&&كاتوه الباونتي ,,شكل رائع و طعم اروع,,لايفوتكم بالصور بعد&&

27 يونيو 2005

السلام عليكم و رحمة الله..
..
كيفكم بنات حواء.. :)
اليوم جايبه لكم كيكه...لاراحت كيكه و لاجت كيكه..<<احلفي.. :39: :39:
..
بس يار ب ما تكون موجوده هنا من قبل...
..
والله اذا سويتها محد يصدق يحسبونها جاهزه.. :D
..
اول شي المقادير.. :30:
..
1 باكيت كيكه بيتي كروكر بالشوكلاته...او اذا تحبين تسوين كيكه اسنفنجيه بالشوكلاته براحتك ...بس بيتي كروكر يعطي طعم احلى..

4 حبات شوكلا باونتي الي يجي فيه حبتين
علبة قشطه
1 جالكسي للتتزين و فراوله

الطريقه.. :30: :30:
تسوين الكيكه زي ما هو مكتوب على الكرتون..و انتبهي ادهني القالب بالزيت زيين و رشي شوي دقيق لانننا راح نطلع الكيكه من القالب..
..
و اذا كان عندك القالب حق التشيز الكيك الي نقدر نفصله يكون احسن و اسهل..
..
بعد ما تستوي الكيكه خليها تبرد شوي..و بعدين ذوبي الباونتي بحمام مائي .. هو ما راح يذوب مررره انتي حركي بالملعقه وا ضيفي له القشطه و اخلطي زيين

نجي اللحين للجزء المهم..
طلعي الكيكه من القالب و حطيها بصحن مكشوف...بعدين اقطيها بالعرض...زي ما تفتحين الخبز الصامولي بس افصليها تمام...بيصير عندك طبقتين من الكيك..
انتبهي لا تتفكك معاك ..تعاملي معها شوي شوي ..
و بعدين حطي حشوه الباونتي و بعدين غطيها بالطبقه الثانيه .و خلي شوي من الحشوه عشان تدهنين الكيكه من فوق..
..
بعد ما تدهنينها من فوق رشي عليها الجالكسي المبشور ..و زينها بالفراوله او اصابع الويفر..
..
و بالعافيه الي تصلها لازم تعلميني و تقول لي وش انطباعاتها.. :30: :30:
....
والله كنت ناويه احط لكم الصور..
و ياقليبي اانا رحت اصور الكيكه...بس يوم جيت احمل الصوره من جهازي ..و اثرهم طالبين رقم العضويه ..
وا نا حضرتي مضيعته..
:icon33: :icon33: ..اذا فيه طريقه ثانيه لتحميل الصور علموني.,,
بس لحد يقول نزليهم بصفحه بالنت.. :icon33:

&&كاتوه الباونتي ,,شكل رائع و طعم اروع,,لايفوتكم بالصور بعد&&

التعليقات

جاتوه شوكلاته سهل ولذيذ

تحويل الحليب المكثف نستله الى كراميل في الكاتم

قالب جاتوه او تورتايه فاخره من مطبخي فيديو

كيكة الشاتوه بالشوكولاته من مطبخ الشيف موني بالصور

الجاتوه السواريه من مطبخ الشيف مونى بالصور