سااااعدوني زوجي راح يروووح مني

هلا وغلا للجميع
أولا هذي مشاركتي الأول ويسعدني أن أكون عضوه في المنتدى

ثانيا أريد مساعدتكم في المشكلة ألي أنا فيه وأرجو ألي عنده أي حل لا تقصر معي

يالغاليات قصتي بدت قبل ثلاث سنوات بعد زواجي مباشرا
أنا لحين متزوجة وعندي طفل عمره سنة وثلاث أشهر،، مشكلتي كنت أسمع دائما عن الخيانة الزوجية والزوجة الثانية وصرت دائما أشك في زوجي طول الوقت وارقب تلفونة كل الإتصالات وكل المسجات أشيك عليهم ،، وأي رقم غريب أسال عنه من هذا؟ وأيش يريد؟
على الرغم أن زوجي يحبني ويموت فيني ومايقدر على زعلي بس صار يضايق مني وأحسة بدأ ما يخبرني عن أي شي يصيرله ( على فكرة زوجي يشتغل بعيد عن البلاد يعني يجي على نهاية الأسبوع وطول عطلة الإسبوع نقضية مع بعض يعني مايطلع من البيت إلا أنا وولده معه) قبل كان كتاب مفتوح قدامي كل شي أعرفه عنه بس لحين تغير

يابنات والله تعبت أحس راسي راح ينفجر إذا استمريت على هذا الوضع وحياتي راح تضيع ،، وأيش اسوي تكفوووون ساعدوني ،،، ألي عنده حل أو نصيحة لا تبخل علي


أنتظر ردودكم

21 تعليق 1,972 مشاهدة

شاركي في النقاش

سجلي الدخول لإضافة تعليق.

التعليقات

20
  1. @bnt_aboha_82

    انتي الي جبتيها لنفسك ضايقتيه..
    الله يهديك اختي خلك عندك ثقه فيه..
    مشكلة اذا مافيه ثقة وانتي لاتقصرين معاه بشي واذا بيسوي شي ذنبه على جنبه صراحة كبير ويعرف مصلحة نفسه وربه بيحاسبه..
    عن نفسي ماحب انبش وراه لاني مابي القى شي يكدر خاطري ولا ابيه ينفر مني ويحسب حساب لكل كلمة او تصرف يسويه
    خليه على راحته..
    ولاتحسبين كل شي نقراه بينطبق علينا مو شرط تفااااااااااااائلي..بس انتبهي بنفس الوقت الزمن يخووف
  2. ياختي حاولي تغيرين من نفسك صدقيني بتضيعين زوووجك لاستمريتي بهالتفكير اهم شي الثقه بين الاثنين وخوذيها مني نصيحه اللي مايرده خوفه من ربه مو راده خوووفه منك ريحي بالك بس واهتمي بزوجك ولاتقصرين معه وان شالله ماتشوفين الا اللي يرضيك ....
  3. طيب ياقلبي ماصار الا الخير

    من هاللحظه غيري في كثير من تصرفاتك مع زوجك وان شاء الله ترجع المياه لمجاريها ولاتضيقين صدرك
  4. صاحبة الموضوع
    والله ياأخواتي أحبه وأموت فيه وماأريده يضايق مني

    وبأمانة ماأمدح نفسي بس تراني مريحتنه في كل شي سواء أمور الحياة اليومية أو من الناحية الجنسية
    بس هذي النقطة الوحيدة ألي دائما تنكد علينا حياتنا:(:(

    عشان كذا أريد الطريقة والحل ألي ينهي هذي الأمور واقدر ارجع ثقة زوجي فيني

تابعي تجارب أخرى من هذا القسم.