رحت اشوف جنس الجنين اذا ولد اوبنت 00قالوا هذا ميت من زمان
الحمد لله
اللهم اجرني في مصيبتي واخلفني خيرا منها
خواتي الغاليات00 الى الامس انا كنت حامل في نهايه الشهر الثالث0
اخذت اذن من العمل وكلمت السواق وطلعت للمستشفى بالحالي دون علم زوجي لاني حبيت اسويله مفاجئه واعرف نوع الجنين قبله 0
طلعت الساعه 8 صباحا ووصلت المستشفى 0 دخلت على قسم الاشعه عند الاتراساوند الثلاثي الابعاد 0 الدكتور كان ساكت ويحرك الجهاز على بطني اكثر من مرره 0 وما سمعت صوت النبض 0 وقالي انا بكتبلك تقرير وخذيه للدكتوره وهي بتشرحلك 0 خفت وحسيت بشئ مو طبيعي0 قلتله ليه ما سمعتني نبض الجنين ؟؟ :16: وليه ما خلتني اشوف حركاته ؟؟ قالي الدكتوره بتفهمك 0 عصبت وقلت هو مافيه نبض ؟؟
قالي بصراحه اعتقد هذا جنين ميت من زماان 0
الله اكبر 00 يابنات دارت بي الدنيا 0 طلعت من غرفت الاشعه ورحت الى ركن في اقصى المستشفى وقعدت ابكي بلحالي بصوت عاالي 0 بعد شوي اتصلت على زوجي
وقلت له مات مات وانا وابكي 0 قال منهو الي مات قلت الجنين
قال بسم الله عليك وينك فيه 0 قلت انا في المستشفى ويقولون مييت
من اسبوعين او اكثر 0
رحت للدكتوره 0قالتي نفس الكلام وماصدقتها قلتلها عيدي الاشعه التلفزيونيه
وسوتها هي بنفسها لي 0 قالت ما في فايده منه تحبي نسوي عملية تنظيف
او اعطيك ادويه تنزله قلت لا تنظيف ولا ادويه 0 اخذت اوراقي ورجعت البيت 0
اتصلت على امي في الرياض قالت اغلي ميراميه واشربيها وانا بحز على اول رحله للطائف
واجيك الحين وطلعت المسكينه للمطار الله يحفظها ويخليها0
غليت شوية ميراميه وشربت كاسين منها 0 بعد شوي حسيت بمغص شديد0
وبعد نص ساعه انفجرت على مويه غزيره من اسفل ثم نزل دم فاتح
غزير0 وبعد ربع ساعه نزلت قصعة لحم كبيرة قليلا لونها احمر غامق
ثم نزلت قطع بنيه صغيره 0 وبعدها استمر نزول الدم ولكن ليس غزير 0
يعني يشبه دم الدوره 0 والحمد لله0 الله يعوضني ويرزقكم يابنات
من صاار لها مثلي يابنات ؟؟ وماهي الاسباب ؟؟ وكم يوم يستمر نزول دم الاجهاض؟؟ وهل اعمل تنظيف او مو لازم ؟؟ الله يرزقنا جميعا الذريه الصالحه