حبيت أبداء بحملة تفيد نساء وتخرجهم مما فيه من الضيق والهم ألي عايشين فيها بسبب كلمة اعتبرها نعمة من الله وأحس أنها مفيدة للحياة وفيها تجارب واستفادة وتجديد للمرأة وهي كلمة
(مطلقة) ليش تخافون من هاكلمة ؟
ليش تخلون نفسيتكم تتعب ؟
وتفكرون فيها كثير ؟
بالعكس الكلمة معانيها كثيرة وفوائدها غالية على المرأة ، أول شي هي نعمة من الله وهي حكمة من عنده ،وفيها بعد عن الشر، وفيها كذلك فتح أبواب خير من ورآها، وجعل الله لها في كتابه سورة كاملة وذكرت باسم الطلاق،وذكرت في سنته نبيه،وفيها توكل على الله ، وفيها تفاؤل وأمل من الله، وهي مصيبة تنزل على المرأة امتحان من الله ربي يشوفها تصبر وتتحمل أو تيئس وتفقد أعصابها، بل تقول أذا سمعتها الوحدة منا [اللهم أجرني بمصيبتي واخلفني خير منها].المفروض منا نتصبر ونكافح في حياتنا ونمشي في هذه الحياة ونعيش فيها مثل الناس ولا نتذكر الماضي ونحاول
نفكر بالمستقبل وندور على أنفسنا ونطلق مافي داخلنا من مواهب وقدرات ونضع أيدينا بأيدي بعضنا ونتحد على الخير ونشر مواهبنا بينهم علشان يقدرون كل وحدة مطلقة ولا ينبذونها ولايعيارونها بل يحسبون لها ألف أحساب ويقدرونها ودائما نحاول نصبح على عكس مايتكلمون ولا في شي مستحيل بل كل شي نقدر نعمله بس مهما كان الإحباط الموجود حولك كم من مطلقة ارتاحت ونمت مواهبها ونجحت وكم من مطلقة نجحت بعد طلاقها ورزقها بزوج أفضل من أول وعاشت ملكة في بيتها الثاني وخلفت أبناء صالحين واجعلوا دائما واثقات من أنفسكم وأطلعوا مما أنتم فيه ضعوا أيديكم بيدي وخلونا نصير عضوات صالحات في المجتمع ونجبرهم على احترامنا وتغيير نظرتهم لنا مهما كان سبب طلاقنا وكل وحدة لها عيوب ولابد أن تصلح نفسها وتغير عيبها ولا تيئس وأطلقوا على أنفسكم (منطلقات) ضعي هذه الكلمة وأحفظيها واجعليها في قلبك ......
واتمني المشاركه حتي ممن تزوجن وكانت لهن تجربة طلاق سابقه ؟
كل وحده تدخل تتكلم عن طلاقه واسبابه والايجابيات التي حصلت عليها من الطلاق وكم مدة طلاقها وهل تزوجت بعده ام لا ؟
شاركي في النقاش
سجلي الدخول لإضافة تعليق.
التعليقات
11- والله انا جاني تبلد احساس من هالكلمه وعلى قولتك صرت منطلقه مو مطلقه
تزوجت كذا مره وارجع اقول هذا نصيب وحكمه من رب العالمين انا مااعرفها..
والزمن تغير يعني صارت امطلقه حالها حال اي بنت..بمعنى اغلب البنات صارو مطلقات صار الوضع عادي يعني..
الله يرزق كل بنت بالي تتمناه... - الله يعوضنا وينصرنا يارب
المشاركة المقتبسة غير متاحة.
الصبر ومابعد الضيق الا الفرج اهم شي كوني قريبه من ربك وهو اللي بيده تغيير حالك ربي يفرجها عليك كثري استغفار- على فكرة انا لازلت بنت ماتزوجت لكن حبيت اشاركن همكن وصدقني الطلاق خيرة من ربي انسو اللي فات قطوه ورى ظهوركن عيشو حياتكن طالعو لقدام وربي بيغير الحال صدقوني وهالدنيا اللي خلقنا فيها للاختبار فاريي الله منك خير ارضي واقنعي واطلبي الفرج
أسمو بأخلاقي 1 على فكرة انا لازلت بنت ماتزوجت لكن حبيت اشاركن همكن وصدقني الطلاق خيرة من ربي انسو اللي فات قطوه ورى ظهوركن عيشو حياتكن طالعو لقدام وربي بيغير الحال صدقوني وهالدنيا اللي خلقنا فيها للاختبار فاريي الله منك خير ارضي واقنعي واطلبي الفرج
جزاك الله خير عزيزتي علي هذه الاخلاق النبيله
مواضيع مشابهة
تابعي تجارب أخرى من هذا القسم.