المضروبه يااابنات البحرين

ياليت يابنات اللي تعرف طريقة المضروبه اللي يكون لونها احمر وهي بالرز او العيش تكتبها لي بالتفصييييييل الممل

لان ذقتها وعجبتني وابغى الطريقه

الله يجزاااكم خييير ردوووو :)

6 تعليق 810 مشاهدة

شاركي في النقاش

سجلي الدخول لإضافة تعليق.

التعليقات

6
  1. @mlkh_mmlkty

    شوفي حبيبة قلبي <<< عن اللقافه




    دجاجة مغسله ومقطعة
    بصل مفروم+ ثوم وفلفل مدقوق
    بهارات مشكلة
    كركم...علبة صلصل=( معجون طماط), شوية شبت مفروم ,أرز مغسول ومنقوع
    فلفل حلو مقطع...طماط مفروم....جلجلان خضر مفروم ..لومي أسود مطحون <<<<كله على حسب الرغبة ( الكمية)


    ___________

    تحمسين فديتج الدجاج مع الزيت والبصل وحطي شوية دهن خالدي مع الزيت واتركيه الى أن يتحمر الدجاج
    شيلي الدجاج واضيفي الثوم واحمس وثم الكركم والبهارات المطلوبة وثم الطماط وقوطي صلصة
    ثم ضيفي الدجاج وحركي وخليهم مع الفلفل الحلو والجلجلان على نار هادية 5 دقايق ثم اضيفي الليمون الأسود المطحون تقريبا 3 ملاعق طعام
    اضيفي كمية الماء المطلوبة وقطي عليه العيش ( الأرز) المغسول عدل والمنقع ساعه قبل الطبخ
    وزيدي كمية الماي الى الضعف واتركيه على نار متوسطه الى أن يغلي واتركيه بعد مرور ساعة على صفيح ونار هادئة لمدة ساعة أو ساعتين على حسب الأرز واستوائه وعلى حسب الرغبة في طلب المضروبة قبل ربع ساعة من رفع الجدر اضيفي الشبت << يمي يمي بصراحه

    أضربي المضروبة واكفخي فيها الى أن تطلع روحها :(

    وبعدين اذا قدمتيها في صحن صبي شوية دهن خالدي او اصيل او بلدي على وجه المضروبة

    وحياج الله
  2. صاحبة الموضوع
    تسلميييييييين ياملكة مملكتي

    الله يجزاك خييير
    انا اعشق المضروووبه البحرينيه
    وبجربها بس بعد الرجيييم

    ام سوومه حبيبتي وجودك روووعه ولاتخافين علي بسوي ريجيم بس ادعي لي ياحبيبة قلبي واختي
  3. @mlkh_mmlkty

    أنـــــــثى
    تسلميييييييين ياملكة مملكتي الله يجزاك خييير انا اعشق المضروووبه البحرينيه وبجربها بس بعد الرجيييم ام سوومه حبيبتي وجودك روووعه ولاتخافين علي بسوي ريجيم بس ادعي لي ياحبيبة قلبي واختي
    بس عندي سؤال محيرني ؟

    إنتي ليش سميتيها بحرينية

    لأن هل قطر والبحرين والإمارات يسوونها بعد !

تابعي تجارب أخرى من هذا القسم.