طريق الامل ( خبرات متبادلة حول مراكز العقم فى مصر ) الجزء الثامن

ربنا يجازيكى خير يا جينا والحمد لله على كل حال
و أنا بالفعل إحترمت وجهة نظره ولذلك مجبتش سيرة موضوع العنب ده خالص معاه
أنا بس بفضفض بيه معاكم أنتم
وبالنسبة لضعف التبويض عرض وليس مرض مش المقصود منه
( إن ضعف التبويض عرض من أعراض مرض التكيس ) و أنا إن شاء الله مش عندى تكيس
فهى ده النقطة الغير مفهومة

أهلا يا إشتقت يا حبيبتى عامله إيه أنا لسه داخله دلوقتى خساره إنى ملحقتش أسلم عليكى
عموما أنا كمان هقوم أنضف البيت لحسن الجو المترب بهدل الدنيا

أشكرك على كلامك يا حبيبتى و أنا والله مسلمه أمرى لله وراضيه بكل شئ
بس عدم وضوح المشكله الحقيقية هو اللى بيبرجل شوية
أما بالنسبة للمنظار فأنا مش هزعل لو طلبه بالعكس أنا نفسى لو هنعمله نعمله على طول
لسبب بسيط إنى من أول ما لاحظت إنى متأخرة فى الحمل و أنا شاكة فى الألتصاقات لأنى عملت قبل
كده منظار وكمان ولدت قيصرى فإحتمال الألتصاقات وارد جدااا
و الدكتور عمرو خضير وده كان أول دكتور روحتله قالى لازم منظار طالما عملت جراحتين قبل كده
و أنا اللى رفضت .. ومش زعلانه إنى إتأخرت فى الخطوة ده ومؤمنه جدااا إن لو كان عمل المنظار
من زمان فيه خير ليا كان ربنا يسرنى ليه من زمان ولكن أكيد ربنا إختار ليا الصالح و الخير لحالتى

زوزو .. يارب تكون النتيجة حلوه وتطمنى و طمنينا