8

8

اللواقه << الله من واحد ما يعرف وشي :p
اللواقه = التصنع والتلكع .. واللي عنده معنى ثاني له يكرمنا :)

انتم عارفين اننا هالحين بالصيفيه .. وكلن لاهي الله لا يلهينا الا في طاعته ( لاحظوا هالموضوع كاتبته بداية العطله )

بالعربي الكل قام يفكر ويزهب عمره للسفر
وكالعاده لين قربت العطله .. انواع القردنه عند الوالد الله يحفظه

و انواع التبطح .. والصياح
عاد والواسطه الوالده جمس بوند .. تطلع له هالجدايل المحنّيه <<< بزعم انه بيخق لين شافها ..

المهم وبعد عناء ومشقه مع الوالد .. فضى ابو صويلح من شغله
<< الله واكبر بن سعيدان على غفله :p
وانواع التشقق من الفرحه << واللي يسمعنا يقول بيروحون المريخ

زهبنا احزمتنا وتولمنا لهالرحله الممتعه

وكيف لااااااااااااااا وهي في ربوع بلادي الغاليه :)

وركبنا السياره .. بذلك الجمس الاحمر ..... وبدينا بشق الشعيييييييب

والوجهه كانت الى القصيم

وبالفعل نروح للقصيم .. فيه لوحه وش كبرها عند التفتش
( اهــــــــــــــــــلا بكــــــــــــم بالقصيــــم بـــــوه ستــــــي (KK) )

واشوف مثل يالله حيه واااااااااااااجد .. ياكثرك

8

8

مهرجان القصيم .. من جد تراهم ماخذين مقلب :confused:

حاطين لك بحيره ومعلقين فوقها حبل مربطين هالبزران عليه .. يقالهم تلفريك
اقول والله انكم تستاثمون في هالضعوف المبزره مغير تمصيع فيهم

بس الوالد والوالده كيّفوا على هالنخيل والتمر والخرف والخريف
ابد هي فيها سيرة نخل .. هالنخله فيها عذقين .. لا يابنت الحلال فيها واجد ما تشوفين ذي اللي تحتها
ابوي يسال امي : الا نخلتنا الخلاص وراها خربت هالسنه ..ما حملت ابد وشفيها <<< لااااه يمكن مركبه لولب خخخخخ :p

لا ومصيدين لك هالمبزره بزعم انهم يقابلون معهم .. هل تحب المدرسه
بزارينا : ايه
شاطر صفقو لووووووه .. وهذي هديه مقدمه من مركز تلفزيون القصيم سيتي سنتر عباره عن كليجا

ياعالم ناقصين :(

وكلما رحنا لمكان .. واااااااخزيااااااااااه وشلون حريم ويروحون لهالاماكن .. لالا زحمه كلها رجال .. لالا وش ذا ما يصير ..
لالا وش بوه ذا ما يستحي .. بوه وبوه وانواع التنقيد بس

( ههههههههه مع احترامي لك حيو وكل قصيمي هونيا... تراي امزح لا تصدقون
شرهتك على اللي شافها.. تخبرون الخيال وااسع :) )

طلعنا.. وانا اقول سي يووو يالقصيم قريبا ( اييييييييييييه يجيب الله مطر:S )

طلعنا والوجهه هالمره للغربيه .. وانواع الحماس

ورحنا لجده << الله من زين الجو :)

عاد حاطين لك في هالاسواق سيارات ومن ذلك هدايا يعني ... مدري هالحين حنا جاين نتمشى والا نتسوق
لان التسوق اصلا ما يعتبر مهرجان ،،،

عاد انا ااسمع من فتره بالاف ام ... فيه قرية مرسال .. مدري ذي اللي على فنايل لعيبة نادي النصر .. بس يوم ذكرت ان فيها اميره الفضل .. هونّا اخاف تحوم تسبدي زود عن اللي انا فيه

لا و حاطين لك فيها مسابقات هاللي تطلع بالتلفزيون ...
من مركز تلفزيون جييييييده ( جده )
بنت مااالغه.. وفالتن هالشوشه .. مدري يمكن ما تعدى 11 سنه .. مسويه حرمه بهالكعب جعلها تكسر ( كارهتها مدري ليه )
وما غير تمسك بهالبزران بالملاهي … وايش اسميك يا شاطره .. في أي سنه انتي ؟؟ عندك انشوده ؟؟
والا نسرين الحكيم ومسابقاتها .. تسال واحد ما يتعدى 9 سنوات كيف تطفئ الحريق مدري وش عندهم حمله الدفاع المدني مدري وش قصة ابوهم ( ياشيخه فاضين لك )

بس قضينا هذا مهرجانهم ..

7

7

7

،، طلعناوالوجهه للشرقيه ،،

لا ويقولك حاطين مظله وش كبرها بشارع الامير مدري منهو.. المهم وفيه اسئله واشطب واربح مدري اكشط واربح << ههههههه بالخير

اقول امشوا بس ،،،

7

7

7

كملوا تحت << ياشين التقليد شيناه :rolleyes:

هل في بنات مهتمة بالألفينات ؟

قناتي في اليوتيوب :

في شو تفش خلقك...وليش👀☔

اسئلة في التعليقات 🥺🦋

لغز في الصوره