شاركي في النقاش

سجلي الدخول لإضافة تعليق.

التعليقات

3,327

  2. @am_ayad_2009

    ميكو انا قريت مشاركاتك اليومين اللي فاتو ومكنتش فاضيه ارد عليكي
    عشان بصراحة انتى عايزة الواحد يبقى فايق ورايق كدة وهو بيكلمك
    انا ملاحظة يا حبيبتي انك حاطة حماتك في دماغك قوي قوي ومكبرة المواضيع
    والست مكبرة دماغها ومش مزعلة نفسها خالص وعايشة حياتها على الاخر
    وانتي يا قمر اللي عماله تهري وتنكتي في نفسك ( حلوة تهري وتنكتي دى )
    المهم بصي حاقلك نصيحة لوجة الله راضي حماتك عشان ربنا يراضيكي
    وفي نفس الوقت بلاش تيجي على نفسك عشان محدش حيقدر تعبك
    فانتى لو حاسة انك تقدري تعملي حاجة لحماتك لوجة لله ومن غير ما تكوني جاية على نفسك اعمليها
    ولو حاسة ان الحاجة دي حتتتيعبك خلاص اعتزريلها بشكل كويس
    وبلاش تنكدي على نفسك وعلى جوزك كل شوية انتى عصبتي البيبي يا بنتى حرام عليكي كدة
    وكلمة اخيرة حطي دايما قدامك ان حماتك دي مهما كانت وحشة ( مع انى مش شايفاها وحشة قوي معاكي )
    انها ام جوزك ولولا هي مكنش جة جوزك هي اللي ربته وكبرته وعلمته وخليته الانسان الطيب الحنين وباقي الصفات الحلوة اللي انتى شايفاها فيه
    تخيلي واحدة عملت كل دة عشانك وهديتك بهدية جميلة زي جوزو ما تستهالش اننا نعملها كويس
    فكري كويس يا ميكو وبلاش تيجي على نفسك وتظلميها او تظلمي نفسك
    انا والله بقالك الكلام ده من واقع 5 سنين عيشاهم مع حماتي في بيت واحدة
    ومهما انتى او اي واحدة من البنات حكيت عن حماتها عمرها ما حتكون 1/4 حماتي
    بس الحمد لله الامور بينا مستقرة وانا بعاملها حلو بس عشان ربنا وعشان خاطر جوزي لانه فعلا انسان كويس جدا جدا معايا وملوش اي ذنب في تصرفات والدته
    ودايما اقول لنفسي انها السبب في وجوده يبقى لازم استحملها فبكبر دماغي على قد ما اقدر
    انتى فكري في الكلام دة كويس قوي وان شاء الله ربنا يوفقك

  4. @am_ayad_2009

    اوكسي ربنا يقويكي على الشغل
    انا والله اما دخلت ومالقتلكيش مشاركات النهاردة الصبح قلقت عليكي
    وقلت البت اوكسي خدت اجازة ولا ايه
    ربنا يكرمك يا اوكسي وتحملي عشان تسيبي الشغل وتتفرغي للبيت وتربيه العيال

تابعي تجارب أخرى من هذا القسم.