدخلوا !!!! بصى ياحبيبتى
    الناس مشاغل والدنيا تلاهى ,, فى ناس مبتعرفش تركز فى اكتر من حاجه فا بيفضلوا انهم يتنازلوا عن حاجه مش مهمه قصاد حاجه مهمه (على اعتبار ان وجودنا معاهم شئ مش مهم بالنسبه لهم)
    وناس تانيه دخلوا ياخدوا معلومة وخرجوا ومكانش قصدهم يكملوا معانا بس دخلوا للإفادة مش اكتر ..
    وناس حملت وبطلت تدخل علشان خايفه من الحسد والعين
    وناس بردو حملت بس مش عارفين يوفقوا بين وجود الطفل فى البيت والانتظام فى اى شئ اخر .. وفعلا انا بعذرهم لانه شئ صعب فوق ما تتصورى .. وانا بتكلم فى السطر ده بالاخص على مميزات(لان كوكر ومسلمة منوريننا على طول) لانى واثقه فى حبها لينا وللملف وواثقه انها تتمنى تكون معانا كل يوم بس فعلا يا جماعه الموضوع صعب مع اول طفل .. يارب كل البنات تحمل وتولد وتنشغل بقه وتجربوا
    وده تحليلى المتواضع للقضية
    :16:
    متواضع اوى مش واخده بالك ولا ايه

    هيا ننشر الخير ..
    ربنا يجازيكى خير يا حبيبتى على سؤالك على انس .. والله هو للأسف لسه مش مظبوط ربنا يعدى الدور على خير يارب .. انتى عاملة ايه يا سكرة اخبارك ايه .. طمنينى عليكى .. وبالنسبه لموضوع خافض الحرارة برافو عليكى نصيحه فى الجون انا بعمل زيك تمام ... مستنيينك بكرة تقولى لنا عملتى ايه مع دكتور عادل يا رورو
    شوشو ..
    كلامك حكم يا حبيبتى فعلا الواحد بيستمتع بالشعور اللى حكيتى عليه اكيد بس الناس فريقين .. فريق بيرد المشاعر دى لغيرة وزى ما بياخد بيدى هو كمان علشان كده تلاقيه دايما انسان خدوم جدا وبيكون محبوب من اللى حوالية ..
    وفريق تانى بياخد بس مش بيدى ولما بيدى .. بيدى قليل اوىى علشان كده تلاقيه دايما حقود ومبيحبش يحسس غيرة بالاحساس الحلو ده لانه فى طبعه انانى ..

  5. @dan_hlm_aamry

    أختي الغالية MIKOMIKO حبيت أتأكد من مركز الدكتور محمد فارس في مصر الجديدة هل هو من المراكز المشهورة في القاهرة لأني عملت حقن مجهري عنده مرتين بس فشلت المحاولتين فلما قرأت موضوعك حول العيادات والمراكز المشهورة بمصر تحمست أسالك لأني أفكر أحاول للمرة الثالثة شو تنصحيني من واقع معلوماتك وخبرتك وجزاك الله خيرا

تابعي تجارب أخرى من هذا القسم.