سامحوني قررت انهي حياتي:(

مشكوره عالنصايح .. والله يصبر الناس اللي قلتي عن وضعهم و يبرد قلبهم انشالله و لا يبلينا مثل حالهم ..

بس اختي مو شرط يكون حالي اردا من غيري عشان اتعب و تتعب نفسيتي ..

والطب يقول ان الامراض اللي بالجسم ممكن تتعالج بالتجبير و الادويه و العمليات و حتى البتر ..
لكن التعب النفسي اهوه الطامه الكبرى و اهوه اللي يفتح مجال للأمراض الجسميه يعني لا من نفسيه مرتاحه ولا من جسم سليم والحمدالله على كل حال..

فشلون مستهينه بالتعب النفسي و انتي سميتيه حرب نفسيه ..
الحرب شي هين؟ انتي استعنتي بالحرب عشان تشبهين انسان نفسيته تعبانه و هذا يدل انج عارفه اذا نفسية الانسان تعبت موزين عليه لانه راح يبدي يمرض واهوه مو حاس ..

عموما مشكوره على نصايحج وماقصرتي حبيبتي ..

و مافي شي ينزعل منه بالعكس انتي مو غلطانه :27: ..

وشكرا نبهتيني على غلط سويته انه اشتكيت عن موضوع ماله معنى ..

اعذروني على وقتكم اللي ضاع بسبب شي تافه ..
و اوعدكم ماراح اطلب مساعده في هالمواضيع..
واللي بقلبي راح اخشه بقلبي و احاول اتصرف على نيتي والله انشالله راح يساعدني ..
و ما انكر انه استفدت من نصايحكم .. و ما انكر انه في فتره معينه حسيت اني مو بروحي و انه في احد يسمعلي و يساعدني لانه ما اقدر اشكي لأحد من اهلي و اشغله معاي و ما احب اتكلم عن عيوب خطيبي عند احد يعرفه عشان لا اغير فكرتهم عنه حتى لو كان موزين معاي هالشي بيني و بينه ماله داعي اخلي احد ينقد عليه لو منو كان ..
لهذا السبب حسيت اني بروحي و قمت اكتب في هالمنتدى و اطلب مساعده ..
لكن اخر مره اسوي هالشي ..

و الشكوى لغير الله مذله ..

وسامحوني لو ضايقتكم

في شي بالاسلام يسمونه خطبه ..

واهي فتره الاثنين يتعرفون فيها على بعض و يشوفون لو كانو متوافقين يتكلون على الله و يعقدون قرانهم ويتزوجون و بعد الاهل يحتكون شوي مع الريال و يشوفونه لو زين او لأ..
ولو لأ ينهون القصه و كل واحد يروح بحال سبيله ..

وطبعا في ضوابط اكيد حق هالخطبه وبالرغم من انه اسسها واضحه في التعاليم الاسلاميه لكن في اختلاف بالنسبه للناس و حسب عاداتهم وتقاليدهم وظروفهم..

لكن عقد القران هذا يعني ملجه يعني زواج يعني ما يسمون الريال خطيب لانه في فرق بين الخطيب و بين الزوج ..
الزوج واضحه بعلج يعني حلالج وانتي حلاله ..
لكن الخطيب اهوه اللي يطلب ايدج ويتقدم لأهلج و يخطبج عشان لا يعطي مجال لأنسان ثاني يخطبج لو اهو يبيج و الظروف ماتسمح انكم تتزوجون حاليااااا ..

وهذي الزبده ..

وشاكره مرورج

يا حبيبتي ...كلامي يعبر عن رايي لوحدي... لا تعممينه على باقي الأخوات...انا شايفتهم يمكن فاهمين وضعك أكثر مني....



اسمحيلي و الله ماقصدت اجرحك او اثقل عليكي...يعلم الله القسوة مو طبعي.... لكن و الله ما كان كلامي الا من حرتي لما اشوف اختي في الله تتعب نفسها على سبب بسيط كان ممكن يمر بلا هم و لا كدر.....


صدقيني بيدك تكبري الموضوع و بيدك تصغرينه......و أدري ان النفسيه تلعب لعب بالواحد ...لكن هم اعرف ان الانسان بيده يختااااار(ان الله لا يغير ما بقوم حتى يغيروا ما بأنفسهم)


و يا الحبيبه ....فتحي قلبك لربك تلقين الراحه و العون السريع....

و لج مني انا اللي راح انسحب:) و اخذي راحتك مع اخياتك فتحي لهم قلبج يداوونه:)

عارفه انهم ماقصرو و صج لقيتهم عون لي بأكثر من موقف والله اني موعارفه شلون اشكرهم و اانا ابد ما انكر هالشي ..
بس مابي اثقل على احد .. و يمكن صج انا مكبره الموضوع والله اعلم
وانتي بعد ماقصرتي حبيبتي و صح كلامج افتح قلبي لربي و راح القى الراحه اكيد ..

مشكوره :27:

لكن الخطبة بالإسلام والشوفة فيها يا الغلا ...محددة .....!!!!!!!!

يعني ...تدخل وتسلم يظهر منها شعرها و وجهها وكفيها ......ثم تخرج بعد فترة بسيطة وبوجود أبيها أو أخيها ......



هاذي هي نظرة الخطبة في الإسلام .........وغيرها مخالفة لأمر الله عز وجل ........
.....

ما أدري يا الغالية ........لكن بما أن كل هالمكالمات وهالحب بدون عقد قران .....
..
أعتقد إن هذا اللي حال بينكم !!!......لأنكم إبتعدتم عن ما أمر الله به .....فما كان التوفيق حليفكم !!


..
وتستطيعين البحث والرجوع لفتاوى العلماء ..

..لا حديث ولا غزل ولا حب ولا علاقة ولا شوفة بين رجل وإمرأة إلا بعقد قران ....أو بالنظرة الشرعية في الخطبه .....

....
ومن يتق الله يجعل له مخرجا ويرزقه من حيث لا يحتسب ......
..

أتمنى تراجعين نفسك يا الغلا .ويشهد الله أني ما كتبت هذا إلا لمصلحتك ....

أسأل الله أن يلهمك الصواب وييسر أمورك ..........

هذا ما لدي بإختصار شديد



دوري