شاركي في النقاش

سجلي الدخول لإضافة تعليق.

التعليقات

3,327

  1. nadanodo
    ازيك يا oxygenatom ازيك ام اياد 2009 سلامى لكل البنات انا النهاردة الحمد لله روحت مركز المدينة و قابلت دكتور اشرف ابو على و شاف تحليل جوزى و تحليل الهرمونات بتاعى و كشف طبعا سونار و قالى كله تمام الحمد لله بس سالنى عن اشعة الصبغة …
    صباح الخير يا نادو .... ان شاء الله ربنا يكرمك قريب جدا جدا ويفرح قلبك بالذرية الصالحة ...
    لما هابى يويو هى كمان تروح لدكتور اشرف حنبقى تلاتة بنروح للدكتور ده ... صراحة انا استمديت ثقتى فيه من ثقة د.عادل ... والحمدلله انا كمان استريحت معاه ... ربنا يكرمنا جميعا يارب

  2. oxygenatom
    صباح الخير يا نادو .... ان شاء الله ربنا يكرمك قريب جدا جدا ويفرح قلبك بالذرية الصالحة ... لما هابى يويو هى كمان تروح لدكتور اشرف حنبقى تلاتة بنروح للدكتور ده ... صراحة انا استمديت ثقتى فيه من ثقة د.عادل ... والحمدلله انا كمان استريحت معاه…
    بوبا صباح الخير يا حبيبتى ... ربنا يارب يكرمك بالحمل بالتلقيح الصناعى ومتحتاجيش للحقن المجهرى يارب

  3. دانة حلم عمري
    أوكسي ..... رد عليه دكتور عادل وقالي إحتمال سبب فشل عملية الحقن المجهري يكون انتفاخ في الأنابيب ده بيكون سبب كبير فأنا ماعملتش قبل كده أشعة الصبغة ومعرفش أي حاجه عنها فأي حد عنده معلومات يقولهالي وخطواتها ومواعيدها وايه سلبياتها يعني بتأثر…
    دانة ... والله كان قلبى حاسس ان فيه حد بيسأل ومحتاج اجابة عشان كده دخلت المنتدى رغم ربنا اعلم قد ايه انا مشغولة بس قلت نصف ساعة مش مشكلة والشغل عمره ماحيخلص ...
    المهم ... كويس ان دكتور عادل رد عليكى ... اشعة الصبغة انا عملتها قبل كده وبنات كتير من الملف عملوها كمان ... هى مش مكلفة .. وممكن تتعمل ببنج وممكن لا انا عملتها من غير بس لو الزمن رجع حعملها ببنج عارفة ليه لأن الاشعة ساعات مابتبقاش مظبوطة والواحدة صاحية ... بيبقى فيه الم بسيط زى الم الدورة بس ممكن يحصلك تقلص وقت الالم ده فيدى صورة مش واقعية ... علشان كده بنصحك تعمليها ببنج وهى تكلفتها بسيطة يعنى حوالى 300 جنيه ...
    هى بتتعمل بعد مايخلص دم الدورة تماما ... يعنى حوالى سادس او سابع يوم الدورة .. وماينفعش تعمليها فى نفس الشهر اللى حتعملى فيه الحقن المجهرى لأن التنشيط بيبدأ ثالث او رابع يوم الدورة .... فالاول اعملى الاشعة وبعدين روحى بيها للدكتور وشوفى حتعملى ايه بعد كده وربنا يوفقك....
    على فكرة الاشعة مأثرتش على الدورة اللى وراها كانت مظبوطة برده ومافيش علاقة بين الاشعة وبين لخبطة الدورة

    اى سؤال كلنا فى الخدمة

  4. حبيبتى اوكسى


    بقولك ايه معلش افيدينى

    الدكتور اشرف ابو على قالى اعمل اشعة الصبغة يوم الخميس ان شاء الله فى السراية سكان اللى امام جرين بلازا بس ما قاليش حاجة عن البنج او بدون بنج انا اتصلت سالت و قالولى ب 200 جنيه ايه رايك البنج احسن قوللى علشان انا رايحة يوم الخميس ان شاء الله

    بس على فكرة انا عاوزة اقوللك حاجة الدكتورة داليا اللى بتشتغل معها كتبت لى على مضاد حيوى اخده يوم الاربعاء صباحا و مساءا و كمان يوم الخميس ان شاء الله صباحا و مساءاقالتلى علشان لا يحدث التهاب من الصبغة و ابرة فولتارين اخدها قبل ما اروح السراية سكان علشان تخفف الالم ايه رايك ده كافى و الا اخد بنج

    انا منتظرة ردك و ان شاء الله خير يا رب للجميع


    حبيبتى وداع

    طبعا انا كتبت هنا علشان مشكلتى مع 3 مشاركات !!!!!!!!!!!

    ربنا معاكى و معاى و مع المسلمين اجمعين يا رب


    بصى يا قمر انا كنت عند دكتور اشرف ابو على امبارح و قالى على السراية سكان و قالى 9 يوم الدورة ماشى انتى معايا فانل حسبت 9 يوم ده هيكون يوم الجمعة اللى جاية ان شاء الله يعنى يوم 1-1 2010 فاتصلت بالسراية سكان اسالهم قالولى طبعا الجمعة اجازة تعالى اى يوم خلال الاسبوع ده الصراحة انا اتشاورت مع مامتى و قالتلى زى ما الدكتور قالك 9 يوم يبقى احسن خاليكى اليوم 8 و هيكون الخميس ان شاء الله شوفى هو ده كل الموضوع عموما البنت قالتلى تعالى من 1 الى 5 يوم الخميس

    اما بالنسبة للبنج ديه نفس المشكلة هما ماعندهمش بنج بس على فكرة الدكتورة المساعدة لدكتور اشرف كتبت لى على مضاد حيوى اخده قبل الاشعة بيوم صباحا و مساءا و يوم الاشعة بعدها طبعا صباحا و مساءا و ده قاللتى علشان لا يحدث التهابات ماشى معايا اوعى تسرحى هاهاهاهاها
    و كتبت لى كمان على ابرة فولتارين اخده قبل الاشعة بنص ساعة ماشى و ده كل اللى هاعمله ان شاء الله

    يا رب خير لنا جميعا قولى يا رب

  5. @aaashk_alsfrr

    مرحبا بنات كيف حالكم الله يرزقنا جميعا الخلف الصالح
    وين المشتاقه لمكه من زمان فاقدتها الي تعرف عنها شي تقولي

تابعي تجارب أخرى من هذا القسم.