طريق الامل ( خبرات متبادلة حول مراكز العقم فى مصر ) الجزء الثامن
متابعة النقاش، صفحة 367
شاركي في النقاش
سجلي الدخول لإضافة تعليق.
التعليقات
3,327أم اياد 2009 ريمو سبحان الله كل ما ادخل الاقيكي اون لاين يا محاسن الصدف الف سلامةعلى انوس خلي بالك منه ومعلش استحمليه ماهو زي ابنك برده ربنا يخليهولك ياارب وتفرحي بيه وتشوفيه عريس
والله انا اللى حظى حلو انى بلاقيكى اونلاين ده من حسن حظى بجد يا قمر .. انتى عاملة ايه .. بكرة معادك يا قمر مع دكتور عادل .. ان شاء الله ترجعى مبسوطة من عنده يا اودى وتتوفقى فى المقابلة ..رمـــــال طيب يا حبيبتى كويس انك عملتى حاجه وما وقفتيش مكانك .. التحاليل اللى عملتيها دى خطوة كويسه جدا منك وبرافو عليكى انك عملتيها واطمنتى على نفسك بردو .. انتى روحى لاى دكتور يا قلبى .. هل الدكتور الاخير ولا دكتور اسماعيل .. وبالنسبه للراحة اللى …
لا يا حبيبتى انا مع دكتور تانى غير اسماعيل انا اصلا مش عايزة اسمع اسم اسماعيل دة تانى ولو صدفة ربنا يهدية ويهدينارمـــــال رورو .. حبيبتى ازيك عاملة ايه يا قلبى .. مش عارفه اقوللك ايه الحيرة اللى وقعتى فيها طبيعية جداااا جداا لكن هى مفيدة بردو لانها بتخلينا ندور لحد ما نفهم ولو حتى بنسبه خمسين الميه .. لكن انا مش هعلق على النقط اللى شوشو علقت عليها بتاعه ضعف ا…
شكرا يا ريمو على إهتمامك ربنا يجازيكى خير يعنى أنوس يا حبيبى تعبان و إنتى يا حبيبتى بتفكرى فينا
ربنا يشفيه يارب ويبقى زى الفل .. حاولى ترقيه يا ريمو
بصى يا ستى ميلان الرحم اللى البنات بيتكلموا عليه هنا فى المنتدى هو ميلان الرحم للخلف وده و الله أعلم بيحتاج أسلوب معين فى العلاقة الزوجية علشان يحصل الحمل , لكن اللى عندى حاجة تانية أنا الرحم مائل عندى ناحية الشمال و الدكتور عادل قالى إن طبيعى إن الرحم يبقى مائل ناحية اليمين أو الشمال بس بنسبة بسيطة لكن عندى مائل ميل شديد شوية وكأن فيه حاجه شداه ناحية الشمال وده فى حد ذاته مش يمنع الحمل ولكن إدانا شك إن فيه التصاقات فى الناحية الشمال فبالتالى الأنبوب الشمال أصبح مشكوك فيه برضه ولم يتبقى الا الأنبوب اليمين وده برضه الدكتور عادل شاكك فيه مش علشان شكله مش طبيعى لأ بس علشان الدكتور شايف إن اشعة الصبغة ده شئ ترجيحى وليس أكيد
يعنى مش علشان الأنبوب اليمين ظاهر كويس يبقى هو فعلا كويس ومش حواليه ألتصاقات وطبعا أى التصاقات حول الأنابيب ممكن تمنع التقاط البويضة ... وبصراحة هو ده السبب اللى أنا شاكه فيه لأن التبويض حتى لو مش حلو الشهر ده كان حلو جدا فى شهور تانيه كتير ومع ذلك لم يحدث حمل علشان كده حاسه إن الموضوع مش موضوع تبويض
وأدينا معاه وربنا يسهل اللى هيقولى عليه هعمل إستخاره و أنفذهفاطمة الزهراء912 لا يا حبيبتى انا مع دكتور تانى غير اسماعيل انا اصلا مش عايزة اسمع اسم اسماعيل دة تانى ولو صدفة ربنا يهدية ويهدينا
يا حبيبة قلبى معلش انى سألتك السؤال ده انا اسفه بجد مكنتش اقصد ادايقك .. انتى عندك حق الواحد لما يكون فى حياته تجربة سيئة ومتعلقه بشخص ما بيبقى مبيحبش سيرتة ولا حتى يسمع اسمه ..
بس انا كنت بسألك لان كان رأيى يا فاطمة انك تروحى مركز جنين لدكتور حسام .. وده رأيى اللى كنت عايزة اناقشك فيه بعد العملية لما قولت لك عايزة اتكلم معاكى .. ايه رأيك فى الموضوع ده انا عارفه طبعا انك اكيد فكرتى فيه .. انا عايزاكى تستفيدى بس من خبرة د حسام ومن التطور اللى فى مركزة واللى هو نفسه بيشوفه بعينه بره قبل ما يجيبه للمركز علشان كده تلاقيه على درجة عاليه من الدقة وكمان مطلع على الجديد اول بأول .. وعلشان دكتور حسام مبيفوتش التايهه من تحت ايده
وكمان رأيى ان علشان ليكى تجربة سابقه فا بفضل ان التانيه تكون فى مكان ثقه اوى زى جنين بحيث يشوف د حسام بعينه سبب للى حصل المرة اللى فاتت ويتحاشاه .. لانى معتقدش انك لو روحتى مكان تانى هيسألوا عن المحاولة الاولى دى ويدوروا اوى كده ممكن يكتفوا بإنهم يعرفوا وخلاص بس محدش هيدور كويس كان فى ايه فيها سبب عدم نجاحها .. ايه رأيك ..هيا ننشر الخير شكرا يا ريمو على إهتمامك ربنا يجازيكى خير يعنى أنوس يا حبيبى تعبان و إنتى يا حبيبتى بتفكرى فينا ربنا يشفيه يارب ويبقى زى الفل .. حاولى ترقيه يا ريمو بصى يا ستى ميلان الرحم اللى البنات بيتكلموا عليه هنا فى المنتدى هو ميلان الرحم للخلف …
مواضيع مشابهة
تابعي تجارب أخرى من هذا القسم.