شاركي في النقاش

سجلي الدخول لإضافة تعليق.

التعليقات

3,327

  1. @am_ayad_2009

    فاطمة الزهراء912
    رورو حبيبتى ربنا يكرمك يارب ويخليلك انوس يارب ويفرحك بية قادر يا كريم بصى يا ستى انا هقلك انا عملت اية بعد الاجهاض طبعا انا مش كنت قادرة انى اعمل اى حاجة حتى انى اروح لدكتور كان صعب علية اشوف عيادة او اسمع كلمة دكتور بس طبعا مكانش ينفع لا…
    بطوطة والله العظيم كلامك اثر فيا جدا جدا
    بس انا عارفة انك قوية ومؤمنة بربنا سبحانه وتعالي وان شاء الله حيجي اليوم اللي تحملي فيه وتفرحي بحملك
    والحمد لله انك عملتي كل التحاليل الازمة عشان نعرف اسباب الاجهاض
    يبقى ان شاء الله المرة الجاية الحمل حيثبت
    انا عارفة ان كل اللي مريتي بيه كان صعب قوي بس بايمانك بالله ويقينك انه حيكرمك في يوم من الايام اكيد حيساعدك انك تتخطي المرحلة دي
    وبلاش بقي نتكلم عن موضوع السن وقطار العمر
    خليكي مؤمنه بربنا وعلى يقين انه حيجي اليوم اللي تشيلي فيه اولادك بين احضانك

  2. @fatm_alzhraaa912

    أم اياد 2009
    بطوطة والله العظيم كلامك اثر فيا جدا جدا بس انا عارفة انك قوية ومؤمنة بربنا سبحانه وتعالي وان شاء الله حيجي اليوم اللي تحملي فيه وتفرحي بحملك والحمد لله انك عملتي كل التحاليل الازمة عشان نعرف اسباب الاجهاض يبقى ان شاء الله المرة الجاية ال…
    ربنا يكرمك يا ام اياد يا رب معلش انا قلت الكلام دة من باب تفريغ الهموم مش اكتر يعنى مش عايزة حد يزعل لا انا الحمد لله صابرة ومحتسبة لكن القلب يحزن والعين تدمع وضياع الحلم امر منة مفيش وانا والحمد لله وثقة ان ربنا هيعطينى ومش هيضيع تعبى على الفاضى بس ان الانسان عجولا ولو علمنا الغيب لخطرنا الواقع ولكن هى كدة الحياة الدنيا يلة بقى انا مش عايزة انكد عليكى علشان انا اصلا مش بحب النكد المهم انتى عاملة اية ياقمر دلوقتى

  3. @am_ayad_2009

    انا عارفة يا فطومة انك قوية ومؤمنه عشان كدة كتبتلك الكلام دة
    بس انا بجد من غير ما اعرف حكايتك كنت متأثرة جدا باللي حصلك ايا كانت الاسباب
    فحبيت بس اشاركك معاناتك وبلاش تقولي مش عايزة حد يزعل منى بالعكس يا قمر
    دا انا مبسوطة انك قررتى تخرجى اللي جواكي وتتكلمي عشان تقدري ترجعي لطبيعتك من تاني
    احنا عايزين طماطم الشقية اللي ميتبطلش ضحك وهزار
    ربنا يهديكي ويرزقك اكثر مما تتمنين
    وكويس قوي انك قررتي تريحي جسمك شهرين
    ان شاء الله امورك تتظبط وتبقي زي الفل
    انا يا ستي كويسة والحمد لله واول ما بلاقي فرصة اقدر اقعد فيها على النت بدخل على طول
    لان النت هو دة متعتي الوحيدة في البيت
    وبكرة ان شاء الله حروح لدكتور عادل واشوف ايه الاخبار

  4. @rmal_8

    هيا ننشر الخير
    كان نفسى إمبارح أدخل أحكيلكم و أتناقش معاكم بس بصراحة أنا مش عارفه أحكيلكم إيه ! أصل أنا نفسى حاسه إنى مش فاهمه حاجة حتى دكتور عادل .. حاسه أنه لسه مش فاهم بالظبط حالتى فيها إيه , يمكن الأمور تتضح أكثر المرة الجايه و اللى بعدها إن شاء ال…
    رورو .. حبيبتى ازيك عاملة ايه يا قلبى .. مش عارفه اقوللك ايه الحيرة اللى وقعتى فيها طبيعية جداااا جداا لكن هى مفيدة بردو لانها بتخلينا ندور لحد ما نفهم ولو حتى بنسبه خمسين الميه .. لكن انا مش هعلق على النقط اللى شوشو علقت عليها بتاعه ضعف التبويض لان كلامها مظبوط جدااا وكافى اوى ومش هلخبطك بكلام تانى هيعبر عن نفس ا
    المضمون يعنى مش هضيف عليه جديد ربنا يبارك فيكى يا شوشو يارب ..
    وموضوع الالتصاقات طبعا مشكوك فيه جدااا بسبب الولادة القيصرى اكيد فا دى نقطة واردة ومش هنتكلم فيها كتير..
    اللى عاوزة استفسر عنه فعلا هو حكاية ميلان الرحم .. الموضوع ده ايه حكايتة بالظبط ..
    يعنى عندك من زمان .. ولا جديد .. طيب لو عندك من زمان حملتى بيه يا رورو المرة اللى فاتت ازاى ..
    ولو جديد ايه سبب حاجة زى دى .. طيب لو هو قديم كده وحصل حمل معاه مرة يبقى مش هو ده المانع لحدوث حمل تانى مرة
    وبعدين دكتور عادل قاللك ايه على حكاية الميلان دى .. مش حكيتى اى تعليق منه على النقطة دى غير انه قاللك انك شاطرة وفاهمه .. معلش انا بسأل كتير علشان عايزة اعرف رأى دكتور عادل فيه وفعلا هل موضوع الميلان ده بيسبب تأخر حمل ولا لا .. لانى قريت كلام بنات كتير بيقولوا انه سبب التأخر عندهم لكن انا مش مقتنعه بيه وبما انك اول حد معانا يواجه الموضوع د فا احب كلنا توضح لينا النقطة دى ..

  5. @rmal_8

    فاطمة الزهراء912
    رورو حبيبتى ربنا يكرمك يارب ويخليلك انوس يارب ويفرحك بية قادر يا كريم بصى يا ستى انا هقلك انا عملت اية بعد الاجهاض طبعا انا مش كنت قادرة انى اعمل اى حاجة حتى انى اروح لدكتور كان صعب علية اشوف عيادة او اسمع كلمة دكتور بس طبعا مكانش ينفع لا…
    طيب يا حبيبتى كويس انك عملتى حاجه وما وقفتيش مكانك .. التحاليل اللى عملتيها دى خطوة كويسه جدا منك وبرافو عليكى انك عملتيها واطمنتى على نفسك بردو .. انتى روحى لاى دكتور يا قلبى .. هل الدكتور الاخير ولا دكتور اسماعيل .. وبالنسبه للراحة اللى اخدتيها الشهرين دول يا قلبى دول براحتك فيهم واضح ان التجربة أثرت عليكى كتير نفسيا وانا مش هلومك كتير فيها وده من حقك انك تاخدى راحة شويه ولو ان الافضل ان تانى محاولة تكون بعد الاولى على طول .. بس معلش ان شاء الله المرة الجاية تكون الاخيرة ليكى ويكون فيها الخير كله يارب .. بس ردى على سؤالى بس علشان عايزة اطمن انتى مع مين دلوقتى

تابعي تجارب أخرى من هذا القسم.