رح أدعي لكل وحده بالزوج الصالح إذا ما كانت متزوجة والتوفيق والخير للمتزوجة

السلام عليكم ورحمة الله
أنا مشكلتي كالآتي وبدون مقدمات..وهي
أني مخطوبة لولد خالي اللي يكبرني بخمس سنين وبصراحة ما اريده لأني ما ارتحت له أبد وأنا مستعدة أتزوجه إذا حسيت أنه فيه خير ولو بسيط ..لأنه هو بصراحة ما يصلي ويدخن ولكن والله أهله ناس جدا طيبين وأحبهم كثيييير ..لكن أهو أحس أنه روحه خبيثة ما أحب أتكلم على الناس ولكن هذا الإنسان وبكل بساطه رح يكون في يوم من الأيام زوجي... لأن الأهل يريدون كذا
المشكلة الحقيقية أني ارتحت لأخوه الصغير اللي بنفس عمري حسيته طيب ورحيم جدا وعطوف ورمانسي لأبعد الحدود ..

ولكن كيف ألمح اللي من حولي على أني أريد الصغير مو الكبير ...والله أهلهم ناس ما يتعوضون...لكن أنا الصراحة ما أبغى الكبير لأنه يشعرني بالخوف أرتعب لو سمعت صوته أو كان موجود في نفس المكان اللي أنا متواجده فيه..
ولكن قلبي وعقلي متجهين لولد خالي الصغير اللي بعمري

ساعدوني الله يخليكم
والله رح أدعي لكل وحدة تدخل وتقول رأيها وخبرتها
رح أدعي لها بالزوج الصالح ..
أو بالتوفيق والسداد إذ اكان متزوجة
والله أنا في حيرة أستشير من ..؟؟
قلت ما فيه غييييير بناااات حواء الله يخليكم لي
استناااكم

94 تعليق 8,336 مشاهدة

شاركي في النقاش

سجلي الدخول لإضافة تعليق.

التعليقات

86
  1. @bnt_alkoyt_alaasl

    ممممممممممممممم قولي لاهلج مابيه وخلاص شنو المشكله قولي مااحس تجاهه بشي من حقج ترفضين وتختارين الشخص اللي يناسبج اما بخصوص الصغير اذا شاريج اكيد بيتقدملج بس دام ماتقدم ماانصحج تحطينه ابالج
  2. @passion

    أختي الحبيبه
    الله يسهل لك أمرك وتتزوجي الزوج الصالح
    في رأي طبعا إلي أنت مرتاحه له وهو الصغير أظن أحسن من أخوه الأكبر
    أهم شئ راحتك وإحساسك
    مع أني ما أحب الزواج من رجل بنفس عمري
    وكمان والله لا أنصحك بزواج الأقارب مشاكله كثيره بالنسبه للأمراض
    الوراثيه
    إستخيري الله وربنا يقدر لك الخير
    وعادي حاولي تلمحي بإعجابك بإبن خالتك للأهل
  3. @alkady_2

    اولا..كيف قلبك يتجه لأخوه الصغير..هل انتي سعوديه؟؟؟((عشان سالفة الكشف))
    حاولي باي طريقه تصرفين النظر عنه فكري باي شيء ثاني ..بوظيفه ... بدراسه ..بمشاكل حبايبك كيف تحلينها (اعذريني على هالاختيار لكن هالاختيار وحده ينسيك نفسك واذا كان يتعبك ماله داعي بس انا اختاره عشان انسى نفسي شوي)وكمان تفكرين بهمومك كيف تعالجينها الا هذا الهم اتركيه شوي على جنب..لين ما تتخلصي من التعلق فيه..
    ثانيا:
    مالك الا الدعاء...
    سبحان الله الذي يغير ولا يتغير..
    من يدري في يوم وليله يتغير حاله ويصير من افضل الناس...
    ويقولون وراء كل امرأه رجل عظيم...
    واهديك هالموضوع لعل نفسك ترتاح شوي..
    روائع الـ
    لأني بصراحه ما عمري ولله الحمد مريت بهالامور..وحتى لما على قولتك اعجبت في احدهم اكتشفت انه يكبرني بـ12 سنه والحمدلله مافي من قرايبي عيال بهالعمر الا كلهم على الاغلب كبار ومتزوجين من فتره او خير شر ما يبغون يتزوجون والاقارب عقارب..بس حبيت اطمئن نفسك..واخليها تهدى شوي ...
    وفي حاجه ثانيه صحيح ان القلب وما يهوى لكن انتي ماتعرفي فين الخير لك ... يمكن الاخ الصغير بعد الزواج يصير شي ثاني ..ادعي ان ربي ييسر لك الخير وخليك متيقنه في الدعاء وخاشعه مو تقولين انا احب هذا ابغاه لأ..قولي يارب يسر لي الخير والصالح...وحاولي تقتنعي في اللي يجيك...بعد الدعاء... وتوكلي على الله..
    ان شاء الله بس ما اكون قسيت عليك بكلامي..
    وعلى فكره هالكلام ما قلته الا من بعد معاناه مريت فيها وصارت هذي طريقتي..
  4. @mlak_17

    و عليكم السلام ورحمة الله وبركاته
    انا من رايي المتواضع انج ما تلمحين ولا شي اخاف الاخو يكره اخوه بسببج .. و اكيد انتي ماترضبن بهالشي
    تركي هذا الخطيب ( الي مايصلي ) لله وروحي اقري بالفتاوي و اسئلي الشيوخ و قوليلهم هل يجوز اني اتزوج بواحد تارك للصلاة ..

    و الله يغنيج عنه .. اذا تاكم من ترضون دينه وخلقه .. و انتي اكيد مو راضيه عن دينه ..

    الله يغنيج ووفقج
  5. @passion

    لم أنتبه إنك مخطوبه
    أنت مخطوبه لأبن خالك !!!!
    أعزريني فكرت لسه ما خطبتي
    طيب بما انك مخطوبه ممكن تتركيه ان شاء الله ما في مشكله
    بس الصراحه ما أظن أخوه الأصغر راح يوافق يخطبك بعد خطبت أخيه
    علشان ما يحرج أخاه الكبير
    ------------------------------------------------------------------------

تابعي تجارب أخرى من هذا القسم.