فـــــــــــــــن اللطش ومواصفات اللاطش وكيف نردعـــــــــــه
من سرق لنا سرق منا
السرق كثر في هالمنتديات وتجرأوا الحرمية
وقل الحياء يسوي اكثر تلقاهم متبرقعين بهالمعرفات يستخفون من الناس ولا يستخفون من الله
صفات الموضوع الملطوش:
يغيرون شوي في العنوان
ثم يختصرونه شوي
وأحيانا يلطش وينزل مثل ما هو
من علامات اللاطش:
انه يلطش وينزل الملطوش ثم يهف وهي الهفة ما عاد له وجه يرجع ويتابع سرقته يخاف ان الفضيحة عليه تكبر
ان السروق ما له مداخلات فعالة في مواضيع حامية مما يدل على انه مفلس ويرقع افلاسه باللطش
كيف تكتشف الملطوش؟
إذا اشتبهت بالعضو وانه راعي سرق وجاب موضوع محترم قم وخذ عبارة مميزة من صلب الموضوع ثم ابحث عنها في قوقل وتطلع الهوالات!
كيف نعامل العضو السروق؟
نعامله بأمور منها:
أول شي افضحه
ثاني شي قاطع كل مواضيعه
ثالث شي انصحه إن شفت فيه رجا خير
والغالب ان اللي يقوم بسرق المواضيع ما فيه خير لأنه جمع بين ذنوب ثلاثة:
اولها الكذب وثانيها السرق وثالثها وهو أشينها التشبع بما ليس فيه وقد صح عنه صلى الله عليه وسلم:
المتشبع بما لم يعط كلابس ثوبي زور
آلا هل بلغت؟ اللهم فاشهد
اعجبني فنقلته
لكثرت سرقات المواضيع