ليه الناس تغيرت..!!!! ساعدوني تكفووون

زمـــــــن قآسي ..
والبشـــر صآروا الوآن,,
وكــــلن..
يلون حيآتهـ على كيفهـ..

السلام عليكم اخواتي الحبيبآت
بما انكم اخواتي وحبيباتي ودي اطرح عليكم مشكلتي وابغى منكم المساعده
مشكلتي يالغاليات
مع صديقتي ((الله يهديها))
صديقتي هاذي عشت معها اغلب مراحل حياتي طفوله, مراهقه... وكبرنا مع بعض
يعني هي لها معي تقريـــــــبا 10 سنوات وتخرجنا من الثانوي مع بعض
المهم انها صديقتي المقربه لي جداا كنت اقولها على كلل شي وهي كذلك

وانا الان توني متخرجه السنه اللي راحت

بس مدري الفتره الاخيره حاسه بتغير من ناحيتها مدري ليش؟؟؟!!
هي البنت من النوع اللي تدق بالكلام (اتمنى فهمتوأ)

يعني احيانا تقول كلام وتجرحني بس مااقولها شي لان شخصيتي طييييييييبه حيييل وحساسه يمكن مستغله هالخصله فيني

قبل فتره كنت معها عالمسن وقاعدين نسولف طبعا انا الحين مقدمه اعتذار وجالسه بالبيت وهي كذلك((مافي احد احسن من احد))
المهم ياحلوين كنت اسولف انا وياها عن وحده من صديقاتنا وانا كنت عتبانه عليها لانها مقاطعتنا ودايم تتعذر منا

شوي وقالت : انتي وش فيك مسويه علينا رقابه هذا وحنا صديقاتك
كيف اخوانك بالبيت اكيد صايره عجوز البيت((بلهجه جافه))

انا انصدمت لحظتها وماعرفت اتكلم
وماعرفت وش تقصد
حاولت اعرف قصدها صرفت الموضوع وسجلت خروجها

انا مشيتها لها ولا كلمتها وهي ولا اعتذرت ولاشي
ولعاااد اتصلت ولا ارسلت


ومر الموضوع بسلاااااام

اليوم دقيت عليها وكنت مررره مشتاقه لسواليفها
تخيلوا كل شوي تقاطعني وتقعد تسولف مع خواتها يعني انا مو هامتها حتى ماتقول لحظه بكلم اختي تقاطعني كذا!!

بعدين قالتلي معليش مشغوله بروح اجهز العشاء اشوفك عالمسن..

عذرتها

ودخلت المسن حصلتها فرحت
بس شافتني دخلت حطت يالخارج
وانتظرت لين غيرت حالتها الى((متصل))
وسولفت معها

شوي دخلت وحده من صديقاتنا ودخلنا محادثه وحده

وكانوا يرسلون مقاطع فيها موسيقى .. سكت بس حسيتهم زودوها طبعا انا من عايله محااافظه وهم عارفين

قلتلهم ((طربانين اخر الليل هدوا السرعه))

بعدين قلتلهم بنات وش رايكم بانشودة فرشي التراب

قالت هي (( ع مزاجك )) >>>مدري عشاني ملتزمه موعاجبتها

قلتلها حلوه الدقه

قالت لا لا محد دق احد


وهي اصلا وااااااضح عليها من الاول ماودها تكلمني...!!
ليش مدري؟؟


انتو لو مكاني بتزعلون ؟؟

الصراحه جرحتني حييييل

ووش تفسرون كلمتها الاخيييره؟؟


وكيف اتعامل معها؟؟؟

تعبت وربي اسوي خير والقى العكس
لييش ؟؟


صدق من قال مافي صداقه بذا الزمن


جاوبووني على تساؤلاتي

يعطيكم العافيه..