شاركي في النقاش

سجلي الدخول لإضافة تعليق.

التعليقات

3,327

  1. @boba_boba

    oxygenatom
    بوبا بصى ... التكاليف الككبيرة دى بسبب ان التحاليل عندهم غالية وانهم الزامى بيعملوا منظار رحمى قبل العملية ... عاوزة رأى .... اعملى العملية فى مركز المدينة فى اسكندرية عند دكتور اشرف ابو على .... ده المركز والدكتور اللى رشحهولى د.عادل ..…
    ربنا مايحرمنى منك يا اوكسى

    بس الموضوع هيبقى صعب عليا قوى فى الاسكندرية
    لانى من سكان القاهرة

    الحاجة التانية بقى ان دى هتبقى اول مرة انزل مصر من سنتين
    وحاسة انى مش هلحق اعمل حاجة لانى عارفة الوضع هيبقى ازاى زيارات ومجاملات
    وخايفة بصراحة ان ده يقصر عليا ومقدرش اتابع كويس مع الدكتور فى مصر

    ومع انى عارفة طبعا ان العملية اهم من ده كله وده مافيهوش نقاش
    بس برضه الاجتماعيات اللى بتتفرض عليكى بتبقى غصب عنك

    يا اما بقى هنزل ومش هعرف حد غير بابا وماما انى نازلة

  3. @boba_boba

    د.وداع
    عيطتني تاني يابوبا مع ان الموقف بتاعك اللي عيطني الاول حصلي امبارح بس كنت بضحك لاني الدكتور صمم ان اعمل تحليل حمل عشان تاخير الدورة لانه متاكد انه شاف تبويض فرحت عملته عشان اريح مامتي اللي صدقت وكانت صعبانة عليا قوي وهي مبسوطة وهي منتظرة ا…
    يانهار ابيض تانى تعيطى بسببى

    يا دودو انتى كنتى مصدومة عشان كده مابكتيش
    هى الصدمة ساعات كده تخليكى اما تنفجرى بالعياط يا اما تنفجرى من الضحك

    وانتى فى حالتك طبيعى تضحكى عارفة ليه

    لان مامتك كانت معاكى وانتى اكيد جواكى مكنتيش عاوزة تضيقيها بدموعك

    بس عارفة لوز كنتى لوحدك او مع جوزك كنتى هتعيطى

    وفى كل الاحوال ياقلبى سيان ضحكنا ولا عيطنا
    فاحنا الحمد لله راضيين بقضاء الله وقدره

  4. @zynb_abrahym_1

    صباح الخير يا احلى بنات
    عايزه اسألكم سؤال
    تفتكروا مع نقص الوزن والوصول للوزن المثالى من 58 الى 60 وزن مثالى عندى
    يعنى كلها 2 --3 كيلو وابقى فى التمام
    وان شاء الله اوصلهم خلال الاسبوعين الجايين
    واخد الكلوجوفاج 850 مرتين يوميا
    والاستمرار على الفوليك اسيد والفيتامينات
    فى حاجه اعملها لتجنب اللى حصلى قبل كده؟؟؟؟
    سؤال مهم جدا حاسه انى عايزه اسأله بدرى عشان لو فى حاجه تانيه تتعمل
    اعملها قبل ما يوقع المحظور
    فكروا معايا بالله عليكو
    انا مش ناسيه كلامكو ليه بعد الاجهاض سواءا الاول او التانى
    انى اركز فى حالتى
    تفتكروا ابقى كده ركزت ومشيت على خطا صح ولا لسه ناقصنى حاجه
    لو اى حد شاف نقطه كانت غايبه عنى ياريت يقولى عليها
    ويارب يارب يرزقنا جميعا ذريه طيبه صالحه
    تقر اعيننا وتفرح قلوبنا
    امين يارب العالمين

  5. @dan_hlm_aamry

    صباح الخير جميعا
    ميكو : طنشي ولا يهمك من حماتك أنا عندي حماي لقطه دا هو الدوده اللي بتنخر في المخيخ بتاع جوزي بس بعدي وكمان بعدي
    بوبا : أنا وإنتي حننزل وحنعمل العملية وبإذن الله ربنا حيراضينا وحيبارك في وقتنا انا كمان مانزلتش السنة اللي فاتت بس ربنا حيسهلها
    وداع : معلش اعذري مامتك إحنا لما نكون أمهات حنحس بالإحساس ده أصل الأم بتخاف من شكة الدبوس على أولادها وربنا يسهل وتحملي وتطمنيها بإذن الله يا حبيبتي
    أوكسي : إزيك ياعسل أنا فعلا بعت إيميل لدكتور عادل زي مانصحتيني وبنتظر رده شكرا يا حبيبتي ما نحرمش منك .
    رمال : صباحك فل إزي أنوس بإذن الله يكون أحسن عقبالي يا رمال يكون الملف ده خير عليه وأحمل ادعولي معاناتي بقالها 6سنين والحمد لله على كل شيء
    هيا ننشر الخير وماما وزوزو وجميع البنات الأمورات : صباح الفل والنرجس

تابعي تجارب أخرى من هذا القسم.