سامحوني قررت انهي حياتي:(

مادري شقول

يمكن يكون عنده ظروف وماقدر يكلمك

لما يكلم استفسري منه وقولي له كل الي بخاطرك

ترى دائما احنا الحريم لو مايرد او شي على طول نشك

بس ان شاءالله شكوك كله تكون غلط


طمنينا عليك

اقفلي موبايلك واختفي لفتره يعني اسبوعين تقريبا وحطي بلوك عليه في msn عشان مايلاقيك وااذا اتصل عالبيت وعندي احساس انه مو متصل خليهم يصرفونه خليه يحس بحرقه القلب اللي حسيتيه يا اختي هذا مو مقدرك وصدقيني الرجال ماينفع معهم الا العين الحمرا وانا عارفه ان في البدايه ماراح تستحملي ماتكلمينه بس بعدين عادي شوفي زي ماقلتلك اختفي وبعد اسبوعين ارجعي افتحي جوالك وشوفي النتايج واياني واياك تتصلين عليه لين هو يتصل خلاص الى متى!!!! صدقيني هالطريقه انا مجربتها مع المسكين خطيبي بغا ينهار لين لقاني واول يسوي فيني زي خطيبك بس بعد هالحركه تأدب..... حبيبه قلبي ترى انتي شخصيتك مره قريبه من شخصيتي ووالله قاعده احس بشعورك زين مره.......

اول شي اشكر كل اللي ردو علي و اعذروني ابي الم الموضوع عشام لا يصير ردود وايد و تتلخبط السالفه .. بعد ما اقرا كل الردود راح ارد عليكم برد واحد عشان لا اضيعكم في الموضوع و اعور راسكم كفايه انكم عطيتوني اهتمام وانا الله يعلم بحالتي :(

بالنسبه للبنات اللي قالولي انفصلي والله انه هذا اللي افكر فيه بسبب القهر اللي فيني .. و اللي يقهر اكثر انه الخطوه صعبه و جريئه ..

وبالنسبه للبنات اللي قالولي طنشيه و لا تردين عليه .. والله اني كنت ملتزمه بكل اللي قلتوه لما كان مسافر لدرجة انه اهوه قام يقعد في الشقه و ما يطلع عشان يلاقي وقت انه يكلمني .. هذا من بعد ما كان مايدري عني والسبب السفر .. كنت مستانسه واحس بانتصار لانه فعلا غيرت نفسي و كنت ناويه احط موضوع اشجع فيه البنات انه يغيرون من نفسهم اول قبل لا يشتكون من ازواجهم لانه الانسان لو غير نفسه راح يقدر يغير اللي حواليه .. وهالشي فعلا انا سويته و غيرت نفسي وايد و حاولت ارد الثقه و حطيت في بالي انه اللي يبيني يعرف شلون يوصلي وانا راح اجذبه عن طريق اطباعي اللي حببته فيني .. و كللللللللللللل شي سويته و مشى صح 100% ليما رجع و اهوه بيموت عشان يشوفني بس طلعت عذر الامتحانات و قلت لا ماقدر وماكلمته الا شويه بس تطمنت و سويتله حركه حلوه بعثتله ورد للبيت مع كرت و حطوه في غرفته اول مادش تفاجأ (السبب من هالحركه انه انا مابي اسوي حرب ابي استخدم حيل حلوه من اللي يسونها بنات المنتدى و اكسببببببببببببببه و زياده على هالاشياء التغلي و انه ما اخليه يشبع من الشوق و ما اكلمه وايد و ابعد عنه شويه بأعذار ) والله هذا اللي صار يا بنات مع اني كنت ميته من الشوق وكنت اقدر اكلمه و حتى اشوفه بس انا تعمدت اطبق اللي قالوه البنات ..

وامس لما قالي دقي قوميني لو رديتي .. كان بالنسبه لي عادي و مافكرت ارفض لانه كنت اقدر اقومه .. بس اهوه طنشني و قلتلكم اللي صار لي اليوم الصبح اللي كتبت الموضوع ..

بعدها طلعت مع ماما و رحت السوق و الحماس راح وكل شي راح وبالغصب اختار ملابس واشياء ..

و طول الوقت و انا ادق على خط الغرفه و مشغول .. و الموبايل مغلق ..
بعدها سكر خط غرفته يمكن على الساعه 11 و انفتح الموبايل ..

سويت نفسي عاديه و دزيتله مسج قلتله شفيك خوفتني عليك .. هالاسلوب استخدمه لو كنت ابي اعرف اعذاره و بعدها اتكلم و افسر اللي في بالي عن طريق كلامه ..
قالي انه ابوه تعب من الجو بسبب الحساسيه اللي فيه و ودوه الطبيب .. طبعا ما صدقت هالشي ..

و مارديت على المسج ...
وصلت البيت دقيت عليه و نطرته يفسرلي السالفه كلها طبعا مافي سالفه بالاساس و امبين انه الكلام تأليف .. جان اقوله بس حرام عليك ليش الجذب و السوالف اللي مالها داعي ..

جان يعترف يقول انا كنت شابك و ماكنت بتكلم بالتلفون .. و الصراحه اهلج مطولين السالفه و اهيا قصيره .. يعني ليش مايبون نتزوج الحين و ابوج يطلع عذر دراستج ..

قلتله افهم من كلامك انه انا صايره نفس الوسيله اللي تستفز فيها اهلي عشان يزوجونا يعني تلعب في نفسيتي عشان اهلي يشوفوني تعبانه و ادخل المستشفى مثل ماصارلي ودخلت ذاك اليوم .. يقولي انا ماسويتلج شي ..
تخيلو بعد كل هذا يقولي انا ما سويتلج شي .. و فكري بسالفة زواجنا على الاقل قبل لا تسافرين نتزوج و سافري ..

قلتله اسفه ما اقدر افكر في شي الحين و انا مو مرتاحه حق فكرة الزواج حاليا والسبب انــــــــــــــــــــــــــــــــــــــــــــــــــــت
و ماراح افسرلك المعنى و كل واحد عارف نفسه شنو مسوي .. وبعدين سالفت الزواج تكلمنا فيها وايد و خلاص تناقشو فيها على اي اساس ارد افتحها تبي اقولها يا تزوجوني حقه او راح يأذيني عشان يستفزكم لاني بكل بساطه بنتكم وراح يحترق قلبكم علي؟؟ ولا شنو تبي اقولها ؟؟
خلاص ما اعتقد في حجي اكثر ينقال انا لازم اسكر الخط الحين ..
قالي اوكي فكري بسالفة الزواج اللي قبل السفر وبعدها راح ترتاحين كفايه انه احنى نفسيتنا ارتاحت و ضمنه انه نكون مع بعض على طول وذيك الساعه راح تشوفين كل خير انشالله بدون مايكون في ولا في شي يفرقنا ..
انقههههههههههرررررررررررررررررررتتتتتتتتتتتتتتتتتتت صارلي ساعه اتكلم و اقول اني مو مرتاحه للزواج حاليا بسببك و يرجع يقولي لا تنسين الموضوع .. ولا جني كنت اكلمه ..
جان اعصب و اقوله لو في شي بفرقنا راح يكون عمايلك معاي لا ماما ولا بابا راح يوقفون بويه سعادتي لو شافو انه وجودي معاك هو اللي راح يسعدني ..
فقالي يعني انتي ماتبيني ولا شنو تقصدين من انج مو مرتاحه من الزواج.. وانا اهني كنت قاعده ابجي بس ماكنت ابي احسسه بهالشي فسكت عشان صوتي لا يبين اني قاعده ابجي..
جان يقول يالللللللللللللللللللله تكلمي ليش مومرتاحه ولللي بينه شنو تسمينه ؟؟؟؟؟ يعني ما تبيني ولا شنو .. خلاص ماتحبيني (صار يتكلم و يرد على نفسه و انا مو قادره اتكلم عشان لا يبين اني ابجي لانه ابي موقفي يكون قوي لي اخر شي ) بعد ما تكلم و رد على نفسه جان يقولي خلاص فهمت من سكوتج انج ماتبيني و حسيت انه خانقته العبره ..

قلت اخليه بحيرته .. جان اقوله يالله اخليك بروح بيت خالي متيمعين البنات اليوم و يبوني ..

اتوقع انصدم من ردي .. قالي يعني ماتبيني ؟؟
قلتله تبي شي؟؟؟؟؟؟ انا تأخرت عليهم .. (رديتله الحركه نفس ما سوالي لما تكلمت و ما اهتم في كلامي وبعدين قالي فكري في الموضوع)

ما رد علي تم سااااااااااااااااااكت .. جان اقوله شكلك مالك نفس حتى ترد علي اوكي اريحك مني احسن ..
وسكرت الخط ..

بعدها بشويه بعثلي مسج " عقبك عساها الدنيا ماتكون وش حلاها غير شوفك ياغرام..يشهد الله مسكنك وسط العيون وانك اول من صحى فيها و نام.. لوتبي من عمري ايامه تمون .. فدوتك عمري ولا فيها كلام"

و انا ما رديت عليه ..
و بعدها مسج ثاني .. يقولي" والله وراس امي انه بسكر الجهاز عشان بحطه عالشحن ومابي عيال اخوي يلعبون في لانه بقعد في الصاله .."

طبعا مارديت حتى على هذا المسج .. و بس هذا اللي صارلي ..

قلتلكم عشان اللي قالولي يبون يساعدوني خطوه بخطوه (الله يعطيهم الف عافيه يارب ولا يوريهم حتى ثانيه وحده من الللي يصيرلي)..
و اسفه طولت عليكم

حاولي تطنشينه وبيجي يركض بس انتي لازقه فيه ابعدي عنه شوي واثقلي حبتين..قللي المكالمات حاولوا تأجلون الزواج لاتشوفيه ولايشوفك لحد يوم الزواج اذا حسيتي انه بعد ما انقطعتي عنه ما تغير توكلي على الله وابعدي عنه انتي توك صغيره وقدامك حياة مايصير تعيشينها مع واحد مايقدرك,,,

اذا انتي شايفه انك ماتقدرين تستغنين عنه تحملي عاد وحاولي تغيرينه يمكن ربي يخديه

موفقه وخبرينا عنك

لا تتسرعين في قرارك ... شوفي ياقلبي ......
جربتي الدعاء والألحاح أخر الليل والأستخاره ؟ لأن الله هو أعلم مني ومنك ومن جميع عباده باللي فيه الخير لك وراح يدلك عليه إذا لجئتي له.....
وبعدين إذا كان زوجك راعي مكالمات و خرابيط ليش متعلقه فيه ومكدره خاطرك ومتعبه نفسيتك بالعكس حبيبتي غيري الأمور لصالحك وأحمدي ربك أنه تبين لك الأمر قبل الزواج ...وأنتي توك صغيره العمر قدامك والفرص لك كثيره وإنشالله ربي بيعوضك اللي فيه الخير لك ....الله يكون بعونك ياقلبي ...
و بشرينا بقرارك ...