اهانات زوجي لي ما نسيتها

كيفكم بنات
بقول لكم اللي يصير معي مع زوجي
صار بيني وبينه مواقف اهانني فيها وتلفظ علي بكلام زي السم
وهجرني في البيت
ما يرد علي السلام ولا يطالع فيني ولا ياكل معي
ولا ياكل من اللي سويته اصلا
يروح المطبخ ويطلع لنفسه وياكل
وينام في غرفة لحاله
احط الاكل قدامه يقوم ويخليه
اسبوع على ذا الحال بس عشاني قلت له لا تنفخ علي
لانه نفخ علي وانا ما غلطت وبغى يطير عقلي من الخرعة
طبعا هي موقفين
مرة تلفظ علي بكلام قعدت شهر كامل وانا ابكي منه ولا فكر حتى انه يعتذر او يكفر عن غلطته
كانه ما سوى شي
والموقف الثاني اللي هجرني فيه

انا مرة تاثرت نفسيتي وتعبت
ما قدرت انسى
مع ان لها فترة بس ما قدرت انسى
انسى فترة ولمن اشوف منه شي ارجع اتذكر اللي صار كله واحقد عليه واصير ما اطيقه
الان انا في هذي الحالة بسبب شي عرفته عنه
من يوم عرفته ونا في دوامة حقد فظيع قاعدة ادور فيها
هو مستغرب مرة من تغيري عليه ومو عارف اش فيني
وانا لي اسبوع ما اكلمه الا بطريقة رسمية جدا ولا اجلس معه بعد ما كنت طول وقتي ادلل فيه
هو مرة مقهور مني ومستغرب

بنات
كيف اقدر انسى اللي سواه فيني
رايكم اكتب له في ورقة واعلمه والا استمر في تطنيشي له لين يطيح اللي في راسي
دلوني لاني انا بعد متنكدة من الوضع هذا قاعدة اشوف سلبياته بس ومرات احسه كاسر خاطري
صراحة مدري:(

30 تعليق 5,143 مشاهدة

شاركي في النقاش

سجلي الدخول لإضافة تعليق.

التعليقات

29
  1. @fo1kh


    مافي افضل من المصارحة

    وبما انه مستغرب وش اللي صايرلك
    فأكيد انتي اسأتي الظن في الشئ اللي تقولين عرفته عنه

    صارحيه وفكي الأزمه ياللي بينكم

    ترى ابليس اكثر شئ يفرحه وينفخ ناره في زوجين متخاصمين
    والرجال لاتنتظرين منه انه يعتذر
    نصيحة مني
    حتى لو اجبرتيه على الإعتذار بشكل او بآخر راح تهتز شخصيته قدامك

    الله يهديكم ويسخركم لبعض ويبعد عنكم ابليس ..
  2. السلام عليك أختي نصيحة مني خليك ع طناشك له حتى يطيح اللي براسه لأنك وعلى

    حسب قولتك ماغلطتي معه أبد وهو المخطئ الذي يجب عليه الأعتذار أختي لاتتهاوني

    في كرامتك أبدا وصدقيني أن أكثر الرجال يحبون المرأة التي تحافظ على كرامتها وتكون

    لها شخصية مستقلة بها أنا لا أقول لاتحترميه والعياذ بالله ولكن تعاملي معه حسب

    حقوقه وواجباته في حدود المعقول وحتى إن طالت المدة لا يجب أن يكسر خاطرك

    لأنه طاوعه قلبه وتجرء وقال لك كلام جارح ومع هذا لم يعيرك اهتمام عندما كنتي

    تبكين من القهر والله أنني نصحتك على حسب تجربتي مع زوجي والله يشهد

    كل شئ يهون الا الكرامة والله ماجيه أعتذر وهو المخطئ لو يجلس هذا الحال شهوووور
  3. @gory_95

    حبيبتي لو بندقق بالاهانات والله ماقعد عنده دقيقه وحده
    اذاكان اللي تعرفيه شي قوي افتحي الموضوع بالتدريج واهم شي شوفي نفسيته
    اذامبسوط افتحي معه
    واذا شيء عادي نصيحه لاتقولين له لانك بتتعبين وبيقلب السالفه عليك
    وانتي ادرى بالمشكله وبزوجك سوي اللي تشوفينه واللي انتي مقتنعه فيه



  4. والله انا اشوف ان هذا مو حل !! حتى لو رجع يكلمك وتكلمينه بس ماتكونون وضحتوا الامر وحليتو المشكله علشان ماتكرر لا سمح الله بعدين

    يعني لازم وضروري المصارحه وطووووول البال يعرف وش مضايقك وتعرفين وش مضايقه
    وتعطينه فرصه يقول كل الي عنده حتى لو ضايقك كلامه ثم تقولين كل الي عندك

    وادعي واستغفري ربك وربي يهديكم ويسخركم لبعض :26:

    ..
    .

تابعي تجارب أخرى من هذا القسم.