قصتي مع مرض بنتي ...ياريت تنصحوني اخواتي

انتبهي من المعقمات والروائح بكل انواعها حتى تتحسن حالتها

انا عندي ربو واذا شميت روائح المعقمات يتعبني صدري مره ,,وحتى بعض انواع العطور والبخور بس بعضها عادي

وجربي تدهنين رجولها بالفكس ولبسيها شراب ودفيها زيييين وشربيها حلبه داافيه

بس عادي اطلعي خليها تشم هوا نقي بس دفيها زين أصلا الربو مو من البرد هو أكثر شي من الروائح خاصه المنظفات..

الله يشفيها يارب والله ان الحساسيه عذااااب..

اقنعي ابوها بضرورة ممارتها لحياتها بشكل عادي
اذا عودتوها على جو معين ,,,راح تتعبكم كثير
مع اي اختلاف في الجو او انتفالكم من مكان لاخر او مخالطتها لناس كثر خاصة الاطفال
راح تتعب
لانها تعودت على جو معين

والجهاز مادامه عندك ومو دايم تحطي فية فينتولين
طيب كويس شغليه لها اكثر من مره في اليوم علشان يلطف الجو ويوسع لها الشعب

ويارب يعافيها وعقبال ما تشوفونها عروس

ايوا استخدميه طول فترة الشتاء طالما الهيت شغال لان يسبب جفاف في البيت خصوصا ان الكحة تزيد مع الجفاف وانصحك انك تعطيها عسل مع زيت زيتون او ليمون خلطيهم مع بعض او خل تشربهم خصوصا قبل ماتنام انا هيك بسوي مع اولادي
والله يشفيها وايخليها لكم

الله يشافيها ويعافيها

ومثل ما قالت الاخت (آخر العنقود) ريحة المنظفات قوية علينا واحنا ما فينا شي شلون هي،، يعني راح تزيد حالتها منها وحتى العطور القوية ، وطبعا هذا الكلام قاله لي الدكتور..

ونفس الشي الفكس قبل ماتنام ادهني مواطي رجلينها بشوية مو تكثرين وصدرها بعد ودفيها زين ببطانية او بجامة ثقيلة، وانا مجربته ببنتي كانت قعدت فترة حوالي ثلاث او اربع شهور تكح لين تطرش ( الله يكرمك والسامعين) ،، وديناها لخمسة دكاترة بمستشفيات خاصة وحكومية ومواعيد وادوية وبخار وما فادها بعد الله الا هالطريقة
واخوي بعد كل فترة وخصوصا لا شرب بارد او كان الجو بارد ينكتم ويالله يتنفس ولازم كل ست ساعات بخار ،، لين امي سوت له هالطريقة والحمد لله بس تحس انه بدى ينكتم على طول تحط له وتلبسه شراب وتدفيه زين ، ويقوم الحمد لله ما فيه الا العافية ، حتى صار هو من نفسه لما يحس ببداية الكتمة يجي يقولها حطي لي فكس..

ادري طولت بس حاسة فيك لاني عانيت من هالشي وعسى الله يعافيها ويشافيها ويخليها لكم يارب..