يا جماعه الله يخليكم ابي حل
انا مع العيال وزوجي بالمكتب
ما نقعد سوا واذا قعد معاي ساكت طول الوقت
ولا يقول لي اخبار ولا علوم ولا شئ
يعني ما ادري وش عنده ولا عند اهله ولا شغله ولا شئ
والسواليف كلها مع امه او اخوانه
يعني كل يوم يكلم امه اذا ما طول نص ساعه لا زم تعرف الموجز كامل كامل
وانا زيي زي ال كنبه في البيت
لا يشاور ولا يسال ولا شئ
يعني حتى يوم راح وشرا اثاث البيت وانا بالبيت ما ادري امه تدري قبلي يا عالم هذي عيشه
وش السوات ارجو الرد
وبالفلوس يكب على اهله كب وانا الله يخلف عليّ كل قرش باستقعاد واسئله ووش تبين فيه وووووووو
تصدقون اني قبل كم يوم طالعه السوق بقضي لنفسي و3 من عيالي وما عطاني غير 500 ريال
لملابس شتويه من الى يعني ابي داخليات للاطفال وملابس لي وملابس للبزران
وش تكفي قسمن بالله اني بغيت اجدعها على وجهه بس تحسفت فيها
وش رايكم يا جماعه بهالحاله
لا واليوم وش يقول
الحاريم كلهم موب حليلات الله يعنا يالرجال عليكم
ماكولات مذمومات للاسف
ادعولي تكفون
شاركي في النقاش
سجلي الدخول لإضافة تعليق.
التعليقات
57- حاولي تجلسين معه وتتفاهمون والله يفرج همك ,,
بكون صريحه معك اغلب الرجال من هالنوعيه ,, - الله يفرج لك ويسخر لك زووجك ويسخر لي زوجي ترا الحال من بعضه كأنك تتكلمين عني
يعني هونيها وتهوون ما لك الا الدعااء للواحد الاحد اللي راح يسعدك ويحققلك اللي تبينه - شوفي اختي مو حل انك تسكتين تفاهمي معه ليه يسوي كذ ناقشيه حاولي تفهمين منه ليه مايكلمك ولا يسولف على كذ ماراح توصلين لنتيجه الله يعين ياختي ماحد مرتاح فى ها الدنيا الله يسخره للك ويوفقك
- الله يصلحه يارب
حاولي تكلمينه برواق - تعبت من كثر ما اتكلم والله بس اذا قلت له مثلا عن اهله شئ قال هذي خصوصيات كاني مو زوجته انا كني عدوه لهم اذا انخطب احد فيهم او شئ مستحيل ادري واذا كلم امه يطلع الحوش عشان ما اسمع وهذاك اليوم يعني اللي مره خلاني انرفز يكلم عندي امه ويقول لا ما عليك اقول عندي شغل تخيلوووووووووووووووووووووووووو
يعني تقول له لا تقول لها انك بتجينا او شئ ويقول لا انا بصرفها لا تخافين
عاد ومين توصي كل ما طلع عنده شغل ما ادري متى يفضى طال عمره
وذاك اليوم طالع هو وامه ورجع منرفز ليش يوم دق ابوه قلت انهم طلعو ولا ادري وين
وابوه خانقهم يوم رجعوا وقال الحين مو عيب عليكم تروحون وتطلعون قدام البنت وما تعلمونها وين انتم رايحين
وراجع معصب عليّ ليش اقول ما ادري وابوه يخانق امه ويخانقهم
تخيلو مره ينرفز
طيب صدق انا ما ادري عن شئ وش دخلني
مواضيع مشابهة
تابعي تجارب أخرى من هذا القسم.