الي تحس انها ملكة جمال عندي لها سؤال

الجمال يعطي ثقة والمثل يقول الشين شين لو لبس كل الالباس والزين زين لو قام من منامه

^^^^^

ماشاء الله مالقيتي الا حوا .. كل بناته حلوات
اصبري بيجيك الخير الحين !!

اهم شي الاخلاق وحب الوطن

من مشاهداتي فعلا الجميله تضحك لها الدنيا
وخصوصا لو جميله جمال خارق واكثر من وحده شفتها كذا زوجها يطير فيها وكل الابواب مفتوحه لها حتى اتذكر اختي مره راحت مع ملكة جمال مشوار يخلصون اوراق تقول الموظفات يوم شافوها تبسمو وبدو يخدمونها ويسألونها هي منين واذا متزوجه اولا رغم انهم قشر مايخلصون الشغله

وفي مقوله قديمه لفيلسوف تقول
الجمال وعد السعاده

صح مو دائما بس موجوده
والصراحه انا زهقت من بنات المنتدى ماعندهم غير الشينه حظها فوق والجميله مطلقه وزوجها مايحبها
انا اشوف العكس حتى اذكر واحد تزوج على زوجته وفشلها عند الناس لانها مو حلوه << ماعندهم شوفه شرعيه عيب

اكبر دليل شوفي الجميلات والفنانات وملكات الجمال ماتتزوج الا اكبر رجال الاعمال وامراء وشيوخ وبعدين تعتزل يعني جمالها غفر لها كل ماعملت عنده
واسالي اي رجل في الكون لو هو شايب والا مستواه متدني والا قبيح الشكل بيقول ابي وحده جميله جدا

والاناقه والاهتمام تلعب دور كبير مره للي جمالها متواضع
والثقه بعد رغم اننا احيانا نزهق من ثقة الشينات كل شوي جايتنا انا اشبه اشواريا راي والا انا اشبه باسكال :09:
اما ذوات الجمال الخارق لو تلبس بجامه وتوها صاحيه من النوم حلوه
وكل اللي شفتهم ازواجهم طايرين فيهم
وامي لما تشوفهم تقول راكبه على راس الرجال بجمالها :30:

اهلين حبيبتي
فهمت عليك زين

لكن ودي تتقبلين رايي
شوفي
اولا
اهم شيء الخوف من الله و الاخلاق
هي اللي تحليك في نظر الناس
احيانا تكون الوحده شينه لكن اخلاقها و خفة دمها تخليك ودك تاكلينها

ثانيا
الزين و الشين مقياس نسبي بين الناس
اكيد فيه اشين منك و فيه احلي منك
و فيه احلي مني و فيه اشين مني
انا احيانا تعجبني وحده اقول ما شاء الله جميله ترد علي وحده ثانيه تقول و الله مو مره عاديه ؟؟ انتي ما شفتي فلانه تهبل !

و بعدين
اللبس ماله علاقه بجمال الوجه
اللبس له علاقه بشيين
هيئة الجسم
يعني ممكن وحده جسمها مرسوم لكن على هيئة صغيره ما راح يكون حلو عليها
و القدره على اخيار المناسب له
يعني عندها مثلا عيب في جسمها او لون بشرتها لأبد تختار اللي يناسب
و بعد ما تراعي هذا و ذلك نشوف اللي يتناسب مع الموضه << هذا اللي انا اسويه
و سبحان الله في ناس لبيسه من جد
لو يلبسون خيشه طلعت حلوه عليهم هذي هبه من رب العالمين

اخيرا و ايضا شيء مهم
ان الأنسان لما يكون مرتاح نفسيا في حياته يطلع يهبل
و لما تكون عنده ضغوط صعبه نفسيه تلاقين الهم و النكد مغطي على شكله و جماله
و الرضي و الراحه تخلي الواحد اصغر من شكله بواجد

عموما حبيبتي لا تتضايقين
انا متاكده انك منتي شينه لكن يمكن اللي حولك من كثر ما يرددون عليك هالكلام اوهموك به
ثقي في نفسك و اعطيها حقها من الأهتمام
فيه مقوله حلوه سمعتها
لا يوجد حواء قبيحه و لكنها لم تستطيع ان تبرز اجمل ما فيها

الله يجملك في عينك و عين اللي حواليك
و يجعل ايامك سعاده و رضى
اختك القمر_1