ظلم الأهل من جربه وايش رايكم اجلس عندهم ولا نار زوجي ارحم

زين ما سويتي ،،،، استاجري وارتاحي محد راح يعرف شعورك الا المجرب خصوصا لو كنتي حساسة
حتى لو ما كنتي حساسة ظروف ولادتك وتعبك ودراستك وبزارينك بيخلونك حساسة غصب لذلك
اقصري الشر من الحين ،، يمكن بقعدتك عندها تستاثمين وتهاوشينها فخليكي بعيدة احسن
اهم شي نفسيتك ،،


اللي ما يعرف هالنوعية من الامهات والخوات يسكت ،، البنت ما سبت هي شرحت ظروفها
كل وحدة منكم امها تداريها وخواتها حوالينها ووناسة وتعاون وقلوب على بعض وما تدرون عن الثانييين وش يصير فيهم
التفرقة بين الاخوات اشششد شي على البنت تحطمها وتتعبها خاصة اذا كانت تعطي اهلها وهم ولا هم هنا
الطيبة مظلومة والاستغلالية محشومة ،،امها تعذرها وتداريها وتشوف نفسيتها وغيرها ما كن لهم نفسيات مثل العالم
ولو معك وحدة من خواتك مثل ظروفك كان تهون لكن انتي وحيدة وسط هالمشاعر القاتلة

آآآآآخ من اللي بقلبي اشياء تبكي وتقهررر

بصراحة انا لاحظت عندكم طبع اهل نجد تولدون فبيوت اهاليكم الاول والثاني والثالث والرابع وووووووو


طبعا هذا استنتجته من المنتدى ان الاغلب كذا عشان ماعمم

بصراحة انا مستغربه هذا الموضوع

يعني الحرمة اللي عندها اطفال كثير تلد فبيتها افضل


الحمد لله الحين اغلب البيوت بشغالات

واللي ماعندها شغاله تستاجر شغاله


وبصراحة انا اشوف انك اول شي تكلمين امك انك بتلدين عندها قوليلها انك محتاجتها وانك بتدفعين كل مصاريفك انت وعيالك وشوفي يمكن ربي يهديها

والا تستأجرين دام امك رافضة

لاتأخذين استراحه

فلوسك لو ماصرفتيها على نفسك ودلعتي نفسك بتصرفينها فايش


خذي لنفسك احسن شقة اذا مادياتك تسمح

وانتبهي تقولين لزوجك امي ماتبيني

كذا بتطيحين من عينه

قولي عيالي يطفشوني


اسفه ان كنت زعلتك بكلامي

يااقلبي خذي لك شقه وريحي بالك

عزي نفسك دام بي منعم عليك

والله يهدي امك ويسخرها لك

عين العقل وعليك بالاستخارة

شلونكم >>>>>>>>>>>انا فعلا احنا من نجد ..............وانا خلاص طابت نفسي من اهلي وخصوصا امى والله ما اقدر اشرب حتى الماي عندها احس اغص او احسها تحاسبني عليه ودي تندم ودي تحس بالذنب بس متى؟؟؟؟؟

بالنسبه لزوجي عرف بس مو ان امى ماتبيني لا قلت عيالك مزعجين واحس امي تضايق من كثرهم يعني فهمها لاني كنت معصبه وميته من القهرررررررررر