زوج صديقتي الله المستعان!!

بسم الله الرحمن الرحيم
الســــــلام عليكم ورحمة الله وبركاته
وكل عام وانتم بخير والله يجعلها سنة خير علينا جميعا والامة الاسلاميه
نبدء بمشكله والله يجعلها اخر مشكله في هذي السنه
اعجبني تفاعل الاخوات في موضوعي واتشجعت اقول لكم مشكلة صديقتي
وهي حصلت بينها وبين زوجها مشكله والمشكله الكبرى هيا في اول شهور الحمل ووحمها متعب بعض الشي بالنسبه لنفسيتها وزوجها ما يقدر وضعها وهو ثاني حمل لها حصل موقف بينهم
وقبل كل شيء الاحترااااام المتبادل بين الزوجين ضروري جدا لحياه زوجيه سعيده
تقول(كان في موقف الله العالم من الغلطان بس الظاهر لانها تتوحم كبر الموضوع شوي في راسها وكانت تاخذ وتعطي في الكلام لحد ما تنرفز زوجها وقالها.......
الله يلعنك؟؟؟)
اتصلت تبكي وتصيح ومقهوره وعيب صراحه كلمته( زوجتك وام ولدك تقولها كذا صعبه مررره)
انا ما قلت لها كذا وجلست اهديها وهيا مره متضايقه وقالت لي الموضوع بس ماله حق
تقول زاعلته وما كلمته ولا عبرته نهائي لمدة يومين لحد اليوم
واتصلت عليه الفجر جالسه تقولي هو مستلم اليوم وارسل لي رساله يقول كل سنه وانت طيبه وخلينا نبدى صفحه جديده وننسى اللي فات
هي قالت مراح اسامحه عشان يتوب وانا قولها اعطيه فرصه وابغاكم تردوا عشان اقنعها وبامانه كل وحده تحط نفسها مكانها وترد عليه انتظركم يالغاليات والله يجزيكم الف خير مقدما

36 تعليق 3,611 مشاهدة

شاركي في النقاش

سجلي الدخول لإضافة تعليق.

التعليقات

36
  1. @adym_7

    كلامك صح .. حرام تهدم بيتها وعيالها على كلمة في لحظة غضب
    منشان هيك انصح كل وحدة تشوف زوجها ثاير غضب
    تسكت عنه لين ما يهدىء ولا راح تصير علوم ..

    ترجع له وتخبرهـ انه ما يكررها مرة ثانية ..
  2. @mot_alnkhyl

    مامه اعتذر فلا تكبرها زياده

    لانه بيعتبرها اهانه ولما يصير شي فيما بعد ماراح يفكر يعتذر مره ثانيه

    خلاص كلمه وطلعت لحظه غضب وعرف غلطه واعتذر ليه تهويل الموضوع وتكبيره
  3. طيب هو غلط واعتذر خلاص
    المهم لما يكون هادي تكلمه وتفهمه انه كلمته اثرت فيها ولازم الاحترام بين الزوجين عشان لا يكررها
  4. @am_dnya_oghla

    صاحبة الموضوع
    اديم
    يسلم فمك
    ونورتي الصفحه وراح اقولها كلامك بالضبط

    موت النخيل
    فديت مرورك يا الغلا الله يعطيك العافيه راح ابلغها
    ويمكن مهوله الموضوع لانها متوحمه ونفسيتها شوي تعبانه

    الله يعطيكم العافيه ع المرور العطر واشكر لكم تفاعلكم

تابعي تجارب أخرى من هذا القسم.