بسم الله الرحمن الرحيم
االسلام عليكم يا كروشاااااااااااااااات ونفوسااااااااات ومدااااااااااامات هههههه
الحمد لله ولدت وارتحت اللهم لك الحمد
اليكم القصة..
كانت اخر دورة 3ربيع الاول والدكتورة حدتلي الولادة 21 الحج هجري طبعا...
وهذي 3ولادة ماشاء الله
في بنتي الاولى جبتها في اول اسبوع في الثامن والثانية في اول اسبوع من التاسع وكنت خلال حملهم نزيف مستمروإنفصال جزئي في المشيمة واخذ مثبتات ابر عن طريق الوريد واخذ ثلاثة حبات دافيستون لشهر السابع ولازم راحة تامة وغيرو وغير وعلى فكرة حملهم كان بعلاج ابر تفجيرية ومنشطات لأنو عندي ضعف في المبايض..
وبعد مولدت بنتي الثانية اعطاني دكتوري حبوب تنزل الدورة وتنشط المبايض علشان لا يرجع الضعف..المهم
جلست سنة و3شهور اخذهم والدورة تنزل وماكنت اخذ مانع حمل لأنو الدكتور قلي مايصير حمل بدون منشطات لكن مشيئة الله فوق كل شئ... الدورة ماجات وبدأت اعراض الحمل من دوخه وغثيان وحللت وطلعت حاااامل.
اتضايقت شوية لأنو بنتي صغيرة بعدين قلت الحمد لله على عطايا...
شئ ماكنت اتوقعوا مرررررررره
ومررره الحمل بسلام برغم من دخولي وخروجي الكثير ولم يصيبني اي نزيف او اي شئ من اللذي كان يصير لي في حملاتي السابقة ..سبحان الله
نرجع لقصتنا
دخلت شهري التاسع ومر الاسبوع الاول والثاني وانا كل يوم اقول لزوجي شكلي حأولد اليوم والثالث والرابع ومافي اي بوادر ولااااااادة الى اخر يوم في التاسع اللي هو 21الحج وكان عندي مراجعة للدكتورة
ورحت لها وقالت خليني اشوف الرحم كم فاتح وكنت مرررررررررره خايفة من الكشف...
وكشفت لقت الرحم مفتوح 4الى 5 سانتي قالت ولادة خلاص وانا مني راضية اقلها مافي اي بوادر ولادة
لا طلق ولا نزل عليا شئ قالت لازوم تنويم وزوجي اصر برضوا وطلعت غرفة التوليد وقاسو ثاني مرة لقوة 5 سانتي واخبرت زوجي وكان وقتها بناتي معانا اخذهم زوجي ووداهم عن اخوية وراح البيت وجاب اغراضي وجاني المستشفي ودخل معايا غرفة التوليد وكنت عادي وكل شئ تمام واقنعوني يعطوني طلق صناعي بس ماااااااااارضيت وكلمت امي وابوية يجوني المستشفى دخلت الساعة اربع الاعشرة عصرا وعبال ماالبس ودخلت الحمام الله يكرمكم وحطولي جهاز التخطيط صارت اربعة ونصف وزوجي وصل عندي على 5ونصف وبرضو مافي طلق والرحم 5سانتي والجنين نااااااااااااااايم حطولي مغذي واكسجين عشان يقوم النونو صار الساعة 7وبرضوا الحال كما هو الا زوجي صار يقنعني بالطلق االصناعي وامي قالتلي خلاص اتوكلي على الله وخذي واخذتة في الوريد الساعة 7وعشرة الساعة سبعة وربع قاست الرحم لقتة 6سانتي وفتحت كيس المويةبعدو بشوية بدا الطلق والالم والصرااااااااخ واعطوني مسكنات وكمامة....الكمامة رائعة ...وكان زوجي ماسك الكمامة وامي جنبة واختي عند الباب من جوا بس دايرة وجها مهي قادرة تشوفني وعلى الساعة 8 الاعشرة شرف ولي العهد وجبت ولد زي القمر الحمد لله معاناة الولادة تقريبا ساعة الاثلث من الطلق الى الدفع الى خروج الراس اللهم لك الحمد ماشاء الله
وجاء يوم الثلاثاء 21ذي الحجة هجري في مستشفى الاطباء المتحدون وولدت عند الدكتورة حمدية مررة طيبة وحنونة وعندها طولة باااااااااال....
شاركي في النقاش
سجلي الدخول لإضافة تعليق.
التعليقات
64مواضيع مشابهة
تابعي تجارب أخرى من هذا القسم.