طريق الامل ( خبرات متبادلة حول مراكز العقم فى مصر ) الجزء الثامن
متابعة النقاش، صفحة 458
شاركي في النقاش
سجلي الدخول لإضافة تعليق.
التعليقات
3,327أم اياد 2009 اوكستي اين انتى في ايه يا بنتى احنا حسدناكي ولا ايه يلا بقي عايزين نشاط وهمة في الملف امبارح استنيتك تدخلي باليل تاني بس شكلك نمتي بدري كالعادة ربنا يوفقك يا حبيتي ويرزقك الذرية الصالحة
حبايبى .. وحشتوووووووونى اوى اليومين دول .. والله غصب عنى بعدى عنكم الانترنت كانت ضعيفه جداااا عندى ومكنتش عارفه افتح حاجة .. انا بستخدم اليو اس بى بتاعه اتصالات للأنترنت ف لما بتكون الشبكة وحشه الانترنت طبعا بتكون وحشه .. واول امبارح بالليل وقبل الانترنت ما تعطل المنتدى وقف ومكانش راضى يفتح وده السبب اللى خلانى اتاخر يومين كاملين .. زى ما يكونوا شهرين يابنات والله .. سامحوووونى كلكم يا حبيباتى هقرأ كل اللى فاتنى وارجع لكم فورا بس قبل ما اقرأ حاجه عايزة اقوللكم ان سارة عملت عملية الربط الخميس وبعتت تطمنى انها بخير وقالت لى اطمنكم انتم كمان يا بناتيت ... وبتقول لكم دعواتكم معاها يا حلوين
:26::26::26:زينب ابراهيم بوكيين ورد لحبايبى ريمو وشوشو بجد انتو تستاهلوا كل خير بحس انكو بتدخلوا بس عشان تواسوا دى وتباركوا لدى وتشجعوا دى امهات الانوسين ربنا يباركلكو فيهم ويرزقكو اخوات ولاد وبنات لأنوساتكو احنا كلنا بنحبكو جدا
زوزو حبيبة قلبى ... يانهار احمرات .. انا مش قد الجمال ده كله يا زوزو .. عرفتى منين انى بحب الورد الاحمر ..
متتخيليش قد ايه فرحتينى بهديتك الغالية وبمشاركتك دى يا زوزو .. بجد ربنا يخليكى ليا ويباركلى فيكى ..
أول مرة حد يبعتلى هدية اونلاين كده وأول مرة تجي لى هدية وأفرح بيها بالشكل ده ..
كأنك جبتى لى الدنيا كلها يا حبيبتى ربنا يسعدك زى ما اسعدتينى ومتشكرة على كلامك اللى زى الشربات والله انتى أحسن يا حبيبتى كلك زوق بجد ..
ومش عارفة اقوللك ايه تانى .. انا بحبك فى الله اوى اوى اوى .. وبحبكم كلكم يابنات اوى اوى اوى .. ربنا وحده شاهد على حبى ليكم .. ربنا يجعل حبنا لبعض ده كله فى ميزان حسناتنا يوم القيامة يارب .. ويارب يا حبيباتى يكرمكم كلكم بالذرية الصالحة اللهم آمين .. وبما إنك جبتى لى هدية فا معلش اسمحى لى انا كمان اجيب لك حاجه بسيطة ولو انها مش هتكون أحلى من البوكيهات العسل دى ..رمـــــال حبايبى .. وحشتوووووووونى اوى اليومين دول .. والله غصب عنى بعدى عنكم الانترنت كانت ضعيفه جداااا عندى ومكنتش عارفه افتح حاجة .. انا بستخدم اليو اس بى بتاعه اتصالات للأنترنت ف لما بتكون الشبكة وحشه الانترنت طبعا بتكون وحشه .. واول امبارح بالل…
ميييييييكوووووووو ..
انا عايزة أولا أعتذر لك بشـــدة .. لانى قولت لك راجعه لك مخصوص ومن ساعتها ولا رجعت ولا كلمتك .. بس زى ما شرحت السبب كان غصب عنى بجد ..
حقيقى كان نفسى اخد فرصتى انا كمان وأرد عليكى يا روح قلبى بخصوص المشكله اللى حكيتى عليها .. بس بما إن الموضوع إنتهى وقتل تعليقا وبما إن البنات بسم الله ماشاء الله عقولهم منتهى الرزانه وقالوا كلام فى منتهى العقلانية ..
ف أنا مش هينفع أعيد وأزيد في القصه .. لكن كل اللى هقوله لك ..
امسكى نفسك عن التفكير فى تصرفات حماتك شويه ..لانك لو ماعملتيش كده هتتعبى ومحدش هيحس بيكى ولا بتعبك.. انتى العامل الاساسى فى المشاكل دى يا ميكو كونى حريصة وذكية بلاش تنشنه على كلام ممكن تعالجية بحكمة
وعلشان تكونى فاهمه حاجه .. لازم تتعرضى للمشاكل دى يا ميكو فى أول سنين جواز
وده شئ إيجابى لانه بيخليكى تفهمى شخصية حماتك .. وكلنا اتعرضنا لمواقف زى دى .. وأفظع منها ..
فا اللى انتى فيه هو الطبيعى يا حبيبتى لان العقول مختلفة وانتى لسه بتفهميها بردو
كل اللى عليكى تركزى فى حياتك وتشغلى نفسك بزوجك وبإبنك أو بنتك وبسسسسسس بقدر الامكان
وربنا يهديهالك يا حبيبتى يارب
:26:أم اياد 2009 ريمو بقالك يومين غايبة يا قمراية وحشتيني ووحشانى كلامك اللي زي العسل مش عارفة ليه بحب اوي اقرا كل حاجة انتى بتكتبيها حتى لو الكلام ميخصنيش خالص بحس ان كلامك كله حكم ربنا يديكي على قد نيتك وضميرك الحلو ويجازيكي خيرعلى كل اللي بتعمليه معا…
أوووووودىىىىىىى ..
انا غبت يا اودى لان الشبكة كانت بتستعبط على الاخر عندنا .. ربنا يكرمك يا قلبى على سؤالك عنى وعلى انس
انتى كلامك حلو أوى يا اودى .. انا كده هاخد مقلب شديد اوى فى نفسى بعد كلامك وكلام زوزو ..
والله انا مش قد الكلام ده كله ياريت فعلا استاهله .. ربنا يستر عيوبنا دنيا وآخرة يارب
والله يا اودى مش عارفه اقوللك ايه بجد انا مبسوطة جدا انى حواليا ناس قلوبهم صافية زيك ...
انا عرفت فى الملف ده ناس مقابلتهمش فى حياتى قبل كده ولو كنت لفيت الدنيا طول عمرى مكنتش هلاقيهم ولا كنت هلاقى قلوب فيها خير زى ما شفت هنا يا ام اياد ..
والله انا مبسوطة بجد بيكى وبصحوبيتك انتى وكل البنات وربنا يجازيكى كل الخير على حبك الغالى ومشاعرك الطيبة دى ..
oxygenatom ريمو ... وحشانى قوى وقلقانة من يابك المفاجىء ده ... طمنيينا عليكى وعلى انوس
أوكســــــــــى ...
انا اسفه انى قلقتك يا حبيبتى .. سامحينى يا اوكستى .. انا غبت غصب عنى بجد بس خلاص هكون معاكم ان شاء الله ويارب الانترنت ما تتقطع تانى .. يعنى انا جايبة ال USB ده علشان اخلص من مشاكل شبكات ووصلات الانترنت .. وبرررردة اهه بيقطع لما الشبكة بتضعف .. مش عارفه اعمل ايه .. انا غلّبت زوجى المسكين معايا بجد ..
المهم انتى عاملة ايه واخبارك ايه طمنينى عليكى .. قريت انك مشغولة لشوشتك فى الشغل .. كان الله فى عونك ..
مش محتاجة أى مساعدة .. هجيب أنس وأجيلك طيااارة .. بس اهم حاجه تعملى حسابك فى عبوتين بامبرز احتياطى من الحجم الكبير ده (من النوع الغالى ..ها )..
وقولى للموظفين بتوعك يحطوا مكاتبهم على جمب ويوسعوا كده الطريق لاحسن انس بيحب يجرى فى المشاية على راحته من غير مايبقى فى اشارات ولا عساكر ..
وان شاء الله لجنة الايزو اللى هتيجى اول ما تشوف الاستاذ انس عامل ايه فى المكتب هتديكوا الشهادة على طوووول ..
على فكرة شوشو كويسه بس هى لسه عند مامتها ماتقلقيش اكيد لما ترجع هتكلمنا على طول ...
مانتى عارفاها طول عمرها اخر استقامة ومالهاش فى التاخير والدلع دى شوشو جدعة ومش هتتاخر علينا بس ظروفها اكيد لسه مش سمحت ..
مواضيع مشابهة
تابعي تجارب أخرى من هذا القسم.