رح أدعي لكل وحده بالزوج الصالح إذا ما كانت متزوجة والتوفيق والخير للمتزوجة

ياحليلك بتخيرين بعد

الله يجزاكم الخير جميع..
حيرتوني زيادة..
الصراحة أنا ما أدري عن ابن خالي الصغير ولكن عن طريق أخته أهي اللي قالت لي أنه معجب مرة لأن شافني أكثر من مرة ..
وطبعا الكل يمدحني الله يهديهم بس ...أمي نفسها محتارة مرة تقولي الصغير أحسن لج ومرة الكبير وخاالتي اللي أهي أمهم تبغاني للكبير والصراحة أهو له هيبة بين أهله والناس .. ويشتغل والصغير محبوب ولكن مايشتغل
أنا ما كنت افكر في الصغير أبد ولكن أخته من قالتي لي أنه معجب ..من ذيك الساعة وقعت في حيرة وتعب ..
وش أسوي ألحين ألمح للجميع أني أريد الصغير ..بس كيف أحسه صعبة ما عندنا بنت تتكلم عن رجال ..
والله أني في حيرة ..خاصة أن الكبير خاطبني بس كلام قبل خمس سنين وهو ما يعرف حتى شكلي بس يسمع عني ..
المشكلة اثنينهم شافوني ..عن طريق الصدفة وأختهم قالت لي بدون قصد ..أنهم اثنينهم تكلموا عني بعد ما سألهم والدهم اللي أهو خالي وش رايكم في ...فلانة اللي أهي أنا..
وكل عبر عن رأيه ولكن على كلام بنت خالي أن الصغير دايما يذكرني..
وبعدين الكبير مكلم أخته قبل أسبوعين ..أو كلفها بأنها تقيس نبضي إذا أريده أو لأ
الصراحة بنت خالي ما أقدر أفتح لها قلبي لأنها مو أهل ثقة أو ما تعرف تتصرف زين
والدليل أنها غلطت وقالت أشياء مع أنها متحفظة معي في موضوعي ولا تريد تقول لي شي ...
مع أنها زوجة أخوي ...
وبعدين أخاف يصير شي لو لمحت أني أريد الصغير ...أخاف يصير شي بين الأخوان
أنا الحقيقة مرتاحة لعائلة خالي بعكس عائلة عمي ما ارتحت لهم عشان كذا رفضت ابنهم ..
أنا ولله الحمد أخاف الله في كل شي ولله الحمد وأحس أن ربي يجعلني أحس بأي شر
فأرجع وأدعي ألين أكتشف أنه فيه شر في موضوع ويبعدني عنه برحمته
أشكركم على ردودكم الطيبة

استناكم والله شو رايكم ..
ألمح للي حوالي أو أرضى بالكبير ..
والله ثم و الله لو حسيت أن في الكبير خير ولو بسيط رح أرضى فيه وسأسعى لتغيره للأفضل
أن أحس أن فيه خيير بس أخوي الله يهديه شككني في ابن خالي من كثر ما يذمه وأخوي من النوع اللي يعرف معادن الرجال...
والوالد الله يحفظه من النوع اللي ما يمدح كثييييير ولكنه مدح ولد الخال الصغير..
وعندي مشكلة أخرى وأهي أن والدي مو موافق أن آخذ من عائلة أمي ويريد من عائلته أهو مع أن عندي خوات أصغر عني وهم نفس الحال ما يريدون من عائلة الوالد
بلييز ردوا علي ..أملي بالله وفيكم كبييير

وبعدين عائلة خالي جايين بهذا الصيييف وأنا محتارة وش اسوي

انا راى اتركى هذا اللى ما يصلى لان اصلا ما يجوز تتزوجيه \وقولى لاهلك كده صراحته انا ما ابغاة
ولا تفكرين فأخوه حبيبتى هذا مدخل شيطان يمكن اخوه ما يبيك يمكن يطلع شىء ثانى بعد الزواج لا حبيبتى اتركيهم الأثنين
واللى فيه النصيب بيكون لك ادعى ان يرزقك الله الزوج الصالح

أهلين اختي الطير الحالم مشكلتك بسيطه و حلها بيدك

بما أن ولد خالك الكبير حاول يجس نبضك فقولي رأيك بصراحه من غير كلام زايد وقولي سبب رفضك له من تركه للصلاة و التدخين فكيف تأمني نفسك مع واحد هذي صفاته

ولا تعلقي قلبك مع ولد خالك الصغير و أنتظري نصيبك أياَ من كان الصغير ولا غيره

ولاتنسي الدعاء فهو مخ العباده

أدعو الله لك بالتوفيق