آآآآآآه خايفه على زوجي من جارتي..!!!!!

والله ماادري شلون اكتب الموضوع ولاادري وش اقول..
بس جد شي لايطاق ولاينسكت عليه..
اللي انا فيه ماينقال لأهلي بصراحه ولا لأهل زوجي..قلت مافي غيركم..

الموضوع ومافيه ان زوجي اليوم اعترف بشي ومن بعدها ماعرفت انااااااااام :icon33: :icon33:
زوجي قال يافلانه ترا والله انا متضايق من شي وودي اقوله بصراحه
لأني استشرت واحد من زملائي الثقه وهو قال لازم ضروري تقول لزوجتك
سلمكم الله انا ساكنه مع زوجي وامه في فيلا
قدامنا وللأسف انه بابنا قدام بابهم يعني مافي مجال نهرب منهم
ساكن جارنا مع زوجته وابن صغير اعتقد عمره اقل من سنه
انا والله مالي اختلاط فيها ولااعرفها لكن اسمع فيها ومره برمضان ارسلت لنا
طبق على الفطور وانا ارسلت لها مره وبس هاذي كل علاقتنا لااعرفها ولااعرف
شكلها ولااعرف اخلاقها
زوجها (( الله يهديه او ياخذه استغفر الله)) يسافر كثييييييييييير
يغيب شهر وشهرين يقول بزنس وشغل ويترك زوجته لحالها في البيت
والله يابنات اني الى الان ماني مصدقه الكلام اللي قاله لي زوجي
يقول زوجي انه كل يوم لما يجي يروح للدوام يحلف انها ((جارتنا)) تنتظره عند الباب
يقول تلبس لبس فاضح ياناس امرأه مسلمه متزوجه....كيف تسوي كذا!!!
والله يقول مره توقف وتلبس خفيف ومره ترش نفسها مويه وتنتظره وعلى هالحال
تلبس لبس وتسوي حركات وربي مااقدر اقولها شي ماينقال
كل يوم الصباح لما يروح الدوام ولما يرجع العصر من الدوام يلقاها عند الباب
قلت له انت كيف تسكت لها؟؟
قال تبيني اتهاوش معاها..؟؟
قلت له ليش هي مصممه ومثابره كل يوم تنتظرك كذا..؟؟ هي تظن انك راضي
ياناس حسبي الله ونعم الوكيل فيها قسم بالله احس الدم يغلي بعروقي..
حتى مره انا وخالتي ( ام زوجي) رحنا نزور واحده وكان زوجي والشغالات في البيت
يقول زوجي انا كنت لابس وخارج ولقيت الشغاله فاتحه الباب وتتكلم
يقول انا حسبتها تكلم سواق ولا عامل البلديه يقول جيت ابغى اهاوشها
يقول تخيلي لقيت جارتنا المصونه واقفه لابسه عبايه وحاطه الشيله فوق راسها بس
كذا بدون ماتلفها ومضبطه الشعرومكياج سهره وعطر قوي يخنق
((من متى تزوني ولاتسأل عني ؟؟؟ انا مااعرفها عشان تجي من غير موعد..!!))
يقول اول ماشافتني قالت وين الاهل؟ قال والله طلعوا مو موجودين
يقول قعدت تماطل بالكلام وتاخذ وتعطي ماتبي تروح
تقول يعني وين راحوا؟؟ بيطولون؟؟ يعني البيت فاضي مافي احد؟؟
حسبي الله ونعم الوكيل ياناس وش اسوي وش اتصرف..
المشكله باب بيتنا وباب بيتهم مااقدر اشوفهم من غرفتي لازم اروح غرفة خالتي
وانا ماابيها تدري والله لوتدري ان تروح تذبحها..
ياناس حسبي الله ونعم الوكيل في زوجها كيف يترك زوجته بالشهور استغفر الله
قولوا لي وش الحل..؟
اكلمها ولا نكلم زوجها..؟؟ ولا اقنع زوجي يسمعها كلام عشان تعقل وتتوب..؟؟
تكفون ردوا علي لو بدعوه ترا ضغطي مرتفع..واحس اني مولعه نار منها :icon33: :icon33: :icon33: :icon33:

118 تعليق 45,804 مشاهدة

شاركي في النقاش

سجلي الدخول لإضافة تعليق.

التعليقات

111
  1. الصراحة شي يرقع الضغط...
    وانا من رايي دام ان زوجج قالج هالشي يعني هو ماينخاف عليه ونصيحتي انه يسوي نفسه مب شايفها كلشششششششششششش كانها طوفة...وجذي بتعرف انه ماله هالسوالف وبتمل صدقيني واذا تمادت خليه يسمعها كلام تستاهله ويمسح فيها الارض...
  2. الله يفرج عنك إن شاء الله
    لو زوجك يهزءها ويخوفها بالله لعلها تعقل وتتوب أو إنك تطلعين معه إذا جا يطلع عشان أنتِ بعد تخوفينها بالله وتلجين عليها لأنك راح تكونين بحرتك عشان تفشل وتستحي على دمها والا هدديها بزوجها الله يهديها ويستر عليها
  3. @hoaaa_alkon

    لاحول ولاقوة الا بالله

    قولي لزوجج يلبس نظاره ويطلع كل يوم كأنه مايشوفها

    حسبي الله عليها والله يفكم من شرها اللهم آميييييين

    لو صار منها تصرف مباشر يعني اكثر من جذي لازم توقفونها عند حدها

    لو توصل تبلغون زوجها عنها ! لو تجاوزت الحد لان اهو الوحيد المسؤول عنها

    واهي اللي جبرتكم تسوون جذي !

    والحمدلله زوجج هاديه الله والله يحفظه لج يارب ويكرهها بعينه يارب

    ويارب يكون عند البنات حل افضل من الحل اللي عندي وربي يصبركم هذا بلاء

    خطير لازم تتصدون له بكل طريقه وكل شكل

    مايصير تغيرون بيتكم ؟؟؟
  4. @nof_alhrby

    الافضل ان زوجك يخاصمها ويهاوشها واذاجاء يطلع طلعي معاه وخليها تشوفك وهاوشيها وان شاءالله تستحي على نفسها وتبعد عنك

تابعي تجارب أخرى من هذا القسم.