طريق الامل ( خبرات متبادلة حول مراكز العقم فى مصر ) الجزء الثامن

نيفو و الله انتى حبيبة قلبى ما قدرش انتى تزعلى منى ابدا
انا كنت بقرأ المشاركات اللى فاتتنى الاول و بعدين اكلمكوا بس لما لاقيت مشاركتك ما قدرتش قولت ارد عليكى الاول
بوووووووووووووووووووووسه كبيره منى ليكى و الله انا بحبك جداااااااااااااااااااااااااااا فى الله لانى حاسه بكميه طيبه فى قلبك غير طبيعيه ربنا يخليكى ياااارب ويرزقك الذريه الصالحه

يا حبيبة قلبى الف سلامة عليكى من الانفلوانزا .. وربنا يخليكى ليا وما يحرمنيش منك انتى ولا من سؤالك عليا ولا على انس ماهو ابنك بردة يا حبيبتى هو فعلا عيان شويه وواخد دور برد ربنا يزيحه عنه يارب .. انتى يابنتى فى بالى بطريقة مش معقولة بجد ودايما افكر فيكى .. عايزة اعرف نويتى على ايه يا فاطمة .. عايزة اطمن عليكى يا قلبى من ساعه ما قولنا هنتكلم ولا اتكلمنا ولا اتلمينا على بعض لو تسمحى بقه اهه الظروف اللى كانت معطلاكى عننا خلصت اهوه ياريت اعرف بقه هتعملى ايه ودماغك دى فيها ايه ..برغم تعب انس افندى بس بأمر الله هتلاقينى موجودة على طول .. مستنياكى علشان اسمعك يا فاطمة ..

ام اياد الف سلامه يا قمر انا عارفه ياحبيبتى انك لسه تعبانه شويه من اثر المنظار .. بس يومين كمان وهتبقى عال العال
ومبرووووووك ياجميل على نتيجة التحليل ده خبر حلو الحمدلله احنا اتطمننا كده ان اللى اتشال ده مش حاجه تقلقنا وانه مش اكتر من حاجه كانت مانعه الحمل انه يحصل ليس الا يعنى من الاخر كان واقف فى السكة يا سكر .. فاهمانى يعنى مش تفتكرى ان مكانش فى سبب للتأخر وتتخضى لا يا حبيبتى كان فى سبب والسبب ده اتشال فى المنظار خلاص .. واللى اتشال ده كان لازم يتحلل طبعا علشان نعرف هل هو حاجه وحشه ولا لا .. وهى دى نتيجة التحليل انه طلع حاجه مش تقلق علشان كده بقوللك افرحى ومبروووك كمان .. مش تضربى اخماس فى اسداس وتقولى مش عارفه ايه اللى كان مأخر الحمل .. فهمت يا قمر .. وان شاء الله طبعاااا فى المقابله هتلاقى الكلام المنطقى كله من دكتور عادل وخلاص ده انتى رايحه له يوم الخميس يعنى مش هتلحقى تفكرى كتير فى الموضوع ..

بوبا
يا رب التحاليل تبقى تمام
وداع
ربنا يكرمك يا رب وانا مش قصدي حاجة بالنو كومنت بتاعي والله
انا كل قصدي خير
ومتزعليش مني انا بس بفكر معاكي
ربنا يوفقك يا رب وان شاء الله نسمع خبر الحمل قريب جداااااااااااااااااااااااااااا
ونيفو تديلك لقب النونو كمان ان شاء الله
ام انس
انتي وحشتيني جداااااااااااااااااااااااا
يارب تيجي تطمنينا عليكي
وتقولي اخبار الحقن ايه والريجيم مستمر والا ايه
رمال
وحشتيني جدا وربنا يكرمك يا رب
اوكسي
وحشتيني يا اكسجين التجمع
اشتقت
عاملة ايه يا حبيبي
ربنا يكرمك يا رب ويرزقنا جميعا الشهر ده بالحمل يا رب
هيا ننشر الخير
ربنا يهدي المسلمين
قوليلنا عايزة تنشري الخير ازاي عشان ننشره معاكي
كوكر المشتاقة شيمولاته زينب توتا ميكو طماطم دودو الهدى وكل اللي مش قلت اسمه بس هو في قلبي
بحبكم كلكم في الله