طريق الامل ( خبرات متبادلة حول مراكز العقم فى مصر ) الجزء الثامن

ولا يحرمنى انا والملف منك يا رموله ... و إنتى معاكى حق فى حاجات بتحصل بدون تفسير ظاهر على الأقل امام العقل البشرى المحدود
و الدكتور عادل قال إنى عندى تكيس بناء على التحليل اللى إعدته فى معمل طيبه اللى بجوار عيادته
بس ده مش معناه إن المختبر كان غلطان ... أنا اللى حصلى لخبطه فجائيه فى الهرمونات و ممكن تقولى إن ده واحد برضه من الظواهر اللى ملهاش تفسير ... وربنا يسهل إن شاء الله وأبدأ العلاج

على فكره إحنا بندعى للشيخ الجليل أبى إسحاق الحوينى ..وزوجى بالذات لأنه بيعشق هذا العالم الجليل

زينب يا رشيقة ..
يالا اتجدعنى دول كلام فاضى والله بالارادة اللى عندك دى ممكن تخلصيهم الشهر ده فعلا .. مش صعب خالص يا حبيبتى .. ربنا يوفقك يارب علشان تدخلى على التنشيط وانتى عاملة اللى عليكى
طماطم ..
ازيك يا حبيبتى عاش من شافك .. احوالك ايه طمنينى على اخبارك .. وحماكى بقى عامل ايه دلوقتى
ميكو ..
مفيش مشكله يا حبيبتى من تاخير الاشعه .. انا عايزة اقوللك ان دكتورتى كتبتهالى بعد الشهر السابع علشان الصورة هتكون اوضح وهتكون اعضاء الجسم كلها اكتملت .. كلمى دكتورك واسأليه ايه الافضل وهل المعلومة دى صح ولا ايه ..
شوشو .. حبيبتى خليكى مع ماما واحنا كلنا مقدرين ظروفك ربنا يعديها ان شاء الله وميكونش فى اى حزن تانى يارب ويبقى ايامكوا كلها فرح

ميكو .. مش عارفه يمكن صحبتك تبان كده من ورا الهدوم لكن بطنها كانت بالعرض أصل الموضوع ده سمعتوا كتير من ناس كبار فى السن ولقيته صحيح .. وربنا يكرمك بطفل سليم وزى القمر سواء بنت أو ولد

أوكسى لازم تصبحى عليا وتقوليلى صباح الفانيليا ... إنتى مصممه تفكرينى بحاجات تفتح النفس و تجوع ..عارفه لو مخستش هتبقى إنتى السبب

زوزو ... إنتى مش محررة زغنتوته ... لأ إنتى محررة كبيرة بعقلك و تناسق وجمال كلامك وروحك وربنا يكرمك بوظيفه تسعدك

أم أنس .. وحشتينا و إحنا كمان بنحبك فى الله يا حبيبتى

إشتقت ... قلوبنا معاكى يا حبيبتى

حبيبة منو ... فى الحقيقة أنا شخصيا معنديش فكره بس إن شاء الله البنات يفيدوكى وربنا يرزقك ويرزقنا جميعا ياااارب

بوبا ... ربنا يكرمك على دعواتك لينا و يجعل كتابتك للقصه اللى كلها عظه وحكم دى فى ميزان حسناتك ويعوضك عن قريب يارب

يا جماعة من فضلكم لو فى حد منكم بيكلم ( الهدى و النور ) يقولها إنى ببعتلها رساله لكن هى قافله الخاصيه دى وياريت تفتحها

حبيبتى حبيبة منو .. وعليكم السلام ورحمه الله وبركاتة ..
يسعدنا سؤالك واستفسارك يا قمر ونتمنى تشرفينا على طول ..
بس انتى سؤالك غريب جدااا يحتاج لتوضح علشان نقدر نرد عليكى .. هل انتى عاملة ربط للأنابيب من قبل وعايزة تعملى دلوقتى عملية الحقن ... ولا انتى هتعملى الربط ده على اساس انك فاهمه انه جزء من العملية او هل الدكتور طلبة ؟؟؟؟؟
انا بقوللك كده لان ربط الانابيب مش بيتعمل قبل الحقن المجهرى ومش من ضمن خطواتة خالص .. ده على حد علمى المتواضع طبعا .. ياريت تقولى لنا بإستفاضة طيب علشان لما نرد عليكى نقوللك كلام يفيدك ..
انا حتى دورت كتير على الانترنت على اى شئ يخص ربط الانابيب قبل العملية مش لاقيت اى حاجه تربطهم ببعض .. ياريت توضحى السؤال اكتر يا قمر
وياريت لو اى واحده من البنات تعرف حاجه عن الموضوع تفيدنا باللى تعرفة