شاركي في النقاش

سجلي الدخول لإضافة تعليق.

التعليقات

434
  1. صاحبة الموضوع
    clever_144
    السلام عليكم ورحمه الله وبركاته نبدأ المحاضرة الثالثة >>>استخدام امكانيات البرنامج من ازرار وادوات لتصميم المشروع طيب هنبدا نصمم صفحة صفحة مع بعض ونبدا بالصفحة الرئيسية من الرسم الكروكي كنت قلت انها هتحتوي علي فلاشة وتحتيها زرار يدخل…
    ورجعنا تاني مع بعض

    ونبدا علي طول في تصميم صفحة الفيديوهات

    زي ما رسمتي وتخيلتي من الكروكي

    انا عايزه جزء من الصفحة يكون هو شاشة عرض للفيديوهات

    وزراير في الجنب باسم كل فيديو بحيث تدوس علي الفيديو يشتغل في الجزء

    المخصص لعرضه

    تمام

    نبدا مع بعض



    رقم 1 هنختار اضافة صورة

    رقم 2 نختار الشريط البني ده

    وبعدين اوكي

    هيظهرلنا كده




    طبعا يلاحظ ان في 4 زراير خضر علي الشمال انا عاملتهم علي سبيل المثال

    دول اللي هيشغلوا الفيديوهات

    بمعني انك تدوس عليهم يشتغل فيديو معين

    تمام


    وبعدين هنعمل زي الصورة دي



    رقم 1 دوس علي

    new label object

    رقم 2 هيظهرلك المربع ده

    رقم 3 اعمل عليه كليك يمين واختار

    properties

    هتظهرلك النافذة دي




    رقم 1 دي القوائم المعتادة بتاعتنا لاي اداة من ادوات البرنامج

    سواء زرار او فلاشة

    رقم 2 هنختار الكلمة او الجملة اللي هنكتبها في المستطيل مع تظبيط الخط طبعا من

    المستطيل اللي اسمه فونت

    رقم 3 ده محاذاة الكلام جوه المستطيل

    اما يمين او شمال او في النص

    رقم 4 هتختار برده زي الزرار كده

    لون الكتابة في العادي ولما اقف بالماوس ولما اضغط بالماوس عليه

    وماتنسيش تدوسي اوكي

    هيظهرلك الشكل ده



    طبعا هنفضل نحرك في الكلمة لحد لما تبقي في منتصف المستطيل البني

    طبعا ممكن تسميها اي حاجة او حتي ماتسميهاش

    براحتك


    فاضل بقة شاشة العرض

    هنعمل الاتي

    زي الصورة دي





    رقم 1 دوسي اضافة صورة

    رقم 2 اختاري شاشة العرض دي او اي واحدة تعجبك

    ودوسي اوكي

    هتلاقي الشكل بقة كده



    طبعا هتفضل تظبطي شاشة العرض بحيث تكون قد المستطيل البني

    انا مش بادخل في التفاصيل دي لانها بديهية

    ولانها علي حسب ذوقك

    واعذروني لو انا باختار اي حاجة ومافيش تناسق في الالوان اوي

    ده بس علشان نلحق نخلص المحاضره


    طبعا ناقص زراير الback

    بس هنا في حاجة لو انتي مكان المستخدم هتحبي ترجعي اما للصفحة الرئيسية او

    للصفحة اللي فيها المحتوي

    يبقي محتاجين زرارين

    ولا يهمك

    اتفضلي



    طبعا يراعي ان كل الزراير اللي ترجع للصفحة الرئيسية تكون نفس اللون

    وفي نفس المكان في كل الصفح

    ونفس الحجم

    ودي سهلة

    لانك بتظبطي زرار واحد وتديله الاكشن بتاعه وبعدين تاخده كوبي وبيست في الصفح

    كلها

    تمام كده


    طبعا ماحدش يسال ويقول

    طب فين الفيديوهات وهاتشتغل ازاي

    لان دي محاضرة لوحدها


    الحمد لله خلصنا صفحة الفيديوهات

    **************

    دلوقتي موعد صفحة الصوتيات

    طبعا عندنا كذا ملف صوتي

    مثلا هنخليه واحد بس

    يبقي عايزين زرار واحد لما ادوس عليه يشتغل الصوت

    ولا يهمك اتفضلي



    طبعا زي مانتي ملاحظه زراير الباك محطوطة في نفس المكان ونفس اللون ونفس الحجم

    اصلي واخدهم كوبي وبيست من الصفحة اللي فاتت

    يعني عمال انا اعيد في الكلام

    علشان بس اوضحلكم قد ايه الموضوع سهل اوي


    وطبعا ماحدش يسال عن الصوتيات

    لانها محاضرة لوحدها

    الحمد لله خلصنا صفحة الصوت

    ************

    كده فاضل 3 صفح

    يا مهون

    اخر بوست ان شاء الله البوست القادم



    تااااااااااااااااااااابعي





  2. @allogstyh

    مشكوووووره ابلى كليفر
    الدرس واضح جدا بس ماني عارفه ليش
    لما أطبعه من على السطح تنطبع خلفية سطح المكتب معاه
    زي الصوره دي ( الصوره مو راضيه تتحمل يقول مركز التحميل الصوره معطوبه)
    حاولت كثير أتخلص منها ما قدرت
    يا ليت اذا كنت تعرفين ايش السبب توضحي لي
    وأكون ممتنه كثير
    مع العلم ان البرنامج ماشي معاي تمام
  3. صاحبة الموضوع
    clever_144
    ورجعنا تاني مع بعض ونبدا علي طول في تصميم صفحة الفيديوهات زي ما رسمتي وتخيلتي من الكروكي انا عايزه جزء من الصفحة يكون هو شاشة عرض للفيديوهات وزراير في الجنب باسم كل فيديو بحيث تدوس علي الفيديو يشتغل في الجزء المخصص لعرضه تمام نبدا …
    ورجعنا تالت

    وكلاكيت تالت مرة

    تصميم الصفح

    وفاضل 3 صفح بس وسهلين ان شاء ربي


    نصمم بقة صفحة الصور

    طبعا ممكن نعملها كذا شكل

    ممكن نعملها شاشة عرض وزراير كل صورة علي زرار

    زي نظام الفيديو كده

    او ممكن نستخدم خاصية جديدة في النسخة الجديدة من الاوتوبلاي

    الا وهي

    Slide Show

    نشوف كده مع بعض



    رقم 1 نختار ادراج

    Slide Show

    هيظهر عند رقم 2 كده

    كليك يمين عليه وبعدين

    properties

    اظن حفظنا بقة

    هتظهر الشاشة دي




    رقم 1 القوائم بتاعتنا المعتادة

    بتهيالي حفظنا

    رقم 2 دي الصور اللي هنحطها تتعرض

    رقم 3 هتلاقي زراير من الشمال لليمين

    Add ده لاضافة صورة

    Add folder ده لاضافة فولدر صور كامل

    وبعديهم زرارين كده لترتيب الصور مين يتعرض قبل مين


    رقم 4 ده لو عايزه تختاري خلفية للبلاير اللي هيعرض الصور

    مش مهمة اوي دي

    رقم 5 لو عايزه تعملي اطار للمربع اللي هيتعرض فيه الصور

    رقم 6 ده مدة عرض الصورة

    اظبطيها براحتك

    رقم 7 دي شوية اوبشنز بتدي شكل جمالي اثناء العرض

    resize mode لو الصور مش قد بعض هتختاري هل المشغل او مساحة العرض تكبر معاهم ولا لا

    loop ده لو علمت عليه هيعيد عرض الصور من الاول بعد ماتخلص

    shuffle ده هيعرضلك الصور عشوائي مش بنفس الترتيب اللي انتي حاطاه

    transitions دي فواصل حلوة بين الصور

    no enlarge ده لو علمت عليه مايكبرش مكان عرض الصور معناه انك مش عايزه

    تكبير


    دوسي اوكي يلا

    هتلاقي الشكل النهائي



    وزراير الباك سبحان الله

    في نفس المكان ونفس الشكل


    في حتة كده عايهز اقولها ورزقي علي الله

    حتة سلايد شو دي حلوة لو عدد الصور قليل

    لكن لو كتير هتبقي رخمة

    لان لو المستخدم حب يثبت علي صورة معينة او يرجع يشوف صورة معينة تاني

    يبقي لازم يرجع تاااااااني يستني لما اللفة تخلص


    طب دي نحلها ازاي

    اما انك تعملي صفحة الصور زي الفيديو كده او بنسميها photo Gallery





    في حل تاني لو انت مستعجله

    حطيهم علي ملف باور بوينت

    وحطي زرار واحد يشغلك الملف ده

    ايه رايك

    حل سريع

    بس مش حلو اوي

    كده خلصنا صفحة الصور

    الحمد لله

    لو عايزين نخصص صفحه للبرامج مع الموضوع


    صفحة البرامج بقة

    سهلة كل برنامج علي زرار

    زي كده



    وزراير الباك هما هما


    في ملحوظتين بس بالنسبة للبرامج

    لو برنامج كبير زي الفوتوشوب

    اكيد هتاخدي وتحطيه علي السي دي رووووت

    الملحوظة الاولي انت محتاجه زرار يسطب وزرار يفتحلك السيريال

    الملحوظة التانية

    هتعمل في صفحة البرامج زرار اسمه فوتوشوب

    لما ندوس عليه يفتح صفحة تانية

    فيها زرارين

    واحد للتسطيب وواحد لفتح ملف السيريال


    مع مراعاة زيادة زرار باك

    يرجعك لصفحة البرامج تاني

    حد فهم حاجة

    ؟؟؟؟؟؟؟

    الحتت دي بتفتح الدماغ اوي


    او بتكرهها في البرنامج اوي

    :p

    خلصت صفحة البرامج

    ************

    اخر صفحة هي صفحة الكتابة

    وعندنا 3 وسائل للكتابة كنا وضحناهم قبل كده في اول محاضرة وهم

    label

    paragraph

    rich text

    وطريقة استخدامهم سهلة

    زي بعض

    دوس علي زرار ادراج بتاعهم هينزلوا في الصفحة علي طول

    زي كده

    label



    paragraph



    rich text




    اخر اداة هاقولها بالمرة هي

    hot spot

    وكنا قلنا لو عايزين نخلي جزء من الصفحة يعمل اكشن معين

    وبنعمله ادراج برده زي الصورة دي




    طبعا ماحدش يقولي استخدم النصوص الكتابية ازاي

    لان دي محاضرة لوحدها

    ياااااااااااه

    كده خلصنا تصميم الصور

    تااااااااااااااااااااابعي


  4. صاحبة الموضوع
    clever_144
    ورجعنا تالت وكلاكيت تالت مرة تصميم الصفح وفاضل 3 صفح بس وسهلين ان شاء ربي نصمم بقة صفحة الصور طبعا ممكن نعملها كذا شكل ممكن نعملها شاشة عرض وزراير كل صورة علي زرار زي نظام الفيديو كده او ممكن نستخدم خاصية جديدة في النسخة الجديدة م…

    عايزين نشوف شكلهم هيبقي ازاي علي السي دي

    عايزين نعملهم عرض يعني

    بسيطة

    كليك يمين فوق علي اي صفحة واختار منها

    preview

    زي ماقلنا المرة اللي فاتت

    ونجرب كده نعرض الصفحة الرئيسية


    هنلاحظ هنا ان في عيب قاتل

    لو المستخدم عايز يعمل تصغير للشاشة او حتي يقفلها

    هيعمل ايه

    :):)


    يبقي لازم نضيف زرارين مع كل صفحة واحد للغلق وواحد للتصغير


    هنضيف زرارين




    هنصغرهم

    ونكتب علي واحد

    X

    والتاني نكتب عليه

    -

    للتصغير

    زي الصورة دي كده



    وناخدهم الاثنين كوبي وبيست لكل الصفح

    زي كده




    طيب انا دلوقتي صممت الصفح

    وظبطتها

    عايزه اشغل الزراير بقة علشان نربط الصفح ببعض ونشغل الفيديوهات ونسطب البرامج


    ااااااااااااااه

    كل ده واكتر

    في محاضرة الاوامر

    المرة القادمة في المحاضرة الرابعة ان شاء ربي

    وربنا يسهل والحق اخلصها ان شاء الله

    كل سنة وانتم طيبين

    *************

    ياريت يا حبيباتي تطبقوا الكلام ده

    واي مشكلة او صعوبة اواستفسار

    انا موجوده ونفيد بعض

    عايزه افكار

    وعايزه مشاركات

    وابداعات


    نفسي حد يقولي والله الاحسن كنا عملنا كذا في الصفحة الفلانية

    ماشي




    ربنا يكرمكم

    اراكم علي خير

    سلام عليكم

    :26::26::26:

    انتظروني والمحاضره القادمه يوم الجمعه والسبت

    ولا نتسوا الواجب





  5. صاحبة الموضوع
    clever_144
    عايزين نشوف شكلهم هيبقي ازاي علي السي دي عايزين نعملهم عرض يعني بسيطة كليك يمين فوق علي اي صفحة واختار منها preview زي ماقلنا المرة اللي فاتت ونجرب كده نعرض الصفحة الرئيسية هنلاحظ هنا ان في عيب قاتل لو المستخدم عايز يعمل تصغير للش…

    هلا وغلا فيكي يا اجمل ورد
    درس اليوم نزل حبيبتي بأنتظار مشاركتكم :):)

    :26:


    تسلمي حبيبتي علي ايه ده واجب عليه
    لازم طبعا لما تيجي تعملي برنت اسكرين يظهر سطح المكتب مممكن نسقي الصوره من برنامج pictuer manager وبعدين تحملي الصوره من علي موقع

    imageshack.us
    حملي الصور من هذا الموقع

    ربنا يوفقك يا اختي الحبيبه وبأنتظار تطبيقك

    ولو في مشكله انا حاضره
    :26: