بارك الله فيكم أخواتي فأنتم ذكرتم أفضل الأماكن و رح حاول أذكر شوي من المطاعم يللي بألب البلد ...
عندك مطعم جيميني هذا مطعم رائع جداً جداً و مميز بأبو رمانة عند موقف نورا ..
عندك مطعم لاكاسا بالمالكي كتير لزيز و حلو . و في كمان مطعم الفاندوم كمان بالمالكي ...
أما عن الشاورما الظرييييييييييييفة ... فهي حصراً من عند لانوازيت دمر ...
بالشام القديمة عندك مطم بيت ستي :
مطعم بيت جبري :
مطعم قصر الأمويين :
وفي كتير مطاعم و أماكن و شغلات حلوة مليااااااااااان ...
بالنسبة للشغلات التراثية أكيد سوق الحميدية و مدحت باشا و لا تنسوا زيارة الجامع الأموي أكيد :) .
و الشناتي و الشرقيات في بسوق الخجا محلات ملياااااااان ..
الفنادق الحلوة وة المرتبة بالشام فهي معدودة , فندق الشام و الشيراتون و الميريديان و قريباً ال Four season ....
محلات الطبخ , أنا بالنسبة لي و الله العظيم مافي بعد طبخ السميراميس شي بياخد العقل يللي ماجرب طبخه ما جرب شي .. أكل شامي و نظيف و ناهي جداً متل أكل البيت و أطيب كمان .
المتنزهات العائلية عندك بالربوة مليان مطاعم و عندك أيضاً بعين الفيجة المنار و أبو وحيد درويشة و أبو وليد و أهم شي لا يفوتك أبــــــــــــــــــــــداً :
السويس هاوس ... على طريق الديماس ... بيااااااااااااااااااااخد العقل ...
يعني العائلات يللي بتجي على سورية حاولوا كتير تروحوا على هالمطعم لأن كلمة روعة قليلة عليه .
في أيضاً سوق الجمعة ظريف كتير كتير و حلو يعني مناسب لأنك تقضي نهار كامل بالتسوق و الشغلات الحلوة لأن هو عبارة عن محلات محلات سورية بجانب بعضها كبير كتير و فيه شغلات ظريفة و مطاعم حلوة كتير متل سفاري و سانبريرو ...
و بالنسبة للتسوق في عندك التاون سنتر على طريق درعا مول كبير و كذلك الكوين سينتر بالمزة ...
هذا أكتر شي حضرني الآن حبيبات ألبي و أمانة يا غاليات لأي استفسار أو خدمة أو أي مساعدة لا تترددوا أبداً أنا بالخدمة ..
و لا أنسى شكر الأخت سكرة هانم على الموضوع الحلو جزاك الله كل الخير أختي الحبيبة ....
و السلام عليكم و رحمة الله و بركاته :26::26: